DANIEL 9:5 - BUKUIT NE TILIL

⁵ kigeyai tengekto, kigeyai kit ne imaasat, ak kigeyai kit ne ya kot, ak kigingelelse, kemaste kemete konetisiosieguk ak kiruogutiguk;

Bukuit Ne Tilil

⁵ kigeyai tengekto, kigeyai kiit ne imaasat, ak kigeyai kiit ne ya kot, ak ki kingelelse, kemaste kemete kaneetisyosyeguk ak kirwoogutiguk.

DANIEL 9:5 ပူးပေါင်းရင်းမြစ်များ

2 LAITORINIK 18:12

amu kima kas it kutitab Jehovah Kamuktaindenywa, ago kibistoe kayomisennyi, choto tugul kiga ng’at Musa otwogindetab Jehovah, ma cham kogas, anan koyai.

2 LAITORINIK 21:15

amu kigoyai yaitiet eng’ tainnyu, ak kigotacha anerech, koboch betut ne kimong’u kwanisiekwak eng’ Misri, agoi rani.

EZRAH 9:6

ak ale, Ee Kamuktaindennyu, alilani mising’ ak kagowalak togennyu kot ko mamuch anyalin, inye, Kamuktaindennyu: amu kogotesak tengekwogikyok kot ko maluuchech ak kigoeet ng’ogistanyo kot koit kipsengwetisiek.

TIENWOGIKAL 106:6

Kigechalwogense koboto kwanisiekyok, Kigeyai tengekto, kigeyai ne ya kot.

TIENWOGIKAL 119:102

Tom amaste abagakte kiruogutiguk; Amu kiineta inye.

TIENWOGIKAL 119:176

Kiabetote ko u kechiriet ne betot; cheng’ kiboitiondeng’ung’; Amu mautie ng’atutiguk.

TIENWOGIKAL 18:21

Amu kiarib ortinwekab Jehovah, Ak ma abagakte Kamuktaindennyu eng’ or ne ya.

ISAIAH 53:6

Ki u achek tugul kechirek che kigobetyo; kigosub age tugul eng’ achek orennyi; ak kigonde Jehovah inendet tengekwogikyok achek tugul.

ISAIAH 59:13

kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

ISAIAH 64:4

Amu tomo kogas bik koboch keny, anan koguiyo eng’ itik, anan kogeer eng’ konyekwak Kamuktaindet age ne ma inye, ne yaei boisiet agobo chito ne igeni inendet.

JEREMIA 14:20

Ee Jehovah, king’anye tengektanyo, ak yaitietab kwanisiekyok: amu kigeyaun tengekto.

JEREMIA 14:7

Agot ngo baorianjinech tengekwogikyok, ee Jehovah, boisie amu kaineng’ung’: amu chang’ kachuchugosiekyok bo ge; kigeyaun tengekto.

JEREMIA 3:25

Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 30:14

Kigoutienen chamaniguk tugul: macheng’in: amu kaaguotenin eng’ kaguotenetab bunyot eng’ kotigonetab inendet ne korom; amu oindab yaitieng’ung’, amu kitesogis tengekwogiguk.

JEREMIA 44:3

amu yaitienywa ne kigoyai kotacha anerech, amu kiba kobeel nyamdutik, koot cheptalelisiek che kima kongen, icheget, anan okwek, anan kwanisiekwok.

RIREKAB JEREMIA 1:18

Bo imanda Jehovah; amu kiangelelji ng’atutiennyi: Asaok ale, ogas okwek bororiosiek tugul, ak ogeer arogenennyu: Kogimut bergeinikyuk ak neranikyuk koba koek luulenik.

RIREKAB JEREMIA 1:20

Keero, ee Jehovah, amu ami bichiindo; anyalili moennyu; Kawalak muguleldanyu; amu kaangelel mising’: Rebisiei rotwetab chok eng’ ole bo sang’, mi ga ne u meet.

RIREKAB JEREMIA 3:42

Kigibistoe ak kigingelelse; ma inyoiywech kaat.

EZEKIEL 5:6

Ak kigongelelji kiruogutikyuk amu kiyai sogornatet kosiir bororiosiek alak, ak kongelelji ng’atutikyuk kosiir emotinwek che mi komoswekyik tugul: amu kigoesio kiruogutikyuk, ama bendate ichek ng’atutikyuk.

EZEKIEL 6:9

Ak kobwata ichek che chilildos eng’ okwek eng’ bororiosiek ole tun kimutyin koek luulenik, ko u ye kigomea mugulel agobo kugoinatetab mugulelwekwak, che kigoistoenagei, ak agobo konyekwak, che ibotegei ak kanamonikwak: ak wechegei ichegei agobo yaitwogik che kigoyai eng’ tugukwak tugul che kiwechei.

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

DANIEL 9:15

Ara anyun, ee Kiptaiyat Kamuktaindennyo, ne kiimutu biguk eng’ eut ne kim, komong’ eng’ emetab Misri, ak kiisikyige teegisto, ko u rani; kigeyai tengekto, kigeyai kit ne ya kot.

DANIEL 9:9

Bo Kiptaiyat Kamuktaindennyo rirenosiek ak nyoetab kaat; amu kigingelelji inendet;

HOSEA 1:2

Ye kingong’alale Jehovah Hosea eng’ tai, kolenji Jehovah Hosea, Ui imutyige chepkugoniot koek osotiondeng’ung’, ak lagokab kugoinatet: amu yaei emet kugoinatet ne o, kometoi Jehovah.

MALAKI 3:7

Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

HEBRANIK 3:12

Oripge anyun che kitupche, si mabiit chi age tugul eng’ okwek ne tinyei muguleldo ne ya ne bo bistoet, koistoegei Jehovah ne sobei: