EPESOEK 1:3 - BUKUIT NE TILIL

³ Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

Bukuit Ne Tilil

³ Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

BUKUIT NE TILIIL Sireet ne Dutero Kanon

³ Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 1:3 ပူးပေါင်းရင်းမြစ်များ

TAUNET 14:20

Iberurot Kamuktaindet ne Toror Mising’, ne kiinde buniguk euneguk. Ak kiigochi Abram inendet kebeberta ne bo taman ne bo kiy tugul.

TAUNET 22:18

ak tun kiberuri bororiosiek tugul che bo ng’ony eng’ keswondeng’ung’; amu kegas it kutinnyu.

1 ATEPTAP PEETUUSYEK 29:20

Ak kilenji Daudi tuiyet tugul, Olosu Jehovah Kamuktaindeng’wong’. Ak kiilos tuiyet komugul Jehovah Kamuktaindetab kwanisiekwak, ak kong’uruk, kogutung’ji Jehovah, ak laitoriat.

1 ATEPTAP PEETUUSYEK 4:10

Ak kiguur Jabes Kamuktaindetab Israel, kolenji, Mie iberura iman, ak ites kiwotennyu, ak ingotebi eung’ung’ kobota, ak iriba eng’ yaitiet, si ma aorogen! Ak kiigochi Kamuktaindet inendet tuguk che kiga som.

2 ATEPTAP PEETUUSYEK 31:8

Ak kingonyo Hesekia koboto bounik ak kogeer kayumanik, kolos Jehovah, ak bikyik Israel.

NEEMIA 9:5

Yeityo komwa Lawik, Jesua, Kadmiel, Bani, Hasabeneia, Serebia, Hodia, Sebania, ak Petaia, kole, Otononie ak olosu Jehovah Kamuktaindeng’wong’ koboch koigeny agoi koigeny. Ingoberurok kaineng’ung’ ne bo torornatet, ne itororot kosiir kaberuret tugul ak kalosunet.

TIENWOGIKAL 134:3

Ingoberurin Jehovah eng’ Sion; Inendet ne kiyai kipsengwet ak ng’ony.

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

ISAIAH 61:9

Ak konaak iyotenywa eng’ bororiosiek, ak konaak lagokwak eng’ bik: ak naei bik tugul ichek ye keer, kole, Chu iyotet ne kigoberur Jehovah.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

LUKA 2:28

konam anyun lakwet eng’ eunekyik, ak kolos Jehovah, kole,

JOHANA 14:20

Eng’ betunoto onai ole ami eng’ Baba, ak okwek eng’ ane, ak ane eng’ okwek.

JOHANA 17:21

si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa.

JOHANA 20:17

Kolenji Jesu, Ametwaa; amu tom atogosyi oldab Kwanda: ago ui ole mi tupchosiekyuk, ak ilenji, Atogosyini oldab Baba, ago Baba neng’wong’, Jehovah nenyu, ago Jehovah neng’wong’.

ROMANIK 12:5

ko u noto eng’ achek che ki chang’, ki borto agenge eng’ Kristo, ak ki kebeberta age tugul ne bo age.

ROMANIK 15:6

si kobiit otoror Jehovah inendet Kwandab Kiptaiyandennyo Jesu Kristo eng’ maget agenge ak kutit agenge.

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

1 KORINTOEK 12:12

Amu ko u ye agenge borto, ak kotinyei kebeberwek che chang’, ak kebeberwek tugul che bo borto, agot ngo chang’, ko borto agenge; ko u noto agine Kristo.

2 KORINTOEK 1:3

Iberurot Jehovah ne Kwandab Kiptaiyandennyo Jesu Kristo, Kwanda ne bo rirenosiek ak Jehovah ne bo kagaigaet tugul;

2 KORINTOEK 11:31

Ingen Jehovah Kwandab Kiptaiyat Jesu, ne iberurot koigeny, kole magenu.

2 KORINTOEK 5:17

Noto anyun, ngo mi chi age tugul eng’ Kristo, ko kigeyai inendet koek chito ne leel: kagosiirto tuguk che bo keny; ogeero, kagoek che leelach.

2 KORINTOEK 5:21

Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.

GALATYEK 3:9

Noto anyun, kiberuri icheget che bo kayanet koboto Abraham ne iyanat.

EPESOEK 1:10

agoi tononjinet ne bo ripsetab betusiek che yamegei, si koyum tuguk tugul eng’ Kristo, tuguk che mi kipsengwet, ak tuguk che mi ng’ony; eng’ inendet,

EPESOEK 1:17

ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

EPESOEK 1:20

ne kiyai eng’ Kristo, ye kingong’eet inendet komong’ eng’ che kibek, ak konde inendet kotebe eunnyi ne bo tai eng’ komoswekab kipsengwet;

EPESOEK 2:6

ak kiing’eetech koboto inendet, ak kigonech ketebi koboto inendet eng’ komoswekab kipsengwet, eng’ Kristo Jesu:

EPESOEK 3:10

si kobiit konaak eng’ kaniset nguno ng’omnatet ne o ne bo Jehovah eng’ laitornatosiek ak bounatosiek eng’ komoswekab kipsengwet,

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

PILIPIK 2:11

si kong’any ng’elyepta age tugul kole Jesu Kristo ko Kiptaiyat, agoi torornatetab Jehovah Kwanda.

HEBRANIK 8:5

che boisiei eng’ karogutiet ak uruetab tuguk che bo kipsengwet, ko u ye kigiteechi Musa ye kimachei kotonon emait: amu kilenji, Rib, si iyai tuguk tugul ko u kergeindo ne kigiborun eng’ tulwet.

HEBRANIK 9:23

Kinyolu anyun kitilil itonwekab tuguk che bo kipsengwetisiek eng’ choto; ago kitilile tuguk che bo kipsengwet tiseiywek che miach kosiir chuto.

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,