EPESOEK 3:9 - BUKUIT NE TILIL

⁹ ak kiguiyechi bik tugul kit ne u tononjinetab ung’otiet ne kiga kiuny koboch kenyisiek che kigosiirto, eng’ Jehovah, ne kitoi koyai tuguk tugul;

Bukuit Ne Tilil

⁹ ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

BUKUIT NE TILIIL Sireet ne Dutero Kanon

⁹ ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

EPESOEK 3:9 ပူးပေါင်းရင်းမြစ်များ

TIENWOGIKAL 33:6

Kigiyai kipsengwetisiek eng’ ng’olyotab Jehovah; Ak chang’indanywa tugul eng’ kabusetab kutinnyi.

ISAIAH 44:24

Mwaei Jehovah, katiagindeng’ung’, inendet ne kimimiin eng’ moet, ko u ni kole, A Jehovah, ne yaei tuguk tugul; anege ne aiitoi kipsengwetisiek; ne aiitoi ng’ony; ng’o ne mi kobota?

MATAYO 10:27

Ne amwawok eng’ mesundeito, ong’alalde eng’ lapkeiyet: ak kit ne ogase eng’ itit, omwaite eng’ gorik barak.

MATAYO 13:35

si kosulda ne kiga mwa maotiot, kole, Ayate kutinnyu eng’ kalewenaik; Amwae tuguk che kigiuny koboch koga kelumda ng’ony.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MATAYO 28:19

Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

JOHANA 10:30

Ane ak Kwanda, ko ki agenge.

JOHANA 5:17

Ak kiwolji Jesu kolenji, Boisiei Baba agoi kora, ak aboisiei agane.

JOHANA 5:19

Kiwolji anyun Jesu ichek kolenji, Amwawok, iman, iman, ale, Mayaei kiy Werit inegei, ago ne keerei koyaei Kwanda: amu tuguk tugul che yaei inendet, koyaei choto agine Werit ko u noto.

POISYONIGAP CHE KIYOKTOI 15:18

Mwaei Kiptaiyat, ne yaei tuguchu si konaak koboch taunetab ng’ony.

ROMANIK 11:25

Amu mamache oegu che mongen ung’otioni, che kitupche, si moiityige ole o ng’omen eng’ loseng’wong’ bo ge, ale kanyonji Israel uuindo eng’ kebeber, agoi konyo nyiiet ne bo Bororiosiek;

1 KORINTOEK 2:7

ago kimwae ng’omnatetab Jehovah eng’ ung’otiet, noto ne kigeuny, ne kiga sib kong’at Jehovah agobo torornatennyo ye kitom kobiit ng’ony:

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

EPESOEK 3:2

ngo kiogas agobo tononjinetab mieindab Jehovah ne kigigona agobo okwek;

EPESOEK 6:19

Ak agobo ane, si kobiit kegona twegunet, ayat kutinnyu, abarta eng’ nyiganatet ung’otiet ne bo logoiywek che miach,

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:26

ung’otiet ne kigiuny koboch kenyisiek tugul che kigosiirto ak ibinwek: ago nguno, ko kagiborji chechik che tililen,

KOLOSAIK 3:3

Amu kiobegu, ak kigiuny sobonwekwok koboto Kristo eng’ Jehovah.

KOLOSAIK 4:3

osaiywech ak achek, si koyatwech Jehovah kurget ne bo ng’olyot, kemwa ung’otietab Kristo; kigirata agobo noto;

2 THESSALONIKEK 2:13

Ago kanyol kemwachi Jehovah kongoi kotugul agobo okwek, che kitupche che chamanikab Kiptaiyat, amu kilewenjok Jehovah yetunet koboch taunet eng’ katabanetab Tamirmiriet ak kayanetab imanit:

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

2 TIMOTEO 1:9

ne kisoruech ak koguurech eng’ kuurset ne tilil, ma ko u boisionikyok, ago ko u magennyi ak mieindanyi, ne kigigonech eng’ Kristo Jesu koboch kenyisiekab koigeny,

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

1 PETERO 1:20

ne kisib konaam iman kotom kelumda ng’ony, ago kiging’any eng’ betusiek che bo let agobo okwek,

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 14:6

Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.