EPESOEK 5:15 - BUKUIT NE TILIL

¹⁵ Oripge anyun mising’ eng’ ole oteptoi eng’ banwekwok, ma ko u che ma ng’omen, ago ko u che ng’omen;

Bukuit Ne Tilil

¹⁵ Oriipkei anyun miising' eng' ole oteptoi eng' panwekwok, ma ko uu che ma utaatiin, ago ko uu che utaatiin;

BUKUIT NE TILIIL Sireet ne Dutero Kanon

¹⁵ Oriipkei anyun miising' eng' ole oteptoi eng' panwekwok, ma ko uu che ma utaatiin, ago ko uu che utaatiin;

EPESOEK 5:15 ပူးပေါင်းရင်းမြစ်များ

2 SAMUEL 24:10

Ak kitoor Daudi muguleldanyi ye kingo kagoiit bik. Ak kilenji Daudi Jehovah, Kiayai tengekto ne o eng’ kioto koayai: ago asomin ale, iste anyun, ee Jehovah, tengektab otwogindeng’ung’; amu kiayai eng’ berberindo ne o.

Kitabuutap JOB 2:10

Ago kilenji Job inendet, Ing’alali ko u ye ng’alaldos kwonyik che berber. Tos kinyor che miach eng’ eutab Kamuktaindet ama kinyoru che yaach? Eng’ chuto tugul ko ma mwa Job tengek eng’ kutinnyi.

TIENWOGIKAL 73:22

Kia abusat, amangen kiy; Kia u tiondo eng’ taing’ung’.

KOMONG'U 23:13

Ak orib tuguk tugul che kaamwawok: amat omwa kainaikab cheptalelisiek, amat kegasyi kuting’ung’.

KALEWANAIK 14:8

Ng’omnatetab chito ne ng’om ko koguiyo orennyi: Ago ng’alset berberindab che berber.

KALEWANAIK 15:21

Egu berberindo boiboiyetab ne ma ng’om: Ago ilititi ortinwekyik chito ne tinyei kaguiyet.

MATAYO 10:16

Ogeero, ayoktook ko u kechirek eng’ kwenutab suik: noto anyun ong’omegitu ko u erenok, ak otaloitu ko u cheptugenik.

MATAYO 25:2

Ki berberen mutu eng’ ichek, ak ki ng’omen mutu.

MATAYO 27:24

Noto anyun, ye kingogeer Pilato kole, mata komuch kiy, ago kitesak bolatet, konam beek, ak koun eunekyik eng’ taitab tuiyet kole, Matinye tengek eng’ korotikab chichi bo iman: oyaoti okwege.

MATAYO 27:4

kole, Kaayai tengekto amu kaang’wekte korotik che matinyei tengek. Ago kile ichek, Botech eng’ nee? Yaoti inyege.

MATAYO 8:4

Ak kimwachi Jesu kolenji, Ripge si memwachi chi; ago ui, iborjige tisiindet, ak igoite kagochinet ne king’at Musa, si koek baornatet eng’ ichek.

LUKA 24:25

Ak kilenji anyun bichoto, Ee, che berberen, ak ko tamusen mugulelwek kot ko mata koyan tuguk tugul che kimwa maotik!

1 KORINTOEK 14:20

Che kitupche, amoegu lagok eng’ ng’omnatet: ago oegu lagok che nyerotin eng’ yaitio, ago oegu che kaoeegitu eng’ ng’omnatet.

GALATYEK 3:1

Ee Galatiechu berberen, ng’o ne kibanak, okwek che kiginde Jesu Kristo taitab konyekwok kotook kele kigigartat?

GALATYEK 3:3

Tos kaga o berberen ko u noto? Ngo kiotau eng’ Tamirmiriet, omache nguno oegu che ogesunotingei eng’ borto?

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

EPESOEK 5:33

Ago ingocham chi age tugul osotiondennyi, ko u ole chamdogei; ak ingogonyit osotiot manong’otiondennyi.

PILIPIK 1:27

Ago ingoek atebeng’wong’ ne nyoljin logoiywek che miach che bo Kristo: si ngot anyo ageerok anan ngo mami ane, amuchi agas agobo atebeng’wong’, kele otonondosi komie eng’ tamirmiriet agenge, eng’ muguleldo agenge ogiilige agobo kayanetab logoiywek che miach;

KOLOSAIK 1:9

Amu nito anyun, ko magimete kesa ak kesom agobo okwek koboch betut ne kingegas, kele konyiiak naetab magennyi eng’ ng’omnatet tugul ne bo tamirmiriet ak kaguiyet,

KOLOSAIK 4:5

Obendoti eng’ ng’omnatet eng’ taitab icheget che mi sang’, ingoek saisiek kamanut eng’ okwek.

1 THESSALONIKEK 5:15

Ogeer si mayaakyi chi age tugul chito age yaitio eng’ yaitio; ago osub noto mie kotugul, chi age eng’ age, ak eng’ bik tugul.

1 TIMOTEO 6:9

Ago ichek che machei koek magorek kobutyin yomset ak mestet ak magutik che chang’ che berberen, che ibu ng’wanindo, che lugui bik koba ng’emisiet ak luset.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet:

JAKOBO 3:13

Ng’o ne ng’om eng’ okwek ak koguitos? Ingobarta boisionikyik eng’ atebet ne mie eng’ kaming’inetab ge ne bo ng’omnatet.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

NG'ANG'UTYET 19:10

Ak kiabutyi kelyekyik alosu inendet. Ak kolenja, Ameyai ko u noto: ki otwogik tuwai koboto tupchosieguk che tinyei baornatet ne bo Jesu. Ilosu Jehovah: amu baornatetab Jesu ko tamirmirietab maoinatet.