EPESOEK 2:11 - BUKUIT NE TILIL

¹¹ Noto anyun obwat, ole okwek, che kio Bororiosiek eng’ borto atkinye, che kiguurenok che Ma Kimuratan eng’ ichek che kiguure Kamuratanet, eng’ borto, ne kigiyae eunek;

Bukuit Ne Tilil

¹¹ Nooto anyun obwaat, ole okweek, che ki oo Pororyosyek eng' poorto atkinye, che kigurenok “che Ma Kimuratan” eng' icheek che kiguure “kamuratanet”, nooto kamuratanet eng' poorto ne ki kiyae eunek;

BUKUIT NE TILIIL Sireet ne Dutero Kanon

¹¹ Nooto anyun obwaat, ole okweek, che ki oo Pororyosyek eng' poorto atkinye, che kigurenok “che Ma Kimuratan” eng' icheek che kiguure “kamuratanet”, nooto kamuratanet eng' poorto ne ki kiyae eunek;

EPESOEK 2:11 ပူးပေါင်းရင်းမြစ်များ

EZEKIEL 20:43

Ak obwat eng’ oloto ortinwekwok ak boisionikwok tugul, che kiong’wanitege; ak osasge amu yaitwogikwok tugul che kioyai.

EZEKIEL 36:31

Yeityo obwat anyun ortinwekwok che yaach, ak boisionikwok che kima ko miachen; ak osasge okwege eng’ taing’wong’ amu tengekwogikwok ak amu tugukwok che kiwechei.

MATAYO 20:7

Kolenji anyun bichoto inendet, Amu ma kuurech chi. Kolenji, Oba ak okwek mbaretab sabibuk.

ROMANIK 11:17

Ago ngot ko kigiiri temenik alak, ak inye ne i emditab timin, ko kiginamnyenen ichek eng’ kwenunywa, ak kioyamde koboto icheget ne bo tigitiot ak akwaiyetab emdit;

ROMANIK 2:26

Ngot koribei anyun tetutikab Ng’atutik inendet ne ma kimuratan, ko tos magiiti ne ma kimuratan kele imuratanat?

ROMANIK 2:27

Ak tos matun iruogun inendet ne ma kimuratan eng’ atebennyi, ngot koyai Ng’atutiet kosulda, inyendet ne i butindetab Ng’atutiet ak itinye ng’atutik che sirotin ak kamuratanet?

1 KORINTOEK 12:2

Ongen ole kingota ko o Bororiosiek, ko kigiretok obe oldab kanamonichoto che matwegu, ko u ye kigindoiywok.

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

GALATYEK 2:15

Achek che ki Yahudik eng’ siget, ama ki kiptengeginik che bo Bororiosiek,

GALATYEK 6:12

Tugul che te che machei telunatet eng’ borto, kobirjinok kole kimuratanak; ago si magiusaus ichek agobo kimurtoiyotab Kristo.

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

NG'ATUTIK 15:15

Ak ibwat ile ki i otwogin eng’ emetab Misri, ak kiitiachin Jehovah Kamuktaindeng’ung’: kang’atin anyun agobo ng’olyondoni rani amu noto.

NG'ATUTIK 16:12

Ak ibwat ile ki i otwogindet eng’ Misri: rib anyun konetisiosiechu ak iyai.

NG'ATUTIK 5:15

Ak ibwat ile ki i otwoget eng’ emetab Misri, ago kiimoong’un Jehovah Kamuktaindeng’ung’ eng’ oloto, eng’ eut ne kim, ak eng’ eut ne chuulat: king’atin anyun eng’ noto Jehovah Kamuktaindeng’ung’ irib betutab sabato.

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

NG'ATUTIK 9:7

Ibwat, ameutie, chang’indab tagisiet ne kiitach Jehovah Kamuktaindeng’ung’ eng’ ong’atet: koboch betut ne kiimong’une emetab Misri, agoi oitu yu, ko kiongelelji Jehovah.

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

KOLOSAIK 1:21

Ak nganda kio kipsagarek eng’ betusiek che kigosiirto, ak kio bunik eng’ kabwatutikwok eng’ boisionikwok che yaachen, ko kagotuiyok inendet nguno,

KOLOSAIK 2:11

kigimuratanak eng’ inendet eng’ kamuratanet ne kima kiyae eunek, eng’ istoetab bortab banyek, eng’ kamuratanetab Kristo;

KOLOSAIK 2:13

Ak okwek, che kio begunotin eng’ yaitwogikwok ak borwekwok che ma kimuratan, kiisoobok okwek, koboto inendet, ko kagonyoiywech kaat yaitwogikyok tugul;

KOLOSAIK 3:11

ole mating’e boroindo Yunanindet ak Yahudiot, ne imuratanat ak ne ma imuratanat, bunotio, Sitiaindet, ne otwogin, ne itiagat: ago Kristo ko tugul ak eng’ tugul.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.