EPESOEK 1:18 - BUKUIT NE TILIL

¹⁸ ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

Bukuit Ne Tilil

¹⁸ ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

BUKUIT NE TILIIL Sireet ne Dutero Kanon

¹⁸ ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:18 ပူးပေါင်းရင်းမြစ်များ

Kitabuutap JOB 42:5

Kiagasin kityo kibit; Ago ageerin nguno,

TIENWOGIKAL 119:18

Yat konyekyuk, si kobiit ageer Tuguk che kikwong’e eng’ ng’atutieng’ung’.

ISAIAH 11:2

ak kotebe inendet Tamirmirietab Jehovah, tamirmirietab ng’omnatet ak kaguiyet, tamirmirietab kiruoget ak kimnatet, tamirmirietab naet ak kaiyweisiet ne kiywei Jehovah.

ISAIAH 29:10

Amu kirong’jok Jehovah tamirmirietab ruondo ne nyigis, kigoger konyekwok, choto ko maotik, ak kigotuch kandoikwok, choto ko keerik.

ISAIAH 29:18

Ak tun kasei eng’ betunoto ng’alekab bukuit bik che magastoi, ak kogeerto eng’ mesundeito ne o ak eng’ ole imen konyekab che koriotin.

ISAIAH 32:3

Ama kigerei konyekab icheget che keertoi, ak kogasta itikab icheget che kastoi.

ISAIAH 42:7

iyat konyek che koriotin, imoong’u kimonjororinik eng’ korgoret, ak imoong’u che tebe mesundeito komong’une got ne kigiratyi.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

MATAYO 13:15

Amu kwalilenotin mugulelwekab bichu, Ak magastoi komie itikwak, Ak kiger ichek konyekwak; Si mageer eng’ konyekwak, Anan kogas eng’ itikwak, Anan koguiyo eng’ mugulelwekwak, Si koweek kogeny, Ak asoob ichek.

MARIKO 10:17

Ak ye kiwendi eng’ oret, kolabatyi chito age inendet, ak kogutung’ji, ak koteebe kole, Konetindoni mie, ayai nee si anyor sobondo ne bo koigeny?

LUKA 24:45

Koyat anyun ng’omnatosiekwak, si kobiit konai sirutik;

POISYONIGAP CHE KIYOKTOI 16:14

Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

ROMANIK 11:29

Amu matinyei ndara konunoikab Jehovah ak kuursennyi.

ROMANIK 2:4

Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

GALATYEK 5:5

Amu kigeni kamang’unet ne bo imanda eng’ Tamirmiriet eng’ kayanet.

EPESOEK 1:11

ne kiyaech eng’ inendet keegu borotennyi, ko kasib kolewenech, ko u magetab inendet ne yaei tuguk tugul ko u kabwatetab magennyi;

EPESOEK 1:7

ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

EPESOEK 2:12

ole kiomi taban eng’ Kristo eng’ betusiechoto, che kio kipsagarek eng’ bororietab Israel, ak ki o toek eng’ kayomisutik che bo arorutiet, kima otinye kamang’unet ak kima otinye Jehovah eng’ ng’onyuni.

EPESOEK 3:16

si kobiit kogonok, ko u magornatosiekab torornatennyi, ogimegitu eng’ kamuktaet eng’ Tamirmiriennyi eng’ chito ne bo orit;

EPESOEK 3:8

Kigigona mieini, ane, ne a ming’in kosiir inendet ne ming’in eng’ che tililen tugul: aamji Bororiosiek magornatosiekab Kristo che maisiagaksei;

EPESOEK 4:1

Noto anyun, ane ne a kimonjororiot eng’ Kiptaiyat, asomok mising’ ale obendate ko u ye nyoljin kuurset ne kigeguurok,

EPESOEK 4:4

Agenge borto, ak agenge Tamirmiriet, ko u ye kigeguurok eng’ kamang’unet agenge ne bo kuurseng’wong’;

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

PILIPIK 3:14

Agiiljinige tai, ait ole boch melekto ne bo kuuretab barak ne bo Jehovah eng’ Kristo Jesu.

KOLOSAIK 1:12

ogochini kongoi Kwanda, ne kiyaech keegu che nyoljin keyamde borotetab che tililen eng’ lapkeiyet;

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 1:5

amu kamang’unet ne kigegonoruok eng’ kipsengwet, ne kiosib ogas eng’ ng’olyotab imanit ne bo logoiywek che miach,

KOLOSAIK 2:2

si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

KOLOSAIK 3:15

Ak ingoboi kalyetab Kristo mugulelwekwok, noto ne kigiguurjok eng’ borto agenge; ak oegu che tinyei kongoi.

1 THESSALONIKEK 2:12

si kobiit obendate ko u ye nyolu eng’ Jehovah, ne kuurjinok bounatennyi ak torornatet.

1 THESSALONIKEK 5:8

Ago ongeegu che kiribegei, achek che ke bo bet, kilaachi karnetab teget ne bo kayanet ak chamnyet; ak kutwet, noto ko kamang’unet ne bo yetunet.

2 THESSALONIKEK 1:11

Noto anyun kisaiywok kotugul, si kobiit koiitok Jehovah nenyo kole onyolu eng’ kuurseng’wong’, ak kosulda maget age tugul ne bo mieindo ak boisiet age tugul ne bo kayanet, eng’ kamuktaet;

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

1 TIMOTEO 6:12

Yai luget ne mie ne bo kayanet, nam sobondo ne bo koigeny, noto ne kigiguurjin, ak kiing’any ng’ang’et ne mie eng’ taitab baorinik che chang’.

TITO 2:13

kigeni kamang’unet ne iberurot, noto ko toogunetab torornatetab Jehovah nenyo ne o ne Yetindennyo Jesu Kristo;

TITO 3:7

si, ye kagiityech imanda eng’ mieindanyi, keyaech keegu che namei tuguk ko u kamang’unetab sobondab koigeny.

HEBRANIK 10:32

Ago obwat betusiek che bo keny, ye kingo kagegonok lapkeiyet; ye kingaomuite eng’ boriet ne o ne bo nyalilwogik,

HEBRANIK 6:4

Amu eng’ ichek che kisib kigochi lapkeiyet ak kochamjam konunet ne bo kipsengwet, ak koek yamdoikab Tamirmiriet ne Tilil,

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

1 PETERO 3:9

che mayaaktoi yaitio eng’ yaitio, anan ko ng’emetab kut eng’ ng’emetab kut; ago oegu che iberurisiei; amu kigiguurjok nito, si onam kaberuret.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.