EPESOEK 1:20 - BUKUIT NE TILIL

²⁰ ne kiyai eng’ Kristo, ye kingong’eet inendet komong’ eng’ che kibek, ak konde inendet kotebe eunnyi ne bo tai eng’ komoswekab kipsengwet;

Bukuit Ne Tilil

²⁰ ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

BUKUIT NE TILIIL Sireet ne Dutero Kanon

²⁰ ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

EPESOEK 1:20 ပူးပေါင်းရင်းမြစ်များ

TIENWOGIKAL 110:1

Kalenji Jehovah kiptaiyandennyu, Tebe eunnyu ne bo tai, Agoi ayai buniguk koek ng’echeretab kelyeguk.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

MATAYO 26:64

Kolenji Jesu, Kaimwa: ago amwawok ale, Koboch nguno kotun ogeere Weritab chi kotebyei eng’ eutab tai ne bo kamuktaet, ak konyonei eng’ baragutab bolik che bo kipsengwet.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

MARIKO 14:62

Ak kile Jesu, A inendet: ak tun ogeere Weritab chi kotebyei eng’ eutab tai ne bo kamuktaet, konyonei eng’ bolik che bo kipsengwet.

MARIKO 16:19

Ye kingo kagong’alal ak icheget Kiptaiyat Jesu, kimut anyun inendet kwo kipsengwet, ak kotebe eutab tai ne bo Jehovah.

JOHANA 10:18

Marebena chi, ago agoitoi anege. Atinye kimnatet agoito, ak atinye kimnatet anam kogeny. Kiataach ng’atutioni eng’ Baba.

JOHANA 10:30

Ane ak Kwanda, ko ki agenge.

POISYONIGAP CHE KIYOKTOI 10:40

Kiing’eet Jehovah inendet eng’ betutab somok, ak kogoito kotook,

POISYONIGAP CHE KIYOKTOI 26:8

Amu nee si kibwat kele maiyanaksei eng’ okwek kele, ing’eeti Jehovah che kigobek?

POISYONIGAP CHE KIYOKTOI 4:10

ingonaak anyun eng’ okwek tugul, ak eng’ bik tugul che bo Israel ole, eng’ kainetab Jesu Kristo ne bo Nasaret, ne kiogartat okwek, ne kiing’eet Jehovah eng’ che kibek, tononi chichi eng’ yu, eng’ taing’wong’, ko kagosob eng’ inendet.

POISYONIGAP CHE KIYOKTOI 5:31

Inendet ne kiitoror Jehovah eng’ eunnyi ne bo tai koek Ne O ago Yetindet, si kogochi Israel sigunet, ak nyoetab kaat ne bo tengekwogik.

ROMANIK 1:4

ne kigimwaita kele Weritab Jehovah eng’ kimnatet, ko u tamirmiriet ne bo tililindo, eng’ ng’eetyetab che kibek; Jesu Kristo Kiptaiyandennyo,

ROMANIK 8:34

ng’o inendet ne igikyin? Kristo Jesu ne kime, ee, inendet ne kiging’eet komong’une che kibek, ne mi eutab tai ne bo Jehovah, ne saiywech agine.

EPESOEK 1:3

Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

PILIPIK 3:10

si kobiit anai inendet, ak kamuktaet ne bo ng’eetyennyi, ak yamdaet ne bo nyalilwogikyik, kirogendoena meennyi;

KOLOSAIK 1:16

amu kigitoi keyai tuguk tugul eng’ inendet, che mi kipsengwetisiek ak che mi ng’ony, tuguk che toogu ak tuguk che ma toogu, anan laitornatosiek, anan kiptainatosiek, anan bounatosiek anan kimnatosiek; kigitoi keyai tuguk tugul eng’ inendet ak ko bo inendet;

KOLOSAIK 3:1

Ko u ye king’eetye anyun koboto Kristo, ocheng’ tuguk che mi barak, ole mi Kristo kotebyei eng’ eutab tai ne bo Jehovah.

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

HEBRANIK 10:12

ago tisiindoni, ko ye kingo kagogoito tiseiywot agenge agobo tengekwogik agoi koigeny, kotebe anyun eutab tai ne bo Jehovah;

HEBRANIK 13:20

Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

NG'ANG'UTYET 1:17

Ak kingageer inendet, abutyi kelyekyik ko u chito ne kagome. Ak kiigonoora eunnyi ne bo tai, ak kole, Ameiywei; anendet ko a ne bo tai ak ne bo let,