EPESOEK 5:20 - BUKUIT NE TILIL

²⁰ ogoitoi kongoi kotugul agobo tuguk tugul eng’ kainetab Kiptaiyandennyo Jesu Kristo, ogochini Jehovah, inendet Kwanda;

Bukuit Ne Tilil

²⁰ ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

BUKUIT NE TILIIL Sireet ne Dutero Kanon

²⁰ ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

EPESOEK 5:20 ပူးပေါင်းရင်းမြစ်များ

Kitabuutap JOB 1:21

ak kile, Kigisicha ach ngor, ak aweeksei ach ngor: kigonu Jehovah, ak kagoweech Jehovah; iberurot kainetab Jehovah.

TIENWOGIKAL 34:1

Alasu Jehovah kotugul: Tebe kutinnyu kalosunennyi kotugul.

ISAIAH 63:7

Amwaitoi chamnyet ne tala ne bo Jehovah, ak kalosunoikab Jehovah, ko u tugul che kigogonech Jehovah; ak mieindo ne o eng’ gotab Israel, ne kigogochi ichek ko u rirenosiekyik, ak ko u chang’indab chamnyennyi ne tala.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

POISYONIGAP CHE KIYOKTOI 5:41

Koba anyun eng’ taitab kapkiruok koboiboi amu kagiit kele nyoljin konyor katewerisiet agobo Kainanato.

ROMANIK 1:8

Ne bo tai, amwachini Jehovah nenyu kongoi eng’ Jesu Kristo agobo okwek tugul, amu kimwaitoi kayaneng’wong’ eng’ ng’ony komugul.

1 KORINTOEK 1:4

Amwachini Jehovah nenyu kongoi kotugul agobo okwek, amu mieindab Jehovah ne kigigonok eng’ Kristo Jesu;

1 KORINTOEK 15:24

Ye ibata koit anyun let, ye tun igoito inendet bounatet kogochi Jehovah, inendet Kwanda; ye tun kagowong’ bounatet tugul ak kimnatet tugul ak kamuktaet.

EPESOEK 5:4

anan tewernat, anan ng’alaletab abusnatet, anan roriot ne bo ng’alek che yaach, manyolu choto: ago kaigai kagoitoetab kongoi.

PILIPIK 1:3

Amwachini Jehovah nenyu kongoi agobo kabwatennyu tugul ne abwatok,

PILIPIK 4:6

Amogereri met eng’ kiy age tugul; ago eng’ kiy age tugul ko eng’ saet ak somet koboto kongoi, ingonaak somutikwok eng’ Jehovah.

KOLOSAIK 3:17

Ak kit age tugul ne oyae, eng’ ng’olyot anan eng’ boisiet, oyai tugul eng’ kainetab Kiptaiyat Jesu, omwachini Jehovah Kwanda kongoi eng’ inendet.

1 THESSALONIKEK 3:9

Amu kongoi nee ne kimuchi kigochi Jehovah kogeny agobo okwek, amu boiboiyet tugul ne kiboiboitune ko amu okwek eng’ taitab Jehovah nenyo;

1 THESSALONIKEK 5:18

omwae kongoi eng’ tuguk tugul: amu nito magetab Jehovah eng’ Kristo Jesu eng’ okwek.

2 THESSALONIKEK 1:3

Kanyol kemwachi Jehovah kongoi betusiek tugul agobo okwek, che kitupche, ko u ye nyolu, amu nerei kayaneng’wong’ mising’, ak ko tesoksei chamnyet ne oting’ege okwek tugul;

2 THESSALONIKEK 2:13

Ago kanyol kemwachi Jehovah kongoi kotugul agobo okwek, che kitupche che chamanikab Kiptaiyat, amu kilewenjok Jehovah yetunet koboch taunet eng’ katabanetab Tamirmiriet ak kayanetab imanit:

HEBRANIK 13:15

Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.