EPESOEK 2:12 - BUKUIT NE TILIL

¹² ole kiomi taban eng’ Kristo eng’ betusiechoto, che kio kipsagarek eng’ bororietab Israel, ak ki o toek eng’ kayomisutik che bo arorutiet, kima otinye kamang’unet ak kima otinye Jehovah eng’ ng’onyuni.

Bukuit Ne Tilil

¹² ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

BUKUIT NE TILIIL Sireet ne Dutero Kanon

¹² ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

EPESOEK 2:12 ပူးပေါင်းရင်းမြစ်များ

TAUNET 15:18

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate:

2 ATEPTAP PEETUUSYEK 15:3

Kiga kotebe Israel egosiek che chang’ ama tinyei Kamuktaindet ne bo iman, ama tinyei tisiindet ne inetisiei, ama tinyei ng’atutik:

EZRAH 4:3

Ago kilenji ichek Serubabel, koboto Jesua, ak kandoik tugul che bo gorikab kwanisiek che bo Israel, Magiting’ege yamdao ak okwek keteech tugul gotab Kamuktaindennyo; ago kiteekyini achege Jehovah, Kamuktaindetab Israel, got, ko u ye king’atech laitoriat Kirus laitoriatab Persia.

KOMONG'U 12:45

Maamei bunotyot anan otwogindet ne nyoru melekto.

ISAIAH 14:1

Amu rire Jehovah Jakobo, ak ta koleweni Israel, ak konde ichek emenywa: ak konamgei toondet agichek, ak konamgei ak gotab Jakobo.

ISAIAH 44:6

Mwaei Jehovah, Laitoriatab Israel, ak ko katiagindennyi Jehovah ne bo lugosiek, ko u ni kole, A ne bo tai ak ne bo let; ama mi Kamuktaindet age kobatena.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 61:5

Ak kotononso toek koyaga akwotisiekab kechirekwok, ak kobatwok mbarenik kipsagarek, ak koek ribikab sabibukwok.

JEREMIA 14:8

Ee inye kamang’unetab Israel, yetindennyi eng’ betutab nyalilda, amu nee si iige toondet eng’ emet, ak iige kiprutoiyot ne mastoi koruei kemout agenge?

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

EZEKIEL 13:9

Ak koborie eunnyu maotik che keerei tangoita, ak che ng’orei lembechek: matebe kapkiruogetab bikyuk, ama kisirjin bukuit ole kisirjin gotab Israel, ama bendi emetab Israel; si onai ole a Kiptaiyat Jehovah.

EZEKIEL 37:26

Ak kiyomisge ak ichek kogeny eng’ kayomiset ne bo kalyet: egu eng’ ichek kayomiset ne wendi agoi koigeny: ak alumde ichek, ak ates, ande oldanyu ne tilil kwenunywa agoi koigeny.

EZEKIEL 47:22

Opchei anyun eng’ seretab barbarek koek boroteng’wong’ koboto toek che kitebe kwenung’wong’, che sichei lagok eng’ kwenung’wong’; ak koek ichek eng’ okwek lagok che kigisikyin ga eng’ kwenutab lagokab Israel; nyoru borotet kobotok eng’ kwenutab ortinwekab Israel.

HOSEA 3:4

Amu tebyei lagokab Israel betusiek che chang’ ama tinyei laitoriat, ama tinyei bounindet, ama tinyei tiseiywot, ama tinyei toloita, ama tinyei epod anan terapik:

KAITOSYEK 18:19

Kaagonin koboto weriguk ak tibiguk kagochinoik tugul che kinamjin barak che bo tuguk che tililen, che igochin lagokab Israel Jehovah, ko u ng’atutiet ne bo koigeny; nito kayomisetab munyuk ne bo koigeny eng’ taitab Jehovah eng’ inye ak eng’ iyoteng’ung’ koboten.

LUKA 1:72

Si korire kwanisiekyok, Ak kobwat kayomisennyi ne tilil;

JOHANA 10:16

Ak atinye kechirek alak, che ma bo biuni: kanyol aget choto agichek, si kogas kutinnyu: ak koek akwet agenge, ak mestowot agenge.

JOHANA 15:5

A ketitab sabibuk, ko o temenik: inendet ne menya, ak amenye inendet, ko noto ne yiei logoek che chang’: amu momuchi oyai kiy okwege ngo mami ane kobotok.

JOHANA 4:22

Osae ne mongen: kisae achek ne kingen: amu bunu yetunet Yahudik.

POISYONIGAP CHE KIYOKTOI 2:39

Amu neng’wong’ kayomisoni, ak lagokwok, ak tugul che mi ole loo, ak tugul che ta koguurei Kiptaiyat Jehovah nenyo kobwanji inendet.

POISYONIGAP CHE KIYOKTOI 28:20

Amu nito anyun kasomok obwa kegeerge ak keng’alal tugul: amu a ratat eng’ sirimi agobo kamang’unetab Israel.

POISYONIGAP CHE KIYOKTOI 3:25

O werikab maotik, ak che bo kayomiset ne kiiyomisgei Jehovah ak kwanisiekwok. Kilenji Abraham, Kiberuri bororiosiek tugul che bo ng’ony eng’ keswondeng’ung’.

ROMANIK 9:8

Noto anyun, ichek ko ma lagokab borto che lagokab Jehovah; ago lagokab arorutiet che kiiti koek keswot.

GALATYEK 4:8

Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

EPESOEK 2:19

Noto anyun ma ko o toek ak bunotik ago o bikab nganaset agenge ak che tililen, ak che bo gotab Jehovah.

EPESOEK 4:18

che imenen eng’ nautikwak, che kigiyai koek kipsagarek eng’ sobondab Jehovah, amu berberindo ne mi eng’ ichek, amu uuindab mugulelwekwak;

KOLOSAIK 1:21

Ak nganda kio kipsagarek eng’ betusiek che kigosiirto, ak kio bunik eng’ kabwatutikwok eng’ boisionikwok che yaachen, ko kagotuiyok inendet nguno,

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 1:5

amu kamang’unet ne kigegonoruok eng’ kipsengwet, ne kiosib ogas eng’ ng’olyotab imanit ne bo logoiywek che miach,

1 THESSALONIKEK 4:13

Ago magimache anyun, che kitupche, oegu che mongen agobo icheget che ruitos; kele amoarogense, ko u bik alak che matinyei kamang’unet.

1 THESSALONIKEK 4:5

ma eng’ maget ne bo kasetab miat, agot ko u Bororiosiek che maingen Jehovah;

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

1 TIMOTEO 1:1

Paulo, ne kiyoktoi ne bo Kristo Jesu ko u ng’atutietab Jehovah Yetindennyo, ak Kristo Jesu ne kamang’unennyo;

HEBRANIK 11:34

kiimis kimnatet ne bo mat, kichililye rotwetab chok, kigigimit komong’ eng’ nyalulet, kigimegitu eng’ luget, kion lugosiekab bunik koweekta.

HEBRANIK 6:18

si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

HEBRANIK 8:6

Ago kagosich nguno boisiet ne mie kosiir, ko u noto agine, inendet ko katuiyoindet ne bo kayomiset ne mie kosiir, ne kigiyai eng’ arorutik che miach kosiir.

1 PETERO 1:21

che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

1 PETERO 3:15

ago ogonyit Kristo koek Kiptaiyat ne tilil eng’ mugulelwekwok: ak oegu che chobotin kotugul owolji chi tugul ne teebenok ng’olyo agobo kamang’unet ne mitei eng’ okwek, ago eng’ talasiet ak kaiyweisiet:

1 JOHANA 3:3

Ak chi age tugul ne tinyei kamang’unoni agobo inendet kotililegei, ko u ye tilil inendet.