EPESOEK 4:25 - BUKUIT NE TILIL

²⁵ Noto anyun oiste lembeita, ong’alaljinige ne bo iman chi tugul ak chitab kokwennyi: amu ki kebeberwek age tugul ne bo age.

Bukuit Ne Tilil

²⁵ Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

BUKUIT NE TILIIL Sireet ne Dutero Kanon

²⁵ Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

EPESOEK 4:25 ပူးပေါင်းရင်းမြစ်များ

1 LAITORINIK 13:18

Ak kilenji inendet, A maotiot agane ko u inye; ak kang’alalwa malaikaiyat eng’ ng’olyotab Jehovah kole, Imutu inendet konyo gong’ung’, si koamis ak koee beek. Ago kimwachi lembech.

TIENWOGIKAL 119:29

Istoena oretab lembech: Ak igona ng’atutieng’ung’ eng’ mieindo.

TIENWOGIKAL 15:2

Inendet ne wendoti eng’ lititindo, ak koyaei imanda, Ak komwaei imanit eng’ muguleldanyi.

TIENWOGIKAL 52:3

Ichame yaitiet kosiir ne mie; Ak ichame lembech kosiir ye imwae imanda.

KOMONG'U 23:7

Istege, looitu eng’ ng’alekab lembech; amebar che matinyei yaitio ak che bo imanda: amu maiityini imanda kiptengekyot.

KALEWANAIK 12:17

Inendet ne mwaei iman kobortoi imanda, Ago ibortoi ng’alset baoriat ne ma bo iman.

KALEWANAIK 12:19

Kigimiti koigeny kutit ne bo iman; Ago bo sait ne matia ng’elyepta ne mwaei lembech.

KALEWANAIK 12:22

Wechei Jehovah kutit ne mwaei lembech: Ago baibai inendet eng’ che boisie iman.

KALEWANAIK 21:6

Ye kinyoru konoraik eng’ lembeita Ko u kibungweret ne kiwirjin komosi ak komosi; cheng’ei meet che cheng’ei choto.

KALEWANAIK 24:28

Amat iegu baoriat igirinde chitab kokweng’ung’ buch; Amat ing’alse eng’ kuting’ung’.

KALEWANAIK 6:17

Choto ko, konyekab menotet, ng’elyepta ne mwaei lembech, Ak eunek che tumdoi korotik che matinyei tengek;

KALEWANAIK 8:7

Amu mwaei kutinnyu imanda; Ak wechei kutinnyu tengekto.

ISAIAH 63:8

Amu kimwa kole, Bikyuk iman, lagok che mayaei kaberberisiet: kiek anyun yetindenywa.

ISAIAH 9:15

Metit ko boiyot ne konyitot; ak katutiet ko maotiot ne ineti lembechek.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

ATEPTAP LAWIK 19:11

Amochorse; amoberberisie, amomwachige lembech.

SEKARIA 8:16

Chu tuguk che tun oyae; Ingomwachi chi age tugul eng’ okwek chitab kokwennyi imanit; oyai kiruoget ne bo imanit ak kalyet eng’ ormarichokwok:

SEKARIA 8:19

Mwaei Jehovah ne bo lugosiek ko u ni kole: Egu eng’ gotab Juda boiboiyet ak kagasetab ge, ak igorwekab boiboiyet, karugutetab ge ne bo arawetab ang’wan, ak ne bo arawetab mut, ak ne bo arawetab tisab, ak ne bo arawetab taman; ocham anyun imanit ak kalyet.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

ROMANIK 12:5

ko u noto eng’ achek che ki chang’, ki borto agenge eng’ Kristo, ak ki kebeberta age tugul ne bo age.

1 KORINTOEK 10:17

Amu achek che ki bik che chang’, ko ki makatiat agenge, borto agenge: amu kiame achek tugul makatiat agenge.

2 KORINTOEK 7:14

Ak ngo kiamwachi inendet kiy age tugul eng’ losetab ge agobo okwek, ko kima kigona alilan; ago ko u ye kigemwawok tuguk tugul eng’ iman, ko u noto kalosunennyo agine, ne kiamwa eng’ taitab Tito, ko kiek iman.

EPESOEK 4:15

ago king’alali che bo iman eng’ chamnyet, si keegitu eng’ tuguk tugul eng’ inendet, inendet ne metit, noto ko Kristo;

EPESOEK 4:22

ale oregu chito ne bo keny, noto atebeng’wong’ ne bo atkinye, ne ng’emaksei ko u magutik che yaach che bo kenisiet;

EPESOEK 4:31

Ingoistogei eng’ okwek ng’wanindo tugul, ak nyitatet, ak neregek, ak bolatet, ak chubisiet, koboto yaitiet tugul:

EPESOEK 5:30

amu ki kebeberwek che bo bortanyi.

KOLOSAIK 3:8

Ago nguno olakte ak okwek tuguchuto tugul; neregek, nyitatet, yaitiet, chubisiet, ak ng’alalet ne bo tewernatet eng’ kutuswekwok:

KOLOSAIK 3:9

amomwachige lembech, amu kioregu chito ne bo keny koboto boisionikyik,

1 TIMOTEO 1:10

agobo che soksei, ak murenik che ibegei ak murenik, ak che chorei bik, ak kiplembechonik, ak che iyostos lembech, ak ngo mi kit age tugul ne ketei konetisiet ne bo imanit;

1 TIMOTEO 4:2

eng’ chombilisietab bik che ng’alali lembech, che kigoigei kabwatutikwak che kigibeele karnet ne beelei bich;

TITO 1:12

Kile age eng’ ichek, ne maotionywa, Kiplembechonik Kretik kotugul, tiong’ik che yaachen, kipkeinik che choriren.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

HEBRANIK 12:1

Noto anyun, amu kiyiemenech boldet ne o ne bo baorinik eng’ komoswek tugul, ongeiste nyigisindo age tugul, ak tengekto ne isib konamech, ak ongeruai eng’ muitaet eng’ kabeletab ge ne kiginde tainnyo,

JAKOBO 1:21

Eng’ noto anyun omete simdo tugul ak chang’indab yaitwogik, otaach eng’ mutyonet ng’olyot ne kigimin, ne imuchi kosor sobonwekwok.

1 PETERO 2:1

Oiste anyun yaitiet tugul, ak ng’alset tugul, ak chombilisiosiek, ak ng’etkonda, ak ng’alalet age tugul ne ya,

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

NG'ANG'UTYET 22:15

Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.

KIRUOGIK 16:11

Ak kilenji inendet, Ngot keratena rogoosiek che leelachen che tom keyai kiy, anyaluli anyun, ak aige chi tugul.