EPESOEK 1:17 - BUKUIT NE TILIL

¹⁷ ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

Bukuit Ne Tilil

¹⁷ ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

BUKUIT NE TILIIL Sireet ne Dutero Kanon

¹⁷ ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 1:17 ပူးပေါင်းရင်းမြစ်များ

1 ATEPTAP PEETUUSYEK 29:11

Cheguk, ee Jehovah, oindo, ak kamuktaet, ak torornatet, ak katerteret, ak etunatet; amu cheguk tuguk tugul che mi kipsengwet ak che mi ng’ony; neng’ung’ bounatet, ee Jehovah, ak i tororot, i metitab tugul.

Kitabuutap JOB 42:5

Kiagasin kityo kibit; Ago ageerin nguno,

TIENWOGIKAL 24:10

Ng’o Laitoriandani bo teegisto? Jehovah ne bo lugosiek, Inendet Laitoriatab teegisto.

TIENWOGIKAL 24:7

Oyot met, okwek kurgotik; Oyot met, okwek kurgotik che bo koigeny: Si konyo orit Laitoriatab teegisto.

TIENWOGIKAL 29:3

Mitei twegunetab Jehovah nyanjosiek: Tulei Kamuktaindetab teegisto, Noto Jehovah ne mi baragutab beek che chang’.

KOMONG'U 28:3

Ak ing’alalji tugul che tinyei muguleldo ne bo kaguiyet, che kianyiit tamirmirietab ng’omnatet, si konab ngoroik che bo Aron si kobiit kitaban inendet koboisiewa eng’ boisietab tiseinatet.

KALEWANAIK 18:15

Nyoru naet muguleldab ne ng’om; Ak cheng’ei naet ititab ne ng’om.

KALEWANAIK 2:5

Iguiye anyun kaiyweisiet ne kiywei Jehovah, Ak inyoru inai Kamuktaindet.

ISAIAH 11:2

ak kotebe inendet Tamirmirietab Jehovah, tamirmirietab ng’omnatet ak kaguiyet, tamirmirietab kiruoget ak kimnatet, tamirmirietab naet ak kaiyweisiet ne kiywei Jehovah.

JEREMIA 2:11

Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

DANIEL 10:1

Kiging’ang’ji Daniel ne kigiguure Beltesasar kiy eng’ kenyit ne bo somok ne bo Kirus laitoriatab Persia; ak ki bo iman kioto, noto ko ki boriet ne o: ak kiiguiyo, ak konyor kaguiyetab ng’ang’utiet.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MATAYO 20:33

Kolenji inendet, Kiptaiyandani, kimache keyatwech konyekyok.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

LUKA 12:12

amu inetok Tamirmiriet ne Tilil eng’ sainato kit ne nyolu omwa.

LUKA 2:14

Bo teegisto Jehovah, eng’ ole toror mising’, Ak kalyet eng’ ng’ony eng’ bik che chamotin eng’ inendet.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

JOHANA 14:17

noto Tamirmiriet ne bo imanit: ne maimuchi ng’ony kotaach; amu mageerei inendet, ama naei inendet: ago ongen inendet: amu tebyei kobotok, ak tun tebyei eng’ oring’wong’.

JOHANA 14:26

Ago inetok tuguk tugul Kagaigaindet, Tamirmiriet ne Tilil, ne iyogu Kwanda eng’ kainennyu, ak kobwatwok tugul che kaamwawok.

JOHANA 16:3

Ak yaei tuguchu, amu ma nai Kwanda, anan ane.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 20:17

Kolenji Jesu, Ametwaa; amu tom atogosyi oldab Kwanda: ago ui ole mi tupchosiekyuk, ak ilenji, Atogosyini oldab Baba, ago Baba neng’wong’, Jehovah nenyu, ago Jehovah neng’wong’.

POISYONIGAP CHE KIYOKTOI 6:10

Ak kima imuch ichek kogirinda ng’omnatet ak Tamirmiriet ne king’alale inendet.

POISYONIGAP CHE KIYOKTOI 7:2

Kole Stepano, Che kitupche ak kwanisiekyok, ogaso. Kimong’ji Jehovah ne bo torornatet kwandanyo Abraham, ye kimi Mesopotamia, kotomo komeny Haran,

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

ROMANIK 15:6

si kobiit otoror Jehovah inendet Kwandab Kiptaiyandennyo Jesu Kristo eng’ maget agenge ak kutit agenge.

1 KORINTOEK 12:8

Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

1 KORINTOEK 14:6

Ago nguno anyun, che kitupche, ngot anyonjok ang’alale kutuswek, atoretenok nee, ngot ko mang’alalwok eng’ ng’ang’et, anan eng’ naet, anan eng’ amdaet, anan ko eng’ konetisiet?

1 KORINTOEK 2:10

Ago king’ang’wech Jehovah eng’ Tamirmiriet: amu isiachi Tamirmiriet tuguk tugul, agot tuguk che bo orit che bo Jehovah.

1 KORINTOEK 2:8

ne manaei agot agenge eng’ bounik che bo betusiechu: amu nda kiga nai, ta kima kogartati Kiptaiyatab torornatet:

2 KORINTOEK 12:1

Kanyol alosge, agot ngo manyolu; ago aityini keersosiek ak ng’ang’utik che bo Kiptaiyat.

EPESOEK 1:3

Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

EPESOEK 3:5

ne kima kiborji werikab bik eng’ ibinwek alak ko u ye kageng’ang’ji nguno che kiyoktoi chechik che tililen ak maotik eng’ Tamirmiriet;

EPESOEK 4:13

agoi keit achek tugul yamdaetab kayanet, ak naetab Weritab Jehovah, agoi keegu chito ne bekyinot, agoi kakwaet ne bo etunatetab nyiietab Kristo:

PILIPIK 3:15

Noto anyun, ongibwat achek che kigesunotinge ko u noto: ak ngobwat kiy ne ter eng’ ng’olyo age tugul, ko ta kong’ang’wok Jehovah nito agine:

2 TIMOTEO 2:25

ne kere kong’ eng’ mutyonet ichek che kirindoi; tamangab kogochi Jehovah ichek sigunet ne bo naetab imanit,

TITO 1:1

Paulo, otwogindetab Jehovah, ak ne kiyoktoi ne bo Jesu Kristo, ko u kayanetab che kigilewen che bo Jehovah, ak naetab imanit ne namegei ak kaiyweet ne kiywei Jehovah,

JAKOBO 2:1

Tupchosiekyuk, amonam kayanetab Kiptaiyandennyo Jesu Kristo, Kiptaiyatab torornatet, eng’ tiytietab bik.

2 PETERO 1:3

Amu kigonech kamuktaetab Jehovah tuguk tugul che nyoljin sobondo ak kaiyweet ne kiywei Jehovah, eng’ naet ne kinae inendet ne kiguurech eng’ torornatennyi ak mieindanyi;

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

NG'ANG'UTYET 7:12

kole, Amen; Bo Jehovah nenyo kaberuret, ak torornatet, ak ng’omnatet, ak kongoi, ak teegisto, ak kamuktaet, ak kimnatet, koigeny ak koigeny. Amen.