EPESOEK 4:2 - BUKUIT NE TILIL

² eng’ kaming’inetab ge tugul ak mutyonet, koboto muitaet, omuitochinige eng’ chamnyet;

Bukuit Ne Tilil

² eng' kaming'inetapkei tugul ak mutyonet, kobooto muitaet, omuitochinigei eng' chamyet;

BUKUIT NE TILIIL Sireet ne Dutero Kanon

² eng' kaming'inetapkei tugul ak mutyonet, kobooto muitaet, omuitochinigei eng' chamyet;

EPESOEK 4:2 ပူးပေါင်းရင်းမြစ်များ

TIENWOGIKAL 138:6

Amu agot ngo toror Jehovah, kogeerei ne nyerat: Ago ingen inendet menotiot agot ngo mi ole loo.

TIENWOGIKAL 45:4

Ak iwendote eng’ etunateng’ung’ eng’ kaberuret, Amu imanit ak kaming’inetab ge ak imanda: Ak inetin eung’ung’ ne bo tai boisiosiek che imuisei.

KALEWANAIK 16:19

Kaigai ngetepto kaming’inetab ge koboto kibananok, Kosiir kepchei barunenik ak menotik.

KALEWANAIK 3:34

Chotei inendet iman chotik, Ago igochin mieindo che iming’ingei.

AMDOINDET 7:8

Kaigai kagesunetab kiy kosiir taunennyi: kaigai ne muitoi eng’ tamirmiriet kosiir ne menei.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

SEPANIA 2:3

Ocheng’ Jehovah, okwek tugul che o taloen che o bo ng’ony, che kigoyai kiruogutikyik; ocheng’ imanda, ocheng’ talasiet: abere tun kiunyok eng’ betutab neregekab Jehovah.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

KAITOSYEK 12:3

Ago ki chi ne tala mising’ Musa, kosiir bik tugul che kimi ng’ony.

MATAYO 11:29

Otiiny kaat choginnyu ak onetenage; amu a tala ak aming’inige eng’ muguleldo: si osich kamuung’et eng’ sobonwekwok.

MARIKO 9:19

Ak kiwolji anyun ichek kolenji, Ee, ibinda ne matinyei kayanet, atebye kobotok kot kotianit? Amuitoiywok kot kotianit? Omutwa inendet.

POISYONIGAP CHE KIYOKTOI 20:19

aboisiechini Kiptaiyat eng’ kaming’inetab ge tugul, ak eng’ beekab kong’, ak eng’ tiemisiosiek che kibwanja eng’ chobutik che bo ung’ot che bo Yahudik;

ROMANIK 15:1

Noto anyun kanyoljech achek che ki kimen kegesen nyalulnatetab che ma kimen, ama kibaibaigei achege.

1 KORINTOEK 13:7

sisei eng’ tuguk tugul, iyani tuguk tugul, imang’u tuguk tugul, muitoi eng’ tuguk tugul.

GALATYEK 6:2

Otoretge eng’ nyalilwogik, oyae kosulda ng’atutikab Kristo.

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

KOLOSAIK 1:11

kigimitok eng’ kamuktaet tugul, ko u kamugetab torornatennyi, agoi muitaet tugul ak talasiet eng’ boiboiyet,

1 TIMOTEO 6:11

Ago inye, ee, chitab Jehovah, mwee tuguchuto; ak isub imanda, ak kaiyweet ne kiywei Jehovah, kayanet, chamnyet, muitaet, mutyonet.

2 TIMOTEO 2:25

ne kere kong’ eng’ mutyonet ichek che kirindoi; tamangab kogochi Jehovah ichek sigunet ne bo naetab imanit,

JAKOBO 1:21

Eng’ noto anyun omete simdo tugul ak chang’indab yaitwogik, otaach eng’ mutyonet ng’olyot ne kigimin, ne imuchi kosor sobonwekwok.

1 PETERO 3:15

ago ogonyit Kristo koek Kiptaiyat ne tilil eng’ mugulelwekwok: ak oegu che chobotin kotugul owolji chi tugul ne teebenok ng’olyo agobo kamang’unet ne mitei eng’ okwek, ago eng’ talasiet ak kaiyweisiet:

1 PETERO 3:8

Ne bo let anyun, ko oegu tugul che bo kabwatet agenge, che riregei, che chamdos ko u che tupcho, che ng’arng’arge, che iming’inegei: