EPESOEK 1:21 - BUKUIT NE TILIL

²¹ ne toror kosiir laitornatet tugul, ak bounatet, ak kamuktaet, ak kiptainatet, ak kainet age tugul ne mwaat, ma kityo eng’ kenyisiechu, ago eng’ choto bwanei:

Bukuit Ne Tilil

²¹ ne toroor kosiir laitornatet tugul, ak pounateet, ak kamuktaet, ak kiptainateet, ak kainet age tugul ne mwaat, ma kityo eng' kenyisyechu, ago eng' chooto pwoonei:

BUKUIT NE TILIIL Sireet ne Dutero Kanon

²¹ ne toroor kosiir laitornatet tugul, ak pounateet, ak kamuktaet, ak kiptainateet, ak kainet age tugul ne mwaat, ma kityo eng' kenyisyechu, ago eng' chooto pwoonei:

EPESOEK 1:21 ပူးပေါင်းရင်းမြစ်များ

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

MATAYO 12:32

Ak age tugul ne mwaitoe yaitio Weritab chi, kenyochin kaat; ago age tugul ne mwaitoe yaitio Tamirmiriet, ko maginyochin kaat, agot eng’ ng’onyuni anan eng’ noto nyonei.

POISYONIGAP CHE KIYOKTOI 4:12

Ama mi yetunet eng’ chito age: amu mami kainet age eng’ kureretab kipsengwet, ne kigigochi bik, ne kanyol kesorunenech.

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

EPESOEK 3:10

si kobiit konaak eng’ kaniset nguno ng’omnatet ne o ne bo Jehovah eng’ laitornatosiek ak bounatosiek eng’ komoswekab kipsengwet,

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

KOLOSAIK 2:10

ak keyaok oegu che nyiitotin eng’ inendet, ne metitab bounatet tugul ak kimnatet:

KOLOSAIK 2:15

ko kagorek bounatosiek ak kimnatosiek, kobor kotook, koterteri ichek eng’ kimurtoiyot.

HEBRANIK 1:4

ko kagoek ne kararan kosiir malaikaisiek, ko u ye konyitot kainet ne kigonam inendet, kosiir kainenywa.

HEBRANIK 2:5

Amu ma igochi malaikaisiek koboi ng’onyut ne nyonei, noto kimwae.

HEBRANIK 4:14

Amu kitinye tisiindet ne o ne kigochut kipsengwetisiek, Jesu Weritb Jehovah, ongenam mising’ ng’ang’ennyo.

1 PETERO 3:22

ne kikwa kipsengwet ak komi eutab tai ne bo Jehovah; ak kigiyai malaikaisiek ak bounatosiek ak kimnatosiek kogas it inendet.