EPESOEK 1:7 - BUKUIT NE TILIL

⁷ ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

Bukuit Ne Tilil

⁷ ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

BUKUIT NE TILIIL Sireet ne Dutero Kanon

⁷ ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 1:7 ပူးပေါင်းရင်းမြစ်များ

Kitabuutap JOB 33:24

Korire inendet anyun, ak kole, Soru inendet si marorokyi keringet, Kaanyoru katiaget.

TIENWOGIKAL 130:4

Ago mitei nyoetab kaat eng’ inye, Si kobiit kiywein.

TIENWOGIKAL 130:7

Ee Israel, imang’u Jehovah; Amu mi rirenet eng’ Jehovah, Ak mi katiaget ne siirei eng’ inendet.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KOMONG'U 34:7

ne italachingei elfusiek, ne nyochin kaat bik tengekto ak bistoet ak chalwokto: ne mabagaktoi kiptengekyot age tugul; igeerjin lagok tengektab kwanisiekwak, ak eng’ lagokab lagokwak, agoi ibindab somok ak ne bo ang’wan.

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

DANIEL 9:19

Ee Kiptaiyat, kas; ee Kiptaiyat, nyochi kaat; ee Kiptaiyat, kas ak iyai; amegage; agobo kaineng’ung’, ee Kamuktaindennyu, amu kimwaitoe kaineng’ung’ nganaseng’ung’ ak biguk.

DANIEL 9:9

Bo Kiptaiyat Kamuktaindennyo rirenosiek ak nyoetab kaat; amu kigingelelji inendet;

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

SEKARIA 13:1

Tun kiyatyin gotab Daudi ak bik che menyei Jerusalem, kondametutab beek eng’ betunoto, amu tengekto ak muruonindo.

SEKARIA 13:7

Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

SEKARIA 9:11

Ago eng’ inye, ko kiayokte kimonjororiniguk eng’ keringet ne mami beek, amu korotikab kayomiseng’ung’.

MATAYO 20:28

agot ko u noto, kima nyo Weritab chi keboisiechi, ago si kobois inendet, ak kogoito sobondanyi koek kit ne kitiage che chang’.

MATAYO 26:28

amu chuto korotikyuk che bo arorutiet, che kitumdoi agobo che chang’ che bo nyoetab kaat ne bo tengekwogik.

MATAYO 6:12

Ak inyoiywech kaat lelutikyok, ko u ye kinyochini kaat che lelwech.

MARIKO 14:24

Ak kilenji, Chu korotikyuk che bo arorutiet, che tumdogei agobo che chang’.

LUKA 1:77

Si igochi bikyik naet ne bo yetunet Eng’ nyoetab kaat ne bo tengekwogikwak,

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

JOHANA 20:23

bik alak tugul che onyochini kaat tengekwogikwak, kenyochin kaat; ak alak tugul che oesioi onyochi kaat, keesioi kenyochi kaat.

POISYONIGAP CHE KIYOKTOI 10:43

Baoriani maotik tugul agobo inendet, kole, nyoru nyoetab kaat amu tengekwogikyik eng’ kainennyi age tugul ne iyani inendet.

POISYONIGAP CHE KIYOKTOI 2:38

Kolenji Petero ichek, Osigu, si kibatisan age tugul eng’ okwek eng’ kainetab Jesu Kristo agobo nyoetab kaat ne bo tengekwogikwok; si otaach konunetab Tamirmiriet ne Tilil.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung’et che bunu taitab Kiptaiyat;

ROMANIK 2:4

Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

ROMANIK 3:24

che kiityin imanda buch eng’ mieindanyi eng’ katiaget ne mi eng’ Kristo Jesu:

ROMANIK 3:25

ne kiinde Jehovah koek kaptisisio eng’ kayanet, eng’ korotikyik, si kobarta imandanyi, amu kachundaetab tengekwogik che kigisib keyai, eng’ muitaetab Jehovah;

ROMANIK 9:23

ak si kobiit kobarta magornatosiekab torornatennyi eng’ terenik che bo rirenetab ge che kiga sib kochopchi telunatet,

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

2 KORINTOEK 8:9

Amu ongen mieindab Kiptaiyandennyo Jesu Kristo ole, agot nganda ki magorio, ko kiek kibanania agobo okwek, si kobiit oegu magorek eng’ banandanyi.

EPESOEK 1:14

ne tongoaniatab borotennyo, agoi katiagetab borotennyi, eng’ kalosunetab torornatennyi.

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

EPESOEK 1:6

agoi kalosunetab torornatetab mieindanyi, ne kigonech eng’ aiyebindo eng’ Chamanet:

EPESOEK 1:8

che kiyai kotesak eng’ achek eng’ ng’omnatet tugul ak naet,

EPESOEK 2:4

ago Jehovah, ne magoriot eng’ rirenetab ge, eng’ chamnyennyi ne o ne kichamenech,

EPESOEK 2:7

si kobiit kobarta eng’ kenyisiek che bwanei magornatosiek che siirtoot che bo mieindanyi eng’ talasiet ne tokyineigei eng’ Kristo Jesu:

EPESOEK 3:16

si kobiit kogonok, ko u magornatosiekab torornatennyi, ogimegitu eng’ kamuktaet eng’ Tamirmiriennyi eng’ chito ne bo orit;

EPESOEK 3:8

Kigigona mieini, ane, ne a ming’in kosiir inendet ne ming’in eng’ che tililen tugul: aamji Bororiosiek magornatosiekab Kristo che maisiagaksei;

PILIPIK 4:19

Ago inyiitwok Jehovah nenyu kit age tugul ne obononi ko u magornatosiekyik eng’ torornatet eng’ Kristo Jesu.

KOLOSAIK 1:14

ne kitinye eng’ inendet katiagennyo, nyoetab kaat ne bo tengekwogikyok.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 2:13

Ak okwek, che kio begunotin eng’ yaitwogikwok ak borwekwok che ma kimuratan, kiisoobok okwek, koboto inendet, ko kagonyoiywech kaat yaitwogikyok tugul;

KOLOSAIK 2:2

si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

1 TIMOTEO 2:6

ne kiigoitogei koek ne kitiage tugul; ne tun kibaorianjin eng’ betusiekyik;

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

TITO 3:6

ne kirong’wech eng’ aiyebindo, eng’ Jesu Kristo Yetindennyo;

HEBRANIK 9:22

Ak eng’ Ng’atutiet ko u kele, kitilili tuguk tugul eng’ korotik, ak ngo mami tumdaetab korotik ko mami nyoetab kaat.

1 PETERO 2:24

inendet ne kiib tengekwogikyok eng’ bortanyi eng’ ketit barak, si kesopche eng’ imanda; achek che kiga kebekyi tengekwogik; kigisoobenok birutikyik.

1 PETERO 3:18

Amu kime Kristo agine konyil agenge agobo tengekwogik, inendet ne bo imanda agobo che ma bo imanda, si kobiit komutyech Jehovah; ne kigibar eng’ borto, ago kigisoob eng’ tamirmiriet;

1 JOHANA 2:12

Asirwok lagochu mengech, amu kigenyoiywok kaat tengekwogikwok amu kainennyi.

1 JOHANA 2:2

ak inendet tiseiywot ne bo tengekwogikyok; ago ma bo tengekwogikyok kityo, ago bo ng’ony komugul agine.

1 JOHANA 4:10

Nito chamnyet, ma kele kigicham Jehovah, ago kichamech inendet, ak koyok Werinnyi koek tiseiywot agobo tengekwogikyok.

NG'ANG'UTYET 14:4

Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,