EPESOEK 3:20 - BUKUIT NE TILIL

²⁰ Ingobunji anyun inendet ne imuchi koyai mising’ inne kosiir tugul che kisome anan che kibwati ko u kamuktaet ne boisiei eng’ achek,

Bukuit Ne Tilil

²⁰ Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

BUKUIT NE TILIIL Sireet ne Dutero Kanon

²⁰ Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

EPESOEK 3:20 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 18:4

ingeibwok beek tutigin, si oune kelyekwok, ak omuuny eng’ ketit kel:

2 SAMUEL 7:19

Ak kiek nito kit ne ming’in eng’ taing’ung’, ee Kiptaiyat Jehovah; ago kaing’alal kogeny agobo gotab otwogindeng’ung’ eng’ betusiek che chang’ che bwanei; keng’alale kiito agine ko u ye u bik, ee Kiptaiyat Jehovah.

1 LAITORINIK 3:13

Ak kaagonin agine kit ne ma isom, magornatosiek ak teegisto, ne mabiitu eng’ laitorinik ne ogergeitu, eng’ betusieguk tugul.

2 ATEPTAP PEETUUSYEK 25:9

Ak kilenji Amasia chitab Kamuktaindet, Ara si kelyonji talentaisiek bogol che kiagochi lugetab Israel? Kowol anyun chitab Kamuktaindet kole, Imuchi Jehovah kogonin che siirei chuto mising’.

2 ATEPTAP PEETUUSYEK 9:12

Ak kiigochi laitoriat Solomon laitoriatab Sheba kiy age tugul ne kimach, kiy age tugul ne kisom, ko maboto tuguk che kiga ipchi laitoriat. Ki weektagei anyun kwo emennyi, koboto otwogikyik.

KOMONG'U 34:6

Ak kibun Jehovah tainnyi, ak komwaita kole, Jehovah, Jehovah, Kamuktaindet ne nyiitat rirenet ak mieindo, ak masib konerechi, ak ne nyiitat talasiet ak imanit;

TYENDO NE SIIREI TUGUL 5:1

Kaanyo mbarennyu, chepkamennyu, murerennyu: Kaayum tugukyuk che u igomoik, ak tuguk che ng’uu ne anyiny: Kaamde masamekyuk kumikyuk; Kaaee divaikyuk ak alu chekyuk. Ee choronok, oamisie; Oeeise, ee oeeise mising’, ee chamanikyuk.

ISAIAH 35:2

Yiei mising’, ak kobaibait eng’ boiboiyet ak eng’ tiendo; kigochin torornatetab Lebanon, telunatetab Karmel ak Saron: keerei ichek torornatetab Jehovah, telunatetab Kamuktaindennyo.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

JEREMIA 32:17

Ee Kiptaiyat Jehovah! Keero, kiiyai kipsengwet ak ng’ony eng’ kimnateng’ung’ ne o ak eng’ eung’ung’ ne chuulat; mami kiy age tugul ne temenen,

JEREMIA 32:27

Keero, a Jehovah, Kamuktaindetab bik tugul: tos mi kiy age tugul ne temena?

DANIEL 3:17

Ngot ko u noto, komuchi Kamuktaindennyo ne keote kosoruech eng’ mat ne o ne lalei mising’; ak kosoruech inendet eng’ eung’ung’, ee laitoriat.

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

MATAYO 3:9

amat obwat eng’ oring’wong’ ole, Kitinye kwandanyo Abraham: amu amwawok ale, imuchi Jehovah kong’eetyi Abraham lagok eng’ koichu.

JOHANA 10:10

Nyonei chorindet si kochor, ak kobar, ak kong’em kityo: kianyo si kobiit konyor sobondo, ak kotepto sobonato inne.

ROMANIK 16:25

Nguno eng’ inendet ne imuchi kogimitok ko u logoiywekyuk che miach ak amdaetab Jesu Kristo, ko u ng’ang’utiet ne bo ung’ot ne kiga kiuny kosis koboch betusiek che bo koigeny,

ROMANIK 4:21

ak kiingen komie kole kit ne kiga koaror inendet, komuchi koyai kosulda.

1 KORINTOEK 2:9

ago ko u ye kigisir kele, Tuguk che kima keer konda, ama kas itit, Ak ne kima chut muguleldab chi, Tuguk alak tugul che kichopchi Jehovah icheget che chamei inendet.

2 KORINTOEK 9:8

Ak komuchi Jehovah kogonok mieindo tugul kotesak mising’; si otinye okwek kotugul tuguk tugul che yamok eng’ kit age tugul, si otunen eng’ boisiet age tugul ne mie:

EPESOEK 1:19

ak kit ne u oindo ne siirtoot ne bo kamuktaennyi eng’ achek che kiyani, ko u boisionoto bo kimnatetab kamuktaennyi

EPESOEK 3:7

che kigiyaena aek kiboitiot, ko u konunetab mieinoto bo Jehovah ne kigigona ko u ye boisiei kamuktaennyi.

KOLOSAIK 1:29

abirtochinige agine noto, agiilige ko u boisiennyi, ne boisiei eng’ ane eng’ kamuktaet.

1 TIMOTEO 1:14

ak kitesak mieindab Kiptaiyandennyo kobarait koboto kayanet ak chamnyet ne mi eng’ Kristo Jesu.

HEBRANIK 11:19

koiit kole imuchi Jehovah kong’eet agot eng’ che kigobek, ak kitaach inendet koweek eng’ yoto koek karogutiet.

HEBRANIK 7:25

Eng’ noto anyun komuchi kogeny kosor agoi kasuldaet ichek che bwanjin Jehovah eng’ inendet, amu sobei inendet koigeny si kobiit kosaei agobo ichek.

JAKOBO 4:12

Ne konu Ng’atutiet ak koruochi ko agenge, inendet ne imuchi kosor ak komuchi kong’em: ago i ng’o inye si iruokyi chitab kokweng’ung’?

2 PETERO 1:11

amu kigonok ko u noto eng’ chang’indo ochut bounatetab koigeny ne bo Kiptaiyandennyo ak ko Yetindet Jesu Kristo.

JUDA 1:24

Ingobunji anyun nguno inendet ne imuchi koribok si mobutye, ak kondeak taitab torornatennyi eng’ boiboiyet ne o ko motinye tisia,