EPESOEK 5:2 - BUKUIT NE TILIL

² ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

Bukuit Ne Tilil

² ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

BUKUIT NE TILIIL Sireet ne Dutero Kanon

² ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

EPESOEK 5:2 ပူးပေါင်းရင်းမြစ်များ

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

KOMONG'U 29:18

Ak ibeel mengoto komugul eng’ kaptisisiet: nito ko kagochinet ne kibeelei ne bo Jehovah: nyamdutiet ne anyiny, kagochinet ne kigochin Jehovah kobunei mat.

KOMONG'U 29:25

Icheru tuguchoto eng’ eunekwak, ak ibeel eng’ kaptisisiet eng’ baragutab kagochinet ne kibeelei, koek nyamdutiet ne anyiny eng’ taitab Jehovah: noto kagochinet ne kigochin Jehovah kobunei mat.

ATEPTAP LAWIK 1:13

ago ingoun tugukab ke ak kelyek eng’ beek: ak ingogoito tisiindet banyek tugul, ak kobeel eng’ kaptisisiet: kagochinet nito ne kibeelei, kagochinet ne bunei mat, nyamdutiet ne anyiny eng’ Jehovah.

ATEPTAP LAWIK 1:17

ak kogerer kopcheune aeng’ kebebaikyik, amat kobesio; yeityo kobeel tisiindet choto eng’ kaptisisiet, eng’ kwenik che mi ma: nito kagochinet ne kigoitoi kebeel, kagochinet ne bunei mat, nyamdutiet ne anyiny eng’ Jehovah.

ATEPTAP LAWIK 1:9

ago ingoun eng’ beek tugukab ke koboto kelyekyik: ak kobeel tisiindet kirgoto komugul eng’ kaptisisiet, koek tiseiywot ne kibeelei, kagochinet ne bunei mat, nyamdutiet ne anyiny eng’ Jehovah.

ATEPTAP LAWIK 3:16

Ak kobeel tisiindet choto eng’ kaptisisiet; amitwogikab kagochinet chuto, che bunei mat, koek nyamdutiet ne anyiny: bo Jehovah mwanik tugul.

AMOS 5:21

Aweche, asase igorwekwok, amabaibaitune tuiyosiekwok che bo kaming’inetab ge.

KAITOSYEK 7:21

ak kirgit agenge ne neran, ak mengit agenge, ak mengit agenge ne masiirei kenyit agenge, kobunji kagochinet ne kibeelei;

MATAYO 20:28

agot ko u noto, kima nyo Weritab chi keboisiechi, ago si kobois inendet, ak kogoito sobondanyi koek kit ne kitiage che chang’.

JOHANA 13:34

Agonok ng’atutiet ne leel, ale, ochamnye; ko u ye kiachamak, ochamnye ak okwek.

JOHANA 6:51

A makatiat ne sobei ne kichorgei eng’ kipsengwet: ngo am chi age tugul makatiandani, kosobei koigeny: ee, ak bortanyu makatiat ne agoitoi agobo sobondo ne bo ng’ony.

ROMANIK 15:16

ale aek kiboitiotab Kristo Jesu eng’ Bororiosiek, aboisiei eng’ logoiywek che miach che bo Jehovah, si kobiit koek kagoitoetab Bororiosiek ne taagaksei, ko kagitaban eng’ Tamirmiriet ne Tilil.

ROMANIK 4:25

ne kigigoito amu bistautikyok, ak kiging’eet si kobiit kiityech imanda.

ROMANIK 8:3

Amu kit ne kima imuch Ng’atutiet koyai, amu nyaluletab borto, koyok Jehovah Werinnyi eng’ kergeindab bortab tengek si koek kagochinet ne bo tengekto, kogikyi tengekto eng’ borto:

ROMANIK 8:37

Ago, ki katerterik kot kosiir eng’ tuguchu tugul eng’ inendet ne kichamech.

1 KORINTOEK 16:14

Ingoyaak eng’ chamnyet tugul che oyae.

1 KORINTOEK 5:7

Ounde mermerek che bo keny, si kobiit oegu kererutiet ne leel, ko u ye mami mermerek eng’ okwek. Amu kigeeny agine aruennyo ne bo Paska, noto ko Kristo:

2 KORINTOEK 2:14

Ago kongoi eng’ Jehovah, ne imutatech kotugul kibelisie eng’ Kristo, ak kobortoi nyamdutietab naennyi eng’ achek eng’ komosta age tugul.

2 KORINTOEK 2:15

Amu ki nyamdutiet ne anyiny ne bo Kristo eng’ Jehovah, eng’ ichek che kisoru, ak eng’ ichek che lustos;

2 KORINTOEK 8:9

Amu ongen mieindab Kiptaiyandennyo Jesu Kristo ole, agot nganda ki magorio, ko kiek kibanania agobo okwek, si kobiit oegu magorek eng’ banandanyi.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

GALATYEK 2:20

Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

EPESOEK 3:17

si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet,

EPESOEK 3:19

ak onai chamnyetab Kristo ne siirei naet, si kobiit kinyiitak nyiiet tugul ne bo Jehovah.

EPESOEK 4:15

ago king’alali che bo iman eng’ chamnyet, si keegitu eng’ tuguk tugul eng’ inendet, inendet ne metit, noto ko Kristo;

EPESOEK 4:2

eng’ kaming’inetab ge tugul ak mutyonet, koboto muitaet, omuitochinige eng’ chamnyet;

EPESOEK 5:15

Oripge anyun mising’ eng’ ole oteptoi eng’ banwekwok, ma ko u che ma ng’omen, ago ko u che ng’omen;

EPESOEK 5:25

Manong’otaichu, ocham osotikwok, ko u Kristo agine ne kicham kaniset, ak kogoitogei agobo inendet;

NG'ATUTIK 27:6

Teekyi Jehovah Kamuktaindeng’ung’ kaptisisiet eng’ koik che ma kiwai: ak igochi Jehovah Kamuktaindeng’ung’ kagochinoik che kibeelei eng’ oloto:

PILIPIK 4:18

Ago atinye tuguk tugul, ak che siirtoot: a biyong’ot, amu kiataach eng’ Epaprodito tuguk che kibunwok, che bo ng’uunet ne nyamdut, korosiot ne taagaksei, ne iboiboi Jehovah.

KOLOSAIK 3:14

ak otes eng’ tuguchuto tugul chamnyet, noto ratutiet ne bo kagesunetab ge.

1 THESSALONIKEK 4:9

Ago ma nyolu kesirwak agobo chamnyetab tupchosiek; amu onetotin okweget eng’ Jehovah si ochamnye;

1 TIMOTEO 2:6

ne kiigoitogei koek ne kitiage tugul; ne tun kibaorianjin eng’ betusiekyik;

1 TIMOTEO 4:12

Amat kosas chi ming’inateng’ung’; ago egu kaborunet eng’ ichek che iyani, eng’ ng’olyot, eng’ atepto, eng’ chamnyet, eng’ kayanet, eng’ tililindo.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 8:3

Amu kindoi tisiindet age tugul ne o si kogoitoi kagochinoik ak tiseiywek: noto anyun konyolu kotinyei agine tisiindoni kit ne igoitoi.

HEBRANIK 9:14

kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

HEBRANIK 9:23

Kinyolu anyun kitilil itonwekab tuguk che bo kipsengwetisiek eng’ choto; ago kitilile tuguk che bo kipsengwet tiseiywek che miach kosiir chuto.

HEBRANIK 9:26

amu nda ki u noto anyun ta kinyoljin konyalil konyil che chang’ koboch ngelumda ng’ony: ago kagong’ang’ak nguno konyil agenge eng’ kagesunetab kenyisiek si kobiit koisto tengekto eng’ tiseiywot ne ki inendet.

1 PETERO 4:8

ne siirei tuguk tugul ko ochamnye mising’ okwege; amu tuchei chamnyet chang’indab tengekwogik:

1 JOHANA 3:16

Kingen eng’ nito chamnyet, amu kiigoito sobondanyi agobo achek: ak kanyol kigoite sobonwekyok agobo che kitupche.

1 JOHANA 3:23

Ak ni ng’atutiennyi, kele kiyan kainetab Werinnyi Jesu Kristo, ak kechamnye achege eng’ achege, ko u ye kigonech ng’atutiet.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,