EPESOEK 4:11 - BUKUIT NE TILIL

¹¹ Ak kiigochi alak koek che kiyoktoi: ak alak, maotik; ak alak, che mwaitooti logoiywek che miach; ak alak, mestowek ak ko konetik;

Bukuit Ne Tilil

¹¹ Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

BUKUIT NE TILIIL Sireet ne Dutero Kanon

¹¹ Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

EPESOEK 4:11 ပူးပေါင်းရင်းမြစ်များ

2 ATEPTAP PEETUUSYEK 15:3

Kiga kotebe Israel egosiek che chang’ ama tinyei Kamuktaindet ne bo iman, ama tinyei tisiindet ne inetisiei, ama tinyei ng’atutik:

JEREMIA 3:15

Ak agonok mestowek ko u ye chamei muguleldanyu, che baok eng’ naet ak kaguiyet.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

POISYONIGAP CHE KIYOKTOI 13:1

Ak kimi kaniset ne kimi Antiokia, maotik ak konetik, Barnaba, ak Simion ne kigiguure Niger, ak Lukio ne bo Kurene, ak Manaen ne kigigui koboto kiruogindet Herod, ak Saul.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

POISYONIGAP CHE KIYOKTOI 21:8

Ak eng’ betut ne bo aeng’ kebe, agoi keit Kaisaria: ak kebe gotab Pilipu amdoindet ne bo logoiywek che miach, inendet ko agenge eng’ bik tisab, ak kigitebi ak inendet.

ROMANIK 12:7

anan boisiet, ongigochige boisiennyo; anan inendet ne inetisiei, kochuljigei konetisiennyi;

1 KORINTOEK 12:4

Nguno anyun, komitei konunoik che besiotin, ago agenge Tamirmiriet.

EPESOEK 2:20

Kigeteechak eng’ lumdaetab che kiyoktoi ak maotik, Kristo Jesu inendet ko koita ne o ne bo luita;

EPESOEK 3:5

ne kima kiborji werikab bik eng’ ibinwek alak ko u ye kageng’ang’ji nguno che kiyoktoi chechik che tililen ak maotik eng’ Tamirmiriet;

EPESOEK 4:8

Mwaei eng’ noto anyun kole, Kingotogosta barak, komut luulenik che kigoluul, Ak kogochi bik kagochinoik.

2 TIMOTEO 4:5

Ago ripge inye eng’ tuguk tugul, muite eng’ nyalilda, yai boisietab amdaetab logoiywek che miach, yai boisieng’ung’ kosulda.

HEBRANIK 5:12

Amu eng’ ye kita nyolu oegu konetik, konyoljinok kogeny konetak chi konetisiosiek che bo tai che bo ng’alekab Jehovah; ak kioegu che machei chego, ama amitwogik che uuen.

JUDA 1:17

Ago okwek, chamanichu, obwat ng’alek che kigomwa eng’ tai che kiyoktoi che bo Kiptaiyandennyo Jesu Kristo;

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 21:14

Ak kitinyei irimetab nganaset lumeiywek taman ak aeng’, ak kimi kainaik tamanu ak aeng’ che bo che kiyoktoi taman ak aeng’ che bo Aruet.