EPESOEK 5:3 - BUKUIT NE TILIL

³ Ago ko u ye nyoljin bik che tililen ko mat ong’alale eng’ kwenung’wong’ sokset, ak simdo tugul, anan kasetab miat;

Bukuit Ne Tilil

³ Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

BUKUIT NE TILIIL Sireet ne Dutero Kanon

³ Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

EPESOEK 5:3 ပူးပေါင်းရင်းမြစ်များ

TIENWOGIKAL 10:3

Amu ilosunegei kiptengekyot magetab muguleldanyi, Ak koberuri ne koi kong’, ak kosas Jehovah:

TIENWOGIKAL 119:36

Tokyi muguleldanyu baornatosieguk, Ametokyi maget ne ya.

KOMONG'U 18:21

Nyolu kogeny ilewenote, eng’ bik tugul, bik che kimen, che iywei Kamuktaindet, bikab imanit, che wechei tugukab ng’wen, ak inde ichek koboi bik, koek bounikab elfusiek, ak che bo bogolwogik, ak che bo konomusiek, ak che bo tamanusiek:

KOMONG'U 20:17

Amegase miat gotab chitab kokweng’ung’, amegase miat osotiotab chitab kokweng’ung’ anan otwogindennyi ne muren, anan otwogindennyi ne tie, anan eitanyi, anan sigiriennyi, anan kiy age tugul ne bo chitab kokweng’ung’.

KOMONG'U 23:13

Ak orib tuguk tugul che kaamwawok: amat omwa kainaikab cheptalelisiek, amat kegasyi kuting’ung’.

KALEWANAIK 28:16

Usindet ne o agine bounindet ne matinyei kaguiyet: Ago inendet ne wechei kasetab miat kotesei betusiekyik.

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

ATEPTAP LAWIK 15:18

Ak kwondo agine ne kaituiyogei ak muren, konyolu koungei ichek tuwai, ak komuruonitu tuwai agoi koimen.

MIKAH 2:2

Kasei miat mbarenik, ak koreb; koboto gorik, ak koib: ak kous chito koboto gonnyi, chito koboto tugukyik.

KAITOSYEK 25:1

Ak kimeny Israel Sitim, ak kitoi koipgei ak tibikab Moabik;

MATAYO 15:19

Amu mong’une muguleldo kabwatutik che yaach, rumisiosiek, ibetab ge, soksosiek, chorsosiek, baornatosiekab lembech, ng’alek che yaachen:

LUKA 12:15

Ak kilenji ichek, Ogeer, ak oripge eng’ kasetab miat tugul: amu matebyei sobondab chi eng’ chang’indab tuguk che tinyei.

LUKA 16:14

Ak kigas Parisaik tuguchuto tugul. Kichamei siling’isiek icheget, ak kororechi inendet.

POISYONIGAP CHE KIYOKTOI 15:20

ago ongesirji ichek, kelenji kotabanegei muruonindab kanamonik, ak sokset, ak ne bo tuguk che kagiget, ak korotik.

POISYONIGAP CHE KIYOKTOI 20:33

Ma agase miat feda che bo chi age tugul, anan tahabu, anan ngoroik.

ROMANIK 1:29

ko nyiitat tuguk tugul che ma bo iman, sogornatet, kasetab miat, yaitiet; nyiitat ng’etkonda, rumisiet, boriet, kenisiet, suriet; chaamik,

ROMANIK 16:2

ale otaach inendet eng’ Kiptaiyat, ko u ye nyoljin che tililen, ak otoret inendet eng’ kit age tugul ne magenok; amu inendet agine ko ki toretindet ne bo che chang’, ak kitoreta agane.

ROMANIK 6:13

anan ogochi tengek kebeberwekab borwekwok koek karik che ma bo iman; ago ogochige Jehovah, ko u che soptos che kamong’une che kibek, ak ogochi Jehovah kebeberwekab borwekwok koek karikab imanda.

1 KORINTOEK 10:8

Amongesokse, ko u ye kiyai alak eng’ ichek, ak kiibutyo eng’ betut agenge elfusiek tiptemu ak somok.

1 KORINTOEK 5:1

Mwaat komie kele mitei ibetab ge kwenung’wong’, ibetab ge ne mami agot eng’ Bororiosiek, kele ibegei chi ak osotiotab kwandanyi.

1 KORINTOEK 6:13

Bo amitwogik moet, ak bo moet amitwogik; ago tun yaei Jehovah tuwai koek buch, moet ak amitwogik. Ago borto, ko ma bo sokset, ago bo Kiptaiyat; ak Kiptaiyat, ko bo borto;

1 KORINTOEK 6:18

Omwee ibetab ge. Tengek age tugul ne yaei chi komitei sang’utab borto; ago inendet ne yaei ibetab ge koyachin bortanyi tengekto.

2 KORINTOEK 12:21

si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

EPESOEK 5:12

amu tuguk che yaei ichek eng’ ung’ot ko tewernat ngelen kemwa.

EPESOEK 5:5

Amu ongen nito iman ole, mami chi ne soksei, anan chitab simdo, anan ne kasei miat, noto ne saei kanamonik, mami eng’ chu ne nyoru borotet eng’ bounatetab Kristo ak Jehovah.

PILIPIK 1:27

Ago ingoek atebeng’wong’ ne nyoljin logoiywek che miach che bo Kristo: si ngot anyo ageerok anan ngo mami ane, amuchi agas agobo atebeng’wong’, kele otonondosi komie eng’ tamirmiriet agenge, eng’ muguleldo agenge ogiilige agobo kayanetab logoiywek che miach;

KOLOSAIK 3:5

Obar anyun kebeberwekwok che mitei ng’ony; sokset, simdo, magutik che samisen, maget ne ya, ak kasetab miat, noto saetab kanamonik;

1 THESSALONIKEK 4:3

Amu nito magetab Jehovah, noto katabaneng’wong’, si kobiit oistoege sokset.

1 THESSALONIKEK 4:7

Amu kima kuurjech Jehovah simdo, ago eng’ tililindo.

1 TIMOTEO 2:10

ago (ko u ye nyoljin kobogorisiek che ibortogei kole bikab Jehovah icheget) eng’ boisionik che miach.

1 TIMOTEO 3:3

ne ma kimaiya, ne ma birisiei; ago ne tala, ne ma chi ne bo boriot, ne machamei siling’isiek;

1 TIMOTEO 6:10

Amu chametab siling’isiek ko tigitiot agenge ne bo yaitwogik alak tugul: che kigong’asyigei alage kot kometo kayanet ak kigotorgei eng’ arogenosiek che chang’.

2 TIMOTEO 3:2

Amu egu bik che chamegei ichegei, che chamei siling’isiek, che ichaugei, che mendos, che boisie chemereret, che ingeleljin sigikwak, che matinyei kongoi, che ma tililen,

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

TITO 1:7

Amu kanyolji ribindetab kaniset koek chi ne matinyei lelut, inendet ne ribindetab boisietab Jehovah; ma ne isubi magennyi, ne ma sib konerechi, ne ma kimaiya, ne mabirisiei, ne ma ting’e keiyandit magornatetab tewernatet;

TITO 2:3

ko u noto chebiosok che kagoeegitu, ingoek che teegot eng’ atebosiekwak, che ma kataamik, anan che rategei eng’ divaik che chang’, konetik che bo tuguk che miach;

HEBRANIK 12:16

si mabiit ne soksei, anan chito ne maiywei Jehovah, ko u Esau, ne kialda etunatennyi ne bo siget agobo amdit agenge.

JOSHUA 7:21

kingageer eng’ tuguk che kigiluul ngoriet ne kararan ne bo Babulon, ak sekelisiek bogol aeng’ che bo feda, ak tahabu ne u chamaniet ne nyigisindanyi ko sekelisiek konom, agase miat anyun, ak aib; ak ogeero, ung’otin tukchoto eng’ ng’ony, eng’ kwenutab emainnyu, ak tabanu ng’ony feda eng’ tukchoto.

1 PETERO 5:2

oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

2 PETERO 2:10

ago eng’ magetab muruonindo, ak kosasei bounatet. Che koromen, che isubi magutikwak, che mabotandos ye chubei che tororen.

2 PETERO 2:14

bik che tinyei konyek che nyiitotin ibetab ge, amaimuchi kometo tengekto; che ichuuti sobonwek che ma tononiotin; che tinyei mugulelwek che kigonetgei kasetab miat; lagokab chubet;

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.

NG'ANG'UTYET 2:14

Ago ating’enen ng’alek tutigin, amu itinye alak eng’ oloto che isubi konetisietab Balaam, ne kiinet Balak konde kanagutiet taitab lagokab Israel, si koam tuguk che kigochin kanamonik, ak kosokso.

NG'ANG'UTYET 2:21

Ak kiagochi boroindo ale si kosik; ago machamei kosik eng’ soksennyi.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

NG'ANG'UTYET 22:15

Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.

NG'ANG'UTYET 9:21

ama sik eng’ rumisiosiekwak, anan eng’ banisiosiekwak, anan eng’ soksenywa, anan eng’ chorsosiekwak.

1 SAMUEL 8:3

Ak ma bendate werikyik ortinwekyik, ago kimasta kosub magornotet eng’ oret ne ya, ak kitaach tuguk che kigoigoisie, ak komaas kiruoget.