EPESOEK 3:17 - BUKUIT NE TILIL

¹⁷ si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet,

Bukuit Ne Tilil

¹⁷ si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

BUKUIT NE TILIIL Sireet ne Dutero Kanon

¹⁷ si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

EPESOEK 3:17 ပူးပေါင်းရင်းမြစ်များ

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

MATAYO 13:6

Ak kingochor asista, komel; ak kiresyo amu kima kotinyei tigitik.

LUKA 6:48

kergei inendet ak chito ne teechei got, ne kibal kororokto mising’, ak konde lumeiywot ruandet: ak ye kingo chang’a beek, korieb beekab mogoch goyoto, ama imuch kotumdum: amu kiga kiteech komie.

JOHANA 14:17

noto Tamirmiriet ne bo imanit: ne maimuchi ng’ony kotaach; amu mageerei inendet, ama naei inendet: ago ongen inendet: amu tebyei kobotok, ak tun tebyei eng’ oring’wong’.

JOHANA 14:23

Kowolji Jesu kolenji, Ngo chama chi, korib ng’olyondennyu: ak kocham Baba inendet, ak kebwanji inendet, ak kemeny koboto inendet.

JOHANA 17:23

ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

JOHANA 6:56

Inendet ne amei bortanyu ak koeei korotikyuk komenya, ak amenye inendet.

ROMANIK 5:5

magonu kamang’unet kililan; amu kigerong’ji chamnyetab Jehovah mugulelwekyok eng’ Tamirmiriet ne Tilil ne kigegonech.

1 KORINTOEK 3:6

Kiagole, kobisi Apolo; ago kiibit Jehovah.

1 KORINTOEK 8:1

Nguno anyun agobo tuguk che kieng’jin kanamonik: kingen kele kitinye achek tugul naet. Menei naet, ago teeksei chamnyet.

2 KORINTOEK 13:5

Osiaige okwege, ngomi eng’ kayanet; otiemge okwege. Anan mongen okwege ole mitei Jesu Kristo eng’ okwek? Iyois ko o esiootin iman.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

GALATYEK 2:20

Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

GALATYEK 5:6

Amu eng’ Kristo Jesu ko matilei kiy kamuratanet, anan ngo ma kimuratan; ago kayanet ne boisiei eng’ chamnyet.

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 2:7

ko o lumdootin ak ko o teegotin eng’ inendet, ak kigimitok eng’ kayaneng’wong’, ko u ye kiginetak, otese omwae kongoi.

1 JOHANA 4:16

Ak kingen ak kigiyan chamnyet ne ting’enech Jehovah, Jehovah ko chamnyet; inendet ne menyei chamnyet komenyei Jehovah, ak komenyei Jehovah inendet.

1 JOHANA 4:4

O bo Jehovah, lagochu mengech, ak kioterter ichek: amu o inendet ne mi eng’ okwek kosiir inendet ne mi ng’ony.

NG'ANG'UTYET 3:20

Keero, atononi eng’ kurget ak agongonyi: ngo kas chi kutinnyu ak koyat kurget, awendi ole mi inendet, ak aamisie koboto inendet, ak koamis inendet kobota.