EPESOEK 1:4 - BUKUIT NE TILIL

⁴ ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

Bukuit Ne Tilil

⁴ ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

BUKUIT NE TILIIL Sireet ne Dutero Kanon

⁴ ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

EPESOEK 1:4 ပူးပေါင်းရင်းမြစ်များ

2 SAMUEL 22:24

Kiagesunotgei agane eng’ tainnyi, Ak kiaripge si manama tengekto.

TIENWOGIKAL 135:4

Amu kigolewenjigei Jehovah Jakobo, Ak Israel koek kinnyi ne nenyi iman.

ISAIAH 42:1

Ogeero otwogindennyu, ne agimiti; nenyu ne kialewen ne boiboitune sobondanyu: kande inendet tamirmiriennyu; ipchin kiruoget bororiosiek.

ATEPTAP LAWIK 19:2

Mwachi tuiyet komugul ne bo lagokab Israel, ilenji, Oegu che tililen: amu a tilil ane, Jehovah Kamuktaindeng’wong’.

ATEPTAP LAWIK 20:7

Otabange anyun, oegu che tililen: amu a Jehovah Kamuktaindeng’wong’.

MATAYO 24:22

Ak nda ma kiga ketil konwagitu betusiechoto, ta magisoru chi: ago kitilei betusiechoto agobo che lewenotin.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

JOHANA 10:16

Ak atinye kechirek alak, che ma bo biuni: kanyol aget choto agichek, si kogas kutinnyu: ak koek akwet agenge, ak mestowot agenge.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

JOHANA 17:24

Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony.

POISYONIGAP CHE KIYOKTOI 13:48

Ak kingogas Bororiosiek ng’olyondonito, koboiboitu, ak kogonyit ng’olyotab Jehovah: ak koyan tugul che kiga kelewenji sobondab koigeny.

POISYONIGAP CHE KIYOKTOI 15:18

Mwaei Kiptaiyat, ne yaei tuguchu si konaak koboch taunetab ng’ony.

POISYONIGAP CHE KIYOKTOI 18:10

amu ami koboten, ama mi chi ne twain koyaun ne ya: amu atinye bik che chang’ eng’ nganasani.

ROMANIK 8:33

Ng’o ne itaami che kilewen Jehovah? Jehovah ne iityin imanda;

1 KORINTOEK 1:8

Ne igimitok agine agoi let, ko motinye kiy ne kiruogunenok eng’ betutab Kiptaiyandennyo Jesu Kristo;

GALATYEK 5:13

Amu okwek che kitupche, ko kigiguurjok katiaget; ago moboisie katiageng’wong’ koek boroindo ne bo borto, ago oboisiechige okwege eng’ okwege eng’ chamnyet.

GALATYEK 5:22

Ago logoiyotab Tamirmiriet ko chamnyet, boiboiyet, kalyet, muitaet, talasiet, mieindo, atepto ne kiyani,

GALATYEK 5:6

Amu eng’ Kristo Jesu ko matilei kiy kamuratanet, anan ngo ma kimuratan; ago kayanet ne boisiei eng’ chamnyet.

EPESOEK 2:10

Amu ki boisiennyi achek, ne kigiyaech eng’ Kristo Jesu agobo boisionik che miachen, che kisib kochob Jehovah si kebendate ichek.

EPESOEK 3:17

si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet,

EPESOEK 4:2

eng’ kaming’inetab ge tugul ak mutyonet, koboto muitaet, omuitochinige eng’ chamnyet;

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

EPESOEK 5:27

si kobiit komutyigei kaniset, noto ne bo torornatet, ne matinyei kunenden anan siring’ut anan kiy age tugul ne u noto; ago koek ne tilil ne matinyei tisia.

PILIPIK 2:15

si kobiit oegu che matinyei lelut ak ko libwoben, lagokab Jehovah che matinyei kunenden eng’ kwenutab ibinda ne kunur ak ko mastaat, che koluu eng’ kwenunywa ko u lapkeiyosiek eng’ ng’ony,

KOLOSAIK 1:22

eng’ bortanyi ne bo banyek, eng’ meet, si kobiit komutak ko o tililen ko motinye tisia, amotinyei kiy ne kiruogunenok eng’ tainnyi:

KOLOSAIK 2:2

si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

1 THESSALONIKEK 3:12

ingogonok Kiptaiyat otesage ak obaraitu eng’ chamnyet okwege eng’ okwege, ak eng’ bik tugul, agot ko u achek eng’ okwek;

1 THESSALONIKEK 4:7

Amu kima kuurjech Jehovah simdo, ago eng’ tililindo.

2 TIMOTEO 1:9

ne kisoruech ak koguurech eng’ kuurset ne tilil, ma ko u boisionikyok, ago ko u magennyi ak mieindanyi, ne kigigonech eng’ Kristo Jesu koboch kenyisiekab koigeny,

2 TIMOTEO 2:10

Noto anyun amuitoi eng’ tuguk tugul amu che kigilewen, si kobiit konyor agichek yetunet ne mitei eng’ Kristo Jesu koboto torornatetab koigeny.

2 TIMOTEO 2:19

Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

1 PETERO 1:2

ko u eng’ naetab Jehovah Kwanda ne kisib konai, eng’ katabanetab Tamirmiriet, agoi kasetab it ak isetab korotik che bo Jesu Kristo: Ingotesak mieindo ak kalyet eng’ okwek.

1 PETERO 1:20

ne kisib konaam iman kotom kelumda ng’ony, ago kiging’any eng’ betusiek che bo let agobo okwek,

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

2 PETERO 3:14

Noto anyun, chamanichu, amu ogeni tuguchoto, ogiilge si tun kenyoruok omi eng’ kalyet ko motinye tisia amotinye lelut eng’ tainnyi.

1 JOHANA 4:16

Ak kingen ak kigiyan chamnyet ne ting’enech Jehovah, Jehovah ko chamnyet; inendet ne menyei chamnyet komenyei Jehovah, ak komenyei Jehovah inendet.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.