DANIEL 9:24 - BUKUIT NE TILIL

²⁴ Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

Bukuit Ne Tilil

²⁴ Kaging'atyi piiguk wigisyek tamanwogik tisap kobooto nganaseng'ung' ne tiliil: si keistee pistoet, keistee tengekwogik, ak keyai katuiyet agobo tengekto, ak keip imanda ne po koigeny, ak keng'och ng'ang'utyet ak maonateet, ak kiil kitabaan ole-tiliil miising'.

DANIEL 9:24 ပူးပေါင်းရင်းမြစ်များ

2 ATEPTAP PEETUUSYEK 29:24

ak kieny tisiik, ak kiigoito korotikwak eng’ kaptisisiet koek kagochinetab tengekto, si koyai kagaigaet agobo Israel tugul: amu king’at laitoriat kole kigoito kagochinet ne kibeelei ak kagochinetab tengekto agobo Israel tugul.

TIENWOGIKAL 2:6

Ago kande laitoriandennyu Tulwennyu ne tilil ne bo Sion.

TIENWOGIKAL 45:7

Kiicham imanda, ak kiiwech tengekto; Eng’ noto anyun kigoiilin Kamuktaindet, inendet Kamuktaindeng’ung’ Eng’ mwaita ne bo boiboiyet kosiir siritoiguk.

ISAIAH 42:4

Matanui ama nyogoritu, agoi konde ng’ony kiruoget; ak kogen ngegusiek, ng’atutiennyi.

ISAIAH 51:6

Onyal kipsengwetisiek, ak ogeer ng’ony: amu betos kipsengwetisiek ko u iyeto, ak ositu ng’ony ko u ngoriet, ak begu ko u noto ichek che menyei oloto: ago bunjin koigeny yetunennyu, ama kigesu imandanyu.

ISAIAH 51:8

Amu amei ichek kiptorotiot ko u ngoriet, ak koamei ichek kutiet ko u kororik: ago bunjin koigeny imandanyu, ak kobunjin ibinwek tugul yetunennyu.

ISAIAH 56:1

Mwaei Jehovah ko u ni kole, Osub kiruoget, ak oyai imanda: amu negit konyo yetunennyu, ak negit keng’any imandanyu.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

RIREKAB JEREMIA 4:22

Kagosulda biretab tengektang’ung’, ee cheptab Sion; Ma komutin kogeny keluulin: Iityin inendet biret tengektang’ung’, ee cheptab Edom; Ng’anyei tengekwogiguk kotook.

EZEKIEL 28:12

Ee, weritab chi, rir agobo laitoriatab Turo, ak ilenji, Mwaei Kiptaiyat Jehovah ko u ni kole: Ing’ochi karogendoet, kigonyiin ng’omnatet, ak i ne igesunotgei eng’ kororonindo.

EZEKIEL 4:5

Amu kiang’at kenyisiekab tengektanywa koek eng’ inye koitetab betusiek, choto ko betusiek bogol somok ak tamanwogik sogol: iibe anyun ko u noto tengektab gotab Israel.

EZEKIEL 4:6

Ak kogeny, ye kaiyai chuto kosulda, iru isieb komostab tai, ak iibe tengektab gotab Juda: betusiek artam, betut agenge ko bo kenyit agenge, kang’atin anyun ko u noto.

ATEPTAP LAWIK 25:8

Ak iityigei sabatosiek tisab che bo kenyisiek, choto ko kenyisiek tisab konyil tisab; ak koek eng’ inye betusiekab sabatosiek tisab che bo kenyisiek, choto ko kenyisiek artam ak sogol.

ATEPTAP LAWIK 8:15

Ak kieny kirgoto; ak kitaach Musa korotik, ak kiile korotichoto kuinoikab kaptisisiet eng’ mornennyi, ak kiianyiny kaptisisiet, ak kitumji korotik kaptisisiet kel, ak kotaban, koyai kagaigaet agobo noto.

SEKARIA 4:14

Kolenja anyun, Chuto ko werik aeng’ che bo mwanik, che tonone ole negite Kiptaiyat ne bo ng’ony komugul.

KAITOSYEK 14:34

Oiboti tengekwogikwok kenyisiek artam ko u koitetab betusiek che kiotar eng’ segeetab emet, eng’ betusiechoto artam, ko betut age tugul ko kenyit, si kobiit onai ye aistoenok kayomisutiennyu.

MATAYO 1:21

Ak tun sichei werit; ak iguure kainennyi JESU; amu inendet ne soru bikyik eng’ tengekwogikwak.

MATAYO 11:13

Amu kimaotenso maotik tugul ak Ng’atutik agoi koit betusiekab Johana.

MATAYO 4:5

Yeityo komut oindet inendet kwo nganaset ne tilil; kiimut kwo kimonjogut ne bo hekalut,

MARIKO 1:24

kole, Kiting’ege nee ak inye, Jesu ne bo Nasaret? Kenyo ing’emech? Angenin ale, i Ne Tilil ne bo Jehovah.

LUKA 1:35

Ak kiwolji malaikaiyat kolenji, Nyonjinin Tamirmiriet ne Tilil ak kouurin kamuktaetab Inendet ne Toror Mising’: noto anyun kiguure ne tilil, Weritab Jehovah, inendet ne tun kisichei.

LUKA 21:22

Amu chuto ko betusiekab mugetut, si kobiit kosulda tuguk tugul che kigisir.

JOHANA 1:41

Kisib konyor Simon ne tupcho, ak kolenji, Kagenyoru Mesia (ye kiweech, ko Kristo).

JOHANA 3:34

Amu ng’alali ng’alekab Jehovah inendet ne kiiyogu Jehovah; amu magonu inendet Tamirmiriet eng’ karogendoet.

POISYONIGAP CHE KIYOKTOI 3:14

Ago kiotiiye okwek Inendet ne Tilil ak ko bo Imanda, ak osom ole kegonok rumindet,

POISYONIGAP CHE KIYOKTOI 3:22

Kimwa Musa iman, kole, Ing’eetwok Kiptaiyat Jehovah maotiot ne bunu che otupche, ne u ane; ogas it inendet eng’ tuguk tugul che te che mwawok.

POISYONIGAP CHE KIYOKTOI 4:26

Kitetegei laitorinikab ng’ony, Ak koyumegei bounik, Agobo Kiptaiyat, ak Kristo nenyi:

ROMANIK 5:10

Amu ye kita ko ki bunik, ko kigituiyech ak Jehovah eng’ meetab Werinnyi, ne siirei mising’ anyun, koga kituiyech, kesoruech eng’ sobondanyi.

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

PILIPIK 3:9

ak kenyorua eng’ inendet, ko matinye imandanyu, noto ne bo Ng’atutiet, ago noto ne bunu kayanet eng’ Kristo, imanda ne bo Jehovah eng’ kayanet:

KOLOSAIK 1:20

si kotuiyechigei tuguk tugul inendet, ye kingo kagoyai kalyet eng’ korotikab kimurtoiyondennyi; eng’ inendet, ngo tuguk che mi ng’ony anan tuguk che mi kipsengwetisiek.

KOLOSAIK 2:14

ko kagobuch siret ne bo arorutik ne kiga kogikyech, ne kiranyech: ak kigoisto, kobirji kimurtoiyot;

HEBRANIK 10:14

Amu kigoyai koek che igesunotingei agoi koigeny eng’ kagoitoet agenge ichek che kigitilil.

HEBRANIK 2:17

Eng’ noto anyun kinyolji keyai inendet eng’ tuguk tugul kogergeit ak tupchosiekyik, si kobiit koek tisiindet ne o ne bo rirenetab ge ak ko bo iman eng’ tuguk che tokyingei Jehovah, si kobiit koyai tisisiet agobo tengekwogikab bik.

HEBRANIK 7:26

Amu nyoljinech tisiindet ne o ne u ni, ne tilil, ne matinyei kenisiet, ama tinyei muruonindo, ne itabanat eng’ kiptengeginik, ak kigitoror kosiir kipsengwetisiek;

HEBRANIK 9:26

amu nda ki u noto anyun ta kinyoljin konyalil konyil che chang’ koboch ngelumda ng’ony: ago kagong’ang’ak nguno konyil agenge eng’ kagesunetab kenyisiek si kobiit koisto tengekto eng’ tiseiywot ne ki inendet.

2 PETERO 1:1

Simon Petero, otwogindet ak ko ne kiyoktoi ne bo Jesu Kristo, asirjini ichek che kigenyoru tugul kayanet ne kararan mising’ eng’ imandab Jehovah nenyo ak ko Yetindennyo Jesu Kristo:

1 JOHANA 3:8

inendet ne yaei tengek ko bo oindet; amu kiyai oindet tengek koboch taunet. Kigeng’any Weritab Jehovah amu noto, si kobiit kong’em boisionikab oindet.

NG'ANG'UTYET 14:6

Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 3:7

Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi: