EPESOEK 5:8 - BUKUIT NE TILIL

⁸ amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

Bukuit Ne Tilil

⁸ amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

BUKUIT NE TILIIL Sireet ne Dutero Kanon

⁸ amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

EPESOEK 5:8 ပူးပေါင်းရင်းမြစ်များ

TIENWOGIKAL 74:20

Ibwat kayomiset: Amu nyiitat komoswek che imenen che bo ng’ony, ole menyei che koromen.

ISAIAH 2:5

Ee gotab Jakobo, obwa kebendate lapkeiyetab Jehovah.

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 49:9

kolenjin ichek che ratotin, Omande; ak kolenjin che mi mesundeito, Obartege. Amisioti eng’ ortinwek, ak egu komoswek che tororen ole churat, ole kiagete.

ISAIAH 50:10

Ng’o eng’ okwek ne iywei Jehovah, ne kase it kutitab otwogindennyi? Ne wendote mesundeito, ama tinyei lapkeiyet, ingomang’ kainetab Jehovah ak kotiiegei Kamuktaindennyi.

ISAIAH 9:2

Kogogeer lapkeiyet ne o bik che kibendote mesundeito: kogoluuchi lapkeiyet ichek che kimenyei emetab uruetab meet.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

MATAYO 3:8

Oi anyun logoek che nyoljin sigunet:

MATAYO 4:16

Kigeer bik che kitebe mesundeito Lapkeiyet ne o, Ak kichorjigei lapkeiyet, Che kitebe koret ak uruet ne bo meet.

LUKA 1:79

Si koluuchi icheget che tebyei eng’ mesundeito ak che mi uruetab meet; Si kondochi kelyekyok kot koit oretab kalyet.

LUKA 16:8

Ak kiichoi kiptaiyandennyi otwogindonoto kima ko bo imanda amu kayai eng’ ng’omnatet: amu ng’omen werikab ng’onyuni eng’ ibindanywa kosiir werikab lapkeiyet.

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

JOHANA 12:35

Kolenji Jesu anyun, Ta komi lapkeiyet eng’ kwenung’wong’ eng’ betusiek che matia. Obendoti ye ta otinye lapkeiyet, si ma namak mesundeito: ak inendet ne wendoti eng’ mesundeito ko manaei ole wendi.

JOHANA 12:36

Ye ta otinye lapkeiyet, oyan lapkeiyet, si kobiit oegu werikab lapkeiyet. Kimwa Jesu tuguchu, ak kwo koung’egei ichek.

JOHANA 12:46

Kianyo aegu lapkeiyet eng’ ng’ony, si ma kotebyei eng’ mesundeito chi age tugul ne iyana.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

POISYONIGAP CHE KIYOKTOI 17:30

Kima mage kiy anyun Jehovah betusiek che kima komi naet; ago kang’at nguno kole kosik bik tugul eng’ komosta age tugul:

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

ROMANIK 1:21

amu kingo kagonai Jehovah, ko ma kolos ko u Jehovah, anan kogochi kongoi; ago kiberberitu eng’ kabwatutikwak, ak kiimenitu mugulelwekwak che matinyei naet.

ROMANIK 13:12

Negit kosiirto kemout, karik betut; noto anyun ongireegu boisionikab mesundeito, ak ongilaach karikab lapkeiyet.

ROMANIK 2:19

ak iiti ile i kandoindet ne bo che koriotin, lapkeiyetab icheget che mi mesundeito,

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

2 KORINTOEK 3:18

Ago achek tugul kobortoi torornatetab Kiptaiyat ko u kioit eng’ togochikyok che ma tugotin, kewalech eng’ itonoto kobunu torornatet agoi torornatet, ko u ye bunu Kiptaiyat ne Tamirmiriet.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

2 KORINTOEK 6:14

Amot oratge ak che ma iyanotin: tinyei imanda yamdao nee ak tengekto? Anan tinyei yamdao nee lapkeiyet ak mesundeito?

GALATYEK 5:25

Ngot kesoptosi eng’ Tamirmiriet, ko ongebendoti anyun eng’ Tamirmiriet.

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

EPESOEK 4:18

che imenen eng’ nautikwak, che kigiyai koek kipsagarek eng’ sobondab Jehovah, amu berberindo ne mi eng’ ichek, amu uuindab mugulelwekwak;

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

KOLOSAIK 1:12

ogochini kongoi Kwanda, ne kiyaech keegu che nyoljin keyamde borotetab che tililen eng’ lapkeiyet;

KOLOSAIK 1:13

ne kisoruech kemong’une kimnatetab mesundeito, ak kouutech kebe bounatetab Werit ne bo chamnyennyi;

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.