EPESOEK 2:15 - BUKUIT NE TILIL

¹⁵ ko kagowong’ eng’ bortanyi bunyondit, ng’atutietab ng’atutik ne mitei eng’ kayomisutik; si kobiit kotoi koyai eng’ inendet choto aeng’ koek chito agenge ne leel koyai kalyet;

Bukuit Ne Tilil

¹⁵ ko kagowong' eng' poortanyi puunyoondit, ng'atuutyetap ng'atuutik ne miitei eng' kayomisutik; si kobiit kotoi koyai eng' ineendet chooto aeng' koek chiito agenge ne leel koyai kaalyeet;

BUKUIT NE TILIIL Sireet ne Dutero Kanon

¹⁵ ko kagowong' eng' poortanyi puunyoondit, ng'atuutyetap ng'atuutik ne miitei eng' kayomisutik; si kobiit kotoi koyai eng' ineendet chooto aeng' koek chiito agenge ne leel koyai kaalyeet;

EPESOEK 2:15 ပူးပေါင်းရင်းမြစ်များ

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

2 KORINTOEK 5:17

Noto anyun, ngo mi chi age tugul eng’ Kristo, ko kigeyai inendet koek chito ne leel: kagosiirto tuguk che bo keny; ogeero, kagoek che leelach.

GALATYEK 3:10

Amu tugul che mi eng’ boisionikab Ng’atutiet, komitei eng’ chubet: amu kigisir kele, Chubot chi age tugul ne matebyei eng’ tuguk tugul che kigisir eng’ bukuitab Ng’atutiet, kele koyai choto.

GALATYEK 3:28

Ma imugaksei kele mi Yahudiot anan Yunanindet, ama mi otwogindet anan ne itiagat, ama mi ne muren anan ne tie: amu okwek tugul ko o agenge eng’ Kristo Jesu.

GALATYEK 6:15

Amu ma kiy kamuratanet, anan ngo ma kimuratan, ago yautiet ne leel.

EPESOEK 2:10

Amu ki boisiennyi achek, ne kigiyaech eng’ Kristo Jesu agobo boisionik che miachen, che kisib kochob Jehovah si kebendate ichek.

EPESOEK 2:14

Amu inendet ko kalyennyo, ne kiyai tuwai koek agenge, ne kibut totetab kwen ne bo kaoiyet,

EPESOEK 2:16

ak kotuiyo ichek tuwai eng’ borto agenge ak Jehovah eng’ kimurtoiyot, ko kagobar bunyondit eng’ noto.

EPESOEK 4:16

eng’ inendet keropchindos ak kituitos borto tugul, eng’ noto ne konu kebeberta age tugul, ko u kakwautietab boisiet ne bo kebeberta age tugul, si kotes borto eng’ teekset ne teechegei inegei eng’ chamnyet.

KOLOSAIK 2:14

ko kagobuch siret ne bo arorutik ne kiga kogikyech, ne kiranyech: ak kigoisto, kobirji kimurtoiyot;

KOLOSAIK 2:20

Ko u ye kiobegu koboto Kristo omong’une konetisiosiek che bo tai che bo ng’ony, amu nee anyun si ogas it arorutik, ko u ye osoptosi eng’ ng’ony,

KOLOSAIK 3:10

ak koolaach chito ne leel, ne kiwalei koleelit agoi naet kogergeit ak itondab inendet ne kiyai inendet:

KOLOSAIK 3:11

ole mating’e boroindo Yunanindet ak Yahudiot, ne imuratanat ak ne ma imuratanat, bunotio, Sitiaindet, ne otwogin, ne itiagat: ago Kristo ko tugul ak eng’ tugul.

KOLOSAIK 3:15

Ak ingoboi kalyetab Kristo mugulelwekwok, noto ne kigiguurjok eng’ borto agenge; ak oegu che tinyei kongoi.

HEBRANIK 7:16

ne kigiyai, ago ma eng’ oretab ng’atututikab borto, ago eng’ kimnatetab sobondo ne ma igesugei:

HEBRANIK 8:13

Amu kimwa kole, Arorutiet ne leel, kigoyai koosit ne bo tai. Ago noto ositu koga kotebi keny, ko negit kogesgei.

HEBRANIK 9:23

Kinyolu anyun kitilil itonwekab tuguk che bo kipsengwetisiek eng’ choto; ago kitilile tuguk che bo kipsengwet tiseiywek che miach kosiir chuto.