EPESOEK 2:2 - BUKUIT NE TILIL

² che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

Bukuit Ne Tilil

² che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

BUKUIT NE TILIIL Sireet ne Dutero Kanon

² che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

EPESOEK 2:2 ပူးပေါင်းရင်းမြစ်များ

Kitabuutap JOB 1:16

Ye kita kong’alali, koit agine age, ak kole, Kachorgei matab Kamuktaindet eng’ kipsengwet, ak kagobeel kechirek, ak otwogik, ak koges ichek; ak kaachilil anege, kanyo amwaun.

Kitabuutap JOB 1:19

ak ogeero, kous usonet ne o kobunu ong’atet ak korieb luukwek ang’wan che bo got, koluulji murenik, ak kagobek; ak kaachilil anege, kanyo amwaun.

Kitabuutap JOB 1:7

Ak kilenji Jehovah Setani, Ibunu ano? Kowolji anyun Setani Jehovah, kolenji, Abunu ole awendote eng’ ng’ony, ak ole abunoti eng’ ng’ony.

Kitabuutap JOB 31:7

Ngot ko kagomasta kakwaennyu, Ak kosub muguleldanyu konyekyuk, Ak ngot ko kagonam tisiet age tugul eunekyuk:

TIENWOGIKAL 17:14

Eng’ bik, eng’ eung’ung’, ee Jehovah, Eng’ bik che bo ng’ony, che ting’e kebebertanywa soboni, Che inyiiti inye mootinwekwak konoraiguk: Tinyei ichek lagok che yamei, Ak bagakyin tugukwak manyurunikwak.

ISAIAH 30:1

Bwa eng’ lagok che ngelel, mwaei Jehovah, che tilei ng’alek, ama eng’ ane; ak che tuchegei, ama eng’ tamirmiriennyu, si kobiit kotes tengekto eng’ tengekto:

ISAIAH 57:4

Ourerenjini ng’o? Oseng’eng’jini ng’o, ak ochuutyini ng’elyepta? Tos ma o lagokab bistoet, iyotetab kaberberisiet,

JEREMIA 23:10

Amu nyiitat emet bik che yaei ibetab ge; amu rirei emet amu kayosiet; kigoyaam ole agete akwotisiek eng’ ong’atet; ya bandanywa, ak ma bo iman kimnatenywa.

HOSEA 10:9

Ee Israel, kiiyai tengekto koboch betusiekab Gibea: kitononso eng’ oloto; si manam ichek boriet eng’ Gibea ne baregei ak lagokab tengekto.

ATEPTAP LAWIK 11:16

ak tiondab songolik, ak keeretab kemoi, ak taritiet ne leel ne bo nyanjet, ak keeret age ak che kergei;

MATAYO 11:19

Kinyo Weritab chi koamis ak koeeiso, ak kole bik, Ogeero, chito ne kipkeiya, ak eeindetab divaik, choruetab taagikab aisurut ak kiptengeginik. Ak naat ng’omnatet kele bo iman eng’ boisionikyik.

MATAYO 13:22

Ak inendet ne kigilechi ole mi katok, ko inendet ne kasei ng’olyot; ak kogiich ng’olyot kererwekab met che bo ng’ony, ak kaberberisiet ne bo magornatet, si mai.

MATAYO 13:38

ak mbaret ko ng’ony; ak keswek che miach ko werik che bo bounatet; ak chemulbainik ko werikab inendet ne ya;

MARIKO 4:19

ak kogiich ng’olyot kaiimutikab ng’ony, ak kaberberisiet ne bo magornatet, ak magutik che bo tuguk alak che bwanei, si mai logoek.

LUKA 16:8

Ak kiichoi kiptaiyandennyi otwogindonoto kima ko bo imanda amu kayai eng’ ng’omnatet: amu ng’omen werikab ng’onyuni eng’ ibindanywa kosiir werikab lapkeiyet.

LUKA 22:31

Simon, Simon, keero, kagosom Setani kole konamak, si kosesak ko u nganok:

JOHANA 12:31

Kabiit nguno kiruogetab ng’onyuni: ak kagitoorta anyun nguno ne o ne bo ng’ony komanda.

JOHANA 13:2

Ak eng’ saitab amitwogikab lagat, koga konde oindet ng’wektaet muguleldab Judas Iskariot, ne bo gab Simon,

JOHANA 13:27

Ak kingo kagotaach kererutiet, kochut Setani inendet. Kolenji Jesu inendet anyun, Yai chokyi ne imache iyai.

JOHANA 14:30

Mang’alalwok mising’, amu nyonei ne o ne bo ng’ony: ama tinyei kiy eng’ ane;

JOHANA 15:19

Nda o bo ng’ony, ta chamei ng’ony chechik: ago amu mobo ng’ony, ago kialewenok eng’ ng’ony, kowechok ng’ony anyun amu noto.

JOHANA 16:11

agobo kiruoget, amu kigiruokyi ne o ne bo ng’onyuni.

JOHANA 7:7

Maimuchi ng’ony kowechok; ago wecha ane, amu abaoriani agobo ng’ony, ale, yaach boisionikyik.

JOHANA 8:23

Ak kilenji, O bo oli bo ng’ony, a bo barak: o bo ng’onyuni; ma bo ane ng’onyuni.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

POISYONIGAP CHE KIYOKTOI 19:35

Ak kingo kagomwachi sirindetab nganaset tuiyet kosisyo, kole, Okwek bikab Epeso, tos mi ng’o ne maingen kole nganasetab Epesoek ko ribindetab hekalutab Artemi ne o, ak kanamwet ne kiibut kobunu barak?

POISYONIGAP CHE KIYOKTOI 5:3

Ago kile Petero, Anania, kalya si konyi Setani muguleldang’ung’ kot iberber Tamirmiriet ne Tilil, ak ituuch kebebertab che kigialdae koret?

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

1 KORINTOEK 5:10

mamwae ale otabanege mising’ che soksei che bo ng’onyuni, anan kipkeinik anan rebik, anan che saei kanamonik; amu nda u noto ta kanyoljok omande eng’ ng’ony:

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

EPESOEK 1:21

ne toror kosiir laitornatet tugul, ak bounatet, ak kamuktaet, ak kiptainatet, ak kainet age tugul ne mwaat, ma kityo eng’ kenyisiechu, ago eng’ choto bwanei:

EPESOEK 2:11

Noto anyun obwat, ole okwek, che kio Bororiosiek eng’ borto atkinye, che kiguurenok che Ma Kimuratan eng’ ichek che kiguure Kamuratanet, eng’ borto, ne kigiyae eunek;

EPESOEK 2:13

Ago nguno eng’ Kristo Jesu okwek che kio looen eng’ betusiek alak, ko kagegonok origu eng’ korotikab Kristo.

EPESOEK 2:3

che kigimenye agot achek tugul kwenunywa eng’ magutik che yaach che bo borto, keyae magutik che bo borto ak che bo kabwatutik, ak kigi lagokab nereknatet, eng’ siget, ko u alak:

EPESOEK 4:17

Amwae anyun ni, ak abaoriani eng’ Kiptaiyat, ale si mata obendate ko u ye bendoti Bororiosiek agichek, eng’ kabwatutikwak che bo buch,

EPESOEK 4:22

ale oregu chito ne bo keny, noto atebeng’wong’ ne bo atkinye, ne ng’emaksei ko u magutik che yaach che bo kenisiet;

EPESOEK 5:6

Amat koberberak chi eng’ ng’alek che manamegei ak kiy: amu nyonjin nereknatet ne bo Jehovah werikab ngelelnatet amu tuguchuto.

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

KOLOSAIK 1:21

Ak nganda kio kipsagarek eng’ betusiek che kigosiirto, ak kio bunik eng’ kabwatutikwok eng’ boisionikwok che yaachen, ko kagotuiyok inendet nguno,

2 TIMOTEO 4:10

amu kigobagakta Dema, ko kagocham ng’onyuni bo betusiechu, ak kwo Tesalonika; kwo Kreske Galatia, kwo Tito Dalmatia.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.

JAKOBO 1:7

Amat kobwat chichoto kole sichei kiy eng’ Kiptaiyat,

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

1 PETERO 1:14

ko u lagok che kase it, amoyaniege magutikwok che bo tai eng’ betusiek che ki bo berberindang’wong’:

1 PETERO 4:3

Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

2 PETERO 2:14

bik che tinyei konyek che nyiitotin ibetab ge, amaimuchi kometo tengekto; che ichuuti sobonwek che ma tononiotin; che tinyei mugulelwek che kigonetgei kasetab miat; lagokab chubet;

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 3:8

inendet ne yaei tengek ko bo oindet; amu kiyai oindet tengek koboch taunet. Kigeng’any Weritab Jehovah amu noto, si kobiit kong’em boisionikab oindet.

1 JOHANA 4:4

O bo Jehovah, lagochu mengech, ak kioterter ichek: amu o inendet ne mi eng’ okwek kosiir inendet ne mi ng’ony.

1 JOHANA 5:19

Kingen kele ki bo Jehovah achek, ak mitei ng’ony komugul eng’ bounatetab inendet ne ya.

1 JOHANA 5:4

Amu age tugul ne kigesich eng’ Jehovah koterteri ng’ony: ak ni ko katerteret ne iterteri ng’ony, noto kayanennyo.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 16:17

Ak kirong’ji malaikaiyat ne bo tisab tabennyi soet; ak kimong’ kutit ne o eng’ hekalut, kobun ng’echeretab laitornatet, kole, Kagosulda:

NG'ANG'UTYET 20:2

Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,