EPESOEK 4:4 - BUKUIT NE TILIL

⁴ Agenge borto, ak agenge Tamirmiriet, ko u ye kigeguurok eng’ kamang’unet agenge ne bo kuurseng’wong’;

Bukuit Ne Tilil

⁴ Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';

BUKUIT NE TILIIL Sireet ne Dutero Kanon

⁴ Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';

EPESOEK 4:4 ပူးပေါင်းရင်းမြစ်များ

TIENWOGIKAL 122:8

Amu tupchosiekyuk ak choronokyuk, Amwae nguno ale, Ingotebenen kalyet.

JEREMIA 14:8

Ee inye kamang’unetab Israel, yetindennyi eng’ betutab nyalilda, amu nee si iige toondet eng’ emet, ak iige kiprutoiyot ne mastoi koruei kemout agenge?

JEREMIA 17:7

Iberurot chito ne imang’u Jehovah, ak ko ne kamang’unennyi Jehovah.

MATAYO 28:19

Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

POISYONIGAP CHE KIYOKTOI 15:11

Ago kiyani kele kisoruech eng’ mieindab Kiptaiyat Jesu, ko u ye kisoru agichek.

ROMANIK 11:29

Amu matinyei ndara konunoikab Jehovah ak kuursennyi.

1 KORINTOEK 10:17

Amu achek che ki bik che chang’, ko ki makatiat agenge, borto agenge: amu kiame achek tugul makatiat agenge.

1 KORINTOEK 12:20

Ago nguno ko kebeberwek ichek che chang’, ago agenge borto.

2 KORINTOEK 11:4

Amu inendet ne nyonei, ngo amda Jesu age, ne kima kiamde achek, anan ngo taach tamirmiriet age, ne kima otaach okwek, anan logoiywek che miach che ter, che kima oyan, ko kaga anyun omuitochini inendet komie.

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

EPESOEK 2:16

ak kotuiyo ichek tuwai eng’ borto agenge ak Jehovah eng’ kimurtoiyot, ko kagobar bunyondit eng’ noto.

EPESOEK 2:18

amu kinyoru achek tuwai eng’ inendet orennyo eng’ Tamirmiriet agenge, ne kiite ole mi Kwanda.

EPESOEK 2:22

kigiteechak ak okwek oegu agenge eng’ inendet, ole menyei Jehovah eng’ Tamirmiriet.

EPESOEK 4:1

Noto anyun, ane ne a kimonjororiot eng’ Kiptaiyat, asomok mising’ ale obendate ko u ye nyoljin kuurset ne kigeguurok,

EPESOEK 5:30

amu ki kebeberwek che bo bortanyi.

KOLOSAIK 1:5

amu kamang’unet ne kigegonoruok eng’ kipsengwet, ne kiosib ogas eng’ ng’olyotab imanit ne bo logoiywek che miach,

KOLOSAIK 3:15

Ak ingoboi kalyetab Kristo mugulelwekwok, noto ne kigiguurjok eng’ borto agenge; ak oegu che tinyei kongoi.

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

1 TIMOTEO 1:1

Paulo, ne kiyoktoi ne bo Kristo Jesu ko u ng’atutietab Jehovah Yetindennyo, ak Kristo Jesu ne kamang’unennyo;

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

TITO 2:13

kigeni kamang’unet ne iberurot, noto ko toogunetab torornatetab Jehovah nenyo ne o ne Yetindennyo Jesu Kristo;

TITO 3:7

si, ye kagiityech imanda eng’ mieindanyi, keyaech keegu che namei tuguk ko u kamang’unetab sobondab koigeny.

1 PETERO 1:21

che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

1 JOHANA 3:3

Ak chi age tugul ne tinyei kamang’unoni agobo inendet kotililegei, ko u ye tilil inendet.