DANIEL 9:7 - BUKUIT NE TILIL

⁷ Ee Kiptaiyat, neng’ung’ imanda, ago nenyo kalilanet, ko u ra; koboto bikab Juda, ak bik che menyei Jerusalem ak Israel tugul, che negit ak che mi ole loo, eng’ emotinwek tugul ole kiionji, amu chalwoktanywa ne kigoyaun.

Bukuit Ne Tilil

⁷ Ee Kiptaiyat, neng'ung' imanda, ago nenyo kalilanet, ko uu ra, kobooto piigap Judah, ak piik che menyei Jerusalem ak Israel tugul, che neegit ak che mi ole loo, eng' emotinwek tugul ole ki ionji, amu chalwoktanywa ne ki koyaun.

DANIEL 9:7 ပူးပေါင်းရင်းမြစ်များ

EZRAH 9:13

Ak amu kigobwanjech choto tugul amu boisionikyok che yaach, ak ng’ogistanyo ne o, amu ma ibirech inye Kamuktaindennyo ko u ye yamegei ak tengekwogikyok, ak kiigonech chu ng’etunotin,

EZRAH 9:15

Ee Jehovah, Kamuktaindetab Israel, i bo iman; amu ki bik che kigeng’etu, che kichililso, ko u rani: keero, kimi taing’ung’ eng’ ng’ogistanyo; amu mami ne imuchi kotonon eng’ taing’ung’ amu nito.

NEEMIA 9:33

Ago i bo iman eng’ tuguk tugul che kigobwanjech; amu kiiyai ne bo iman, ago kigeyai ne ya:

TIENWOGIKAL 119:137

I bo iman, inye, ee Jehovah, Ak lititen kiruogutiguk.

TIENWOGIKAL 44:15

Mi tainnyu tewernatennyu betut komugul, Ak kagotucha kalilanet ne mi togennyu,

TIENWOGIKAL 51:14

Sorua eng’ ng’ogistab korotik, ee Kamuktaindet, inye Kamuktaindetab yetunennyu; Ak kotien kutinnyu imandang’ung’.

TIENWOGIKAL 51:4

Kiayaun tengekto inyendet inyege, Ak kiayai ne ya eng’ taing’ung’: Si kobiit kindein imanda ye ing’alali, Ak kotook tililindang’ung’ ye iruochi.

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 45:16

Ililandos, ee, toptobendos ichek tugul; toitos tugul che yaei kanamonik.

JEREMIA 12:1

I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

JEREMIA 23:6

Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 3:25

Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 32:32

amu yaitiet tugul ne bo lagokab Israel ak ne bo lagokab Juda, che kigoyai kotagena anerech, ichek, laitorinikwak, bounikwak, tisiikwak, ak maotikwak, ak bikab Juda, ak bik che menyei Jerusalem.

JEREMIA 33:16

Kisoru Juda eng’ betusiechoto; ak komeng’is Jerusalem eng’ chametab ge; ak ni kainet ne kimwaitoe, Jehovah ko imandanyo.

JEREMIA 4:17

Kigoyiem ichek ko u ribik che ribei mbaret; amu kigongelelja, mwaei Jehovah.

JEREMIA 7:19

Tos tacha bichoto anerech? Mwaei Jehovah. Tos matachegei ichegei, si kogochigei kalilanet eng’ togochikwak?

EZEKIEL 16:63

si kobiit ibwat, ak itoptoben, ametwegu kogeny, amu kalilaneng’ung’; ye kanyoun kaat tuguk tugul che kiiyai, mwaei Kiptaiyat Jehovah.

EZEKIEL 36:31

Yeityo obwat anyun ortinwekwok che yaach, ak boisionikwok che kima ko miachen; ak osasge okwege eng’ taing’wong’ amu tengekwogikwok ak amu tugukwok che kiwechei.

EZEKIEL 5:10

Amei anyun kwanisiek werik eng’ kwenung’ung’, ak koam werik kwanisiekwak; ak ayai kiruogutik eng’ inye, ak aseer bik tugul che ng’etu eng’ okwek, aseerji usonaik tugul.

EZEKIEL 6:12

Barei koroito inendet ne mi ole loo; ak barei rotwetab chok inendet ne negit; ak barei rubet inendet ne ng’etu ne kigigerji nganaset: ayae neregekyuk che ng’wonen kosulda ko u noto eng’ ichek.

DANIEL 9:14

Kirib anyun Jehovah yaitiet agoi betut ne kiibwech: amu bo iman Jehovah Kamuktaindennyo eng’ boisionikyik tugul che yaei, ago ma kigas it kutinnyi.

DANIEL 9:18

Ee Kamuktaindennyu, eb it ak igas; tokyi konyeguk, ak igeer banandanyo, ak nganaset ne kimwaitoe kaineng’ung’: amu ma kiibu somutikyok kobwa taing’ung’ amu imandanyo, ago amu rirenosieguk che eechen.

DANIEL 9:8

Ee Kiptaiyat, nenyo kalilanet, koboto laitorinikyok, bounikyok, ak kwanisiekyok, amu kigeyaun tengekto.

AMOS 9:9

Amu, ogeero, ang’ate, ak ases gotab Israel eng’ bororiosiek tugul, ko u ye kisesei bek eng’ kit ne kisesisie, ago maibutyin ng’ony baiywat, agot ne ming’in.

ROMANIK 6:21

Kiotinye logoek nee eng’ betusiechoto eng’ tuguk che olilane nguno? Amu kagesunetab tuguchoto ko meet.

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

NG'ATUTIK 4:27

Ak koiyestak Jehovah oyomu bororiosiek, ak ong’etu che ng’ering’ eng’ bororiosiek, ole imutok Jehovah.