DANIEL 9:26 - BUKUIT NE TILIL

²⁶ Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

Bukuit Ne Tilil

²⁶ Ye ibata wigisyek tamanwogik lo ak aeng' keisto ineendet ne iilaat ama kotinyei kiy, ak kobwa piigap pounindet kong'em nganaseet ak ole-tiliil. Nyoonei kagesunennyi kobooto maraneet, ak egu lugeet agoi let; kigeng'at ng'emisyosyek.

DANIEL 9:26 ပူးပေါင်းရင်းမြစ်များ

2 SAMUEL 21:5

Ak kilenji ichek laitoriat, Chichi kiigeswech, ak ne kichobei kegirindech, kole kebarech kot ko ma king’etu eng’ kiwotet age tugul ne bo Israel,

TIENWOGIKAL 22:15

Kagoyaam kimnatennyu ko u rokyet; Ak kanamgei ng’elyeptanyu ak tagilgiliet; Ak kaimutya temburiekab meet.

ISAIAH 28:2

Ogeero, tinyei Kiptaiyat chito age ne nyigan ak ko kim; ko u usonetab roptab koik, usonet ne ng’emisiei, ko u usonetab beek che kimen, che ing’irtogei, wirjin ng’ony ko u noto eng’ eunnyi.

ISAIAH 28:22

Noto anyun, amat oegu sasik, si magigiich ratutikwok amu kiagas kagesunet ne kigeng’at, eng’ ng’ony komugul, ne bunu Kiptaiyat, Jehovah ne bo lugosiek.

ISAIAH 53:8

Kiginam eng’ suriet ak kiruokyi; ak ng’o ne ibwati eng’ ibindanyi kole kigiisto inendet eng’ emetab che soptos: Amu kigibir agobo bistoetab bikyuk.

ISAIAH 8:7

keero, ipchin anyun Kiptaiyat ichek beekab Ainet, che chang’ che kimen, noto ko laitoriatab Asuria koboto torornatennyi tugul: ak kotogosyi inendet ainosiekyik tugul, ak kosiir ngegusiekyik tugul:

JEREMIA 46:7

Ng’o ni ng’eetei ko u Nael, ne wasegei beekyik ko u ainosiek?

JEREMIA 51:42

Kagonyonji nyanjet Babulon: kagotuch inendet chang’indab mildaetab ge ne bo beekyik.

DANIEL 11:10

Ak koyai luget werikyik, ak koyum tuiyet ne o ne bo lugosiek, che tun bwanei, ak kochwalda koyom emet, ak kobun oloto: ak koweek ak koyai luget, agoi irimennyi.

DANIEL 11:17

Ak igiilegei konyo koboto kimnatetab laitornatennyi komugul, ak koyai kasyinet ak inendet; ak koyai ko u ye machei: ak kogochi inendet cheptab kwonyik, si kong’em; ago matononi, ama bunjin.

DANIEL 11:22

Ak keisto ichek eng’ tainnyi eng’ luget ne marani, ak keton; koboto bounindetab kayomisutiet agine.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 9:27

Ak koyomisgei koboto bik che chang’ eng’ kayomiset ne kim ne bo wigit agenge: ak koges tiseiywot ak kagochinetab busiek eng’ kwenutab wigit; ak konyo age ne ibu ng’emisiet eng’ kebepchetab tuguk che kiwechei; ak kerong’ji ng’emindet neregek che kigeng’at, agoi kagesunet.

HOSEA 1:9

Ak kile Jehovah, Kuure kainennyi Lo-ami: amu ma o bikyuk, amaegu Kamuktaindeng’wong’.

AMOS 8:8

Tos mabotani emet amu nito, ak korir age tugul ne menyei oloto? Ee, ng’eetei komugul ko u Ainet; ak koiimgei ak koteny kogeny, ko u Ainet ne bo Misri.

AMOS 9:5

Amu Kiptaiyat Jehovah ne bo lugosiek, ko inendet ne twaei emet si kochoot, ak koririo tugul che menyei oloto; ak ng’eetei emet komugul ko u Ainet; ak koteny kogeny ko u Ainet ne bo Misri.

NAHUM 1:8

Ago igesu komosato eng’ maranet ne o, ak koon bunikyik koba mesundeito.

MATAYO 22:2

Kiyanie bounatetab kipsengwet laitoriat anum, ne kiyachi werinnyi igortab katunisiet,

MATAYO 22:7

Ago kinerech laitoriat; ak kiiyokto lugosiekyik, kobar rumichoto, ak kobeel nganasenywa.

MATAYO 23:38

Ogeero, kagebagakwok gong’wong’ koek kipkubere.

MATAYO 24:2

Ago kiwolji kole, Mogeere tuguchu tugul? Amwawok, iman, ale, Mang’etune koita agenge baragutab age, ne ma kiwirjin ng’ony.

MARIKO 13:2

Ak kilenji Jesu, Tos igeere teeksosiechu eechen? Matun ng’etu koita agenge eng’ baragutab age, ne magiwirjin ng’ony.

MARIKO 13:7

Ak ye tun ogas agobo lugosiek ak ng’alek agobo baretab ge, ko moarogense: kanyol koek ko u noto; ago tom koit kagesunet.

MARIKO 9:12

Ak kilenji ichek, Iman, nyonei Elija korok, ak koweech tuguk tugul ko u ye kinye: ak kiteptoi ano si kesir agobo Weritab chi kele nyalili eng’ tuguk che chang’ ak kiit koek buch?

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

LUKA 21:6

Eng’ tuguchu ogeere, ko tun bwanei betusiek, che mang’etune koita agot agenge, baragutab age, ne ma tun kiwirjin ng’ony.

LUKA 24:26

Kima nyolji Kristo konyalil eng’ tuguchu, si komong’ji torornatennyi?

LUKA 24:46

ak kilenji ichek, Kigisir ko u noto, kele, nyoljin Kristo konyalil, ak kong’eet kogeny eng’ che kigobek eng’ betutab somok;

JOHANA 14:30

Mang’alalwok mising’, amu nyonei ne o ne bo ng’ony: ama tinyei kiy eng’ ane;

2 KORINTOEK 5:21

Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.

GALATYEK 3:13

Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit:

1 PETERO 2:21

Amu kigiguurjok nito: amu kinyalil Kristo agine agobo okwek, kobagakwok kaborunet, si kobiit osub tiegutikyik:

1 PETERO 2:24

inendet ne kiib tengekwogikyok eng’ bortanyi eng’ ketit barak, si kesopche eng’ imanda; achek che kiga kebekyi tengekwogik; kigisoobenok birutikyik.

1 PETERO 3:18

Amu kime Kristo agine konyil agenge agobo tengekwogik, inendet ne bo imanda agobo che ma bo imanda, si kobiit komutyech Jehovah; ne kigibar eng’ borto, ago kigisoob eng’ tamirmiriet;