DANIEL 9:25 - BUKUIT NE TILIL

²⁵ Nai anyun ak iguiye ile koboch ngab komong’ ng’atutiet kele kituur ak keteech Jerusalem, keteekyi inendet ne iilat, bounindet, koegu wigisiek tisab: ak keteech kogeny eng’ wigisiek tamanwogik lo ak aeng’, koboto oret ak keringet ne yiemei nganaset, eng’ betusiekab nyalilda.

Bukuit Ne Tilil

²⁵ Nai anyun ak iguiye ile kobooch ngap komong' ng'atuutyet keele kituur ak keteech Jerusalem, keteekyi ineendet ne iilaat, pounindet, koegu wigisyek tisap; ak keteech kogeny eng' wigisyek tamanwogik lo ak aeng', kobooto ooreet ak keriinget ne yiemei nganaseet, ago eng' peetuusyegap nyalil.

DANIEL 9:25 ပူးပေါင်းရင်းမြစ်များ

2 SAMUEL 15:25

Ak kilenji laitoriat Sadok, Oib moingetab Kamuktaindet koweek kwo nganaset: ngot anyoru chamet eng’ taitab Jehovah, kotun imutwa kogeny, ak koborua moingonoto ak ole tebe.

EZRAH 4:24

Kotonon anyun boisietab gotab Kamuktaindet ne mi Jerusalem; ak kitonon agoi kenyit ne bo aeng’ ne bo laitornatetab Darius laitoriatab Persia.

EZRAH 7:1

Ak kingobata tuguchu, eng’ laitornatetab Artaserses laitoriatab Persia, kotogosta Esra weritab Seraia, weritab Asaria, weritab Hilkia,

EZRAH 7:8

Ak kiit Esra Jerusalem eng’ arawet ne bo mut, ne ki kenyit ne bo tisab ne bo laitoriat.

NEEMIA 3:1

King’eet anyun Eliasib tisiindet ne o, koboto tupchosiekyik tisiik, ak koteech ormarichetab kechirek; kiianyiny, ak konde kurgotikyik; kiianyiny agoi teekset ne koi ne bo Hamea, kot koit teekset ne koi ne bo Hananel.

NEEMIA 4:2

Ak king’alal eng’ taitab tupchosiekyik ak lugetab Samaria, ak kole, Yaei nee Yahudichu nyalulyotin? Tos igimitigei? Tos igoitoi korosek? Tos igesu eng’ betut agenge? Tos ing’eeti koik komong’une karurugutikab busagariek che kigolalyo?

NEEMIA 4:8

koruoch tugul kibagenge kole kobwa ak kobargei ak Jerusalem, ak kong’eet boriet eng’ yoto.

NEEMIA 6:15

Kigiges anyun irimet eng’ betutab tiptem ak mut ne bo arawetab Elul, kiek betusiek konom ak aeng’.

TIENWOGIKAL 71:10

Amu ng’alalena bunikyuk; Ak iruochi ichek che sapchin sobondanyu,

AMDOINDET 3:3

betut ne kibarisie, ak betut ne kinyaise; betut ne kibutisie, ak betut ne kiteekse;

ISAIAH 55:4

Ogeero, kiagoite inendet koek aboriat eng’ bororiosiek, koek kandoindet, ak ko ng’atindet ne bo bororiosiek.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

DANIEL 8:11

Ee, kiieetgei, kot koit ole mi bounindetab luget; ak koistoe inendet kagochinet ne kibeelei ne bo kotugul, ak kigibut oldanyi ne tilil.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

DANIEL 9:23

Kimong’ ng’atutiet eng’ taunetab somutiguk, ak kanyo amwaun, amu i chamat mising’: ibwat anyun komie ng’olyondoni amu noto, ak iguiye ng’ang’utiet.

MIKAH 5:1

Iyumge anyun, obee kweanaikab luget, ee cheptab kweanaikab luget; kogoyiemech: kwere kirokto matandab kiruogindetab Israel.

MIKAH 5:2

Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

MATAYO 13:23

Ak inendet ne kigilechi ng’ung’unyek che miach, ko inendet ne kasei ng’olyot, ak koguiyo; ne yiei logoek iman, alak bogol, alak tamanwogik lo, alak sosom.

MATAYO 24:15

Ye ogeer anyun kit ne kiwechei ne bo ng’emisiet, ne kimwa maotiot Daniel, kotonone ole tilil (ingoguiyo inendet ne somani),

MARIKO 13:14

Ago ye tun ogeer kit ne kiwechei ne bo ng’emisiet kotonone ole ma nyoljin kotonone (ingoguiyo ne somani), ingomwechi anyun che mi Judea tolonok:

JOHANA 1:41

Kisib konyor Simon ne tupcho, ak kolenji, Kagenyoru Mesia (ye kiweech, ko Kristo).

JOHANA 4:25

Kolenji kobogoriot, Angen ale nyonei Mesia (ne keguure Kristo): ye nyo inendet, komwawech tuguk tugul.

POISYONIGAP CHE KIYOKTOI 3:15

ak kiobar Ne O ne bo sobondo; ne kiing’eet Jehovah eng’ che kibek; ki baorinikab noto achek.

POISYONIGAP CHE KIYOKTOI 5:31

Inendet ne kiitoror Jehovah eng’ eunnyi ne bo tai koek Ne O ago Yetindet, si kogochi Israel sigunet, ak nyoetab kaat ne bo tengekwogik.

POISYONIGAP CHE KIYOKTOI 8:30

Ak kilabat Pilipu ak kogas inendet kosomani bukuitab maotiot Isaia, ak kilenji, Iguitosi kit ne isomani?

EPESOEK 5:16

oboisie saisiek komie, amu yaachen betusiek.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.