EPESOEK 1:5 - BUKUIT NE TILIL

⁵ ko u ye kiga sib kolewenech kenamech keegu werik eng’ Jesu Kristo eng’ inendet, ko u chamet ne mie ne bo magennyi,

Bukuit Ne Tilil

⁵ ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

BUKUIT NE TILIIL Sireet ne Dutero Kanon

⁵ ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

EPESOEK 1:5 ပူးပေါင်းရင်းမြစ်များ

JEREMIA 3:19

Ago kiale, Amuktoi ano andein otebi ak lagok, ak agonin emet ne kararan, borotet ne mie ne bo lugosiekab bororiosiek? Ak kiale, Oguurena Baba; ama omastoi ometa.

JEREMIA 3:4

Tos mechame irirja koboch nguno, ile, Baba, i kandoindetab ming’inatennyu?

DANIEL 4:35

ak kiiti bik tugul che menyei ng’ony kele buch: ak koyachin lugetab kipsengwet ko u ye machei, koboto bik che menyei ng’ony: ama mi chi ne imuchi kogirinda eunnyi, anan kolenji, Iyae nee?

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

MATAYO 1:25

ak kima rikyi inendet kot kosich werit: ak koguure kainennyi JESU.

MATAYO 11:26

ee, Baba, amu kiicham inye ko u noto.

LUKA 10:21

Eng’ sainato kobaibait Jesus eng’ Tamirmiriet ne Tilil, ak kole, Aweegun kongoi, ee Baba, Kiptaiyat ne bo kipsengwet ak ng’ony, amu kiiung’e tuguchu che ng’omen ak che ingen, ak kiing’ang’ji manyurunik: ee, Baba; amu kichamak ko u noto eng’ taing’ung’.

LUKA 11:32

Tun tonondos bikab Ninebe ak ibini eng’ kiruoget, ak koruokyi: amu kisik ichek eng’ amdaetab Jona; ak ogeero, mi yu ne o kosiir Jona.

LUKA 12:32

Amoiywei, okwek akwet ne ming’in; amu baibai Kwandang’wong’ kogonok bounatet.

JOHANA 1:12

Ago tugul che kitaach inendet, ko kiigochi kamuget koek lagokab Jehovah, ichek che iyani kainennyi:

JOHANA 11:52

ma agobo bororiet inegei, ago si kobiit koyum lagokab Jehovah che yestootin si kobiit koek agenge.

JOHANA 20:17

Kolenji Jesu, Ametwaa; amu tom atogosyi oldab Kwanda: ago ui ole mi tupchosiekyuk, ak ilenji, Atogosyini oldab Baba, ago Baba neng’wong’, Jehovah nenyu, ago Jehovah neng’wong’.

POISYONIGAP CHE KIYOKTOI 13:48

Ak kingogas Bororiosiek ng’olyondonito, koboiboitu, ak kogonyit ng’olyotab Jehovah: ak koyan tugul che kiga kelewenji sobondab koigeny.

ROMANIK 8:23

Ak ma u noto kityo, ago agot achek, che kitinye tongoanikab Tamirmiriet, ketigendosi agachek eng’ orit, kigeni keyaech keegu lagok, noto ko katiagetab borwekyok.

1 KORINTOEK 1:1

Paulo, ne kigiguur koek ne kiyoktoi ne bo Jesu Kristo eng’ magetab Jehovah, ak Sostene tupchennyo,

1 KORINTOEK 1:21

Amu eng’ ng’omnatet ne bo Jehovah ko ma nai ng’ony Jehovah eng’ ng’omnatennyi, kicham Jehovah kosor icheget che iyani, eng’ berberindo ne bo ng’olyot ne kiamdoi.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

GALATYEK 3:26

Amu okwek tugul ko o werikab Jehovah, eng’ kayanet, eng’ Kristo Jesu.

EPESOEK 1:11

ne kiyaech eng’ inendet keegu borotennyi, ko kasib kolewenech, ko u magetab inendet ne yaei tuguk tugul ko u kabwatetab magennyi;

EPESOEK 1:9

ko kagoboruech ung’otiet ne bo magennyi, ko u chamennyi ne mie ne kichob eng’ inendet

PILIPIK 2:13

amu Jehovah ne boisiei eng’ okwek si omach, ak oboisie agine, agobo magennyi ne mie.

KOLOSAIK 1:19

Amu kichamak komie kele komeny nyiiet tugul eng’ inendet;

2 THESSALONIKEK 1:11

Noto anyun kisaiywok kotugul, si kobiit koiitok Jehovah nenyo kole onyolu eng’ kuurseng’wong’, ak kosulda maget age tugul ne bo mieindo ak boisiet age tugul ne bo kayanet, eng’ kamuktaet;

HEBRANIK 2:4

ak kibaoriani agine Jehovah koboto icheget, eng’ kaborunoik ak kwong’utik, ak eng’ kamugosiek che terotin, ak eng’ kagoitaosiekab Tamirmiriet ne Tilil, ko u magennyi.

1 JOHANA 3:1

Ogeero, chamnyet ne u nee ne kichamenech Kwanda, kot keguurenech lagokab Jehovah! Ago ki choto achek. Amu nito anyun, ko maingenech ng’ony, amu kima nai inendet.

NG'ANG'UTYET 21:7

Inendet ne iterteri konamei tuguchu; ak aegu Jehovah nenyi, ak koek inendet werinnyu.