DANIEL 9:21 - BUKUIT NE TILIL

²¹ ee, ye kita ang’alali eng’ saet, kotwaa chichoto Gabriel, ne kitirirenu kochogu, ne kiga ageer eng’ tai eng’ ng’ang’utiet, konyo kotwaa eng’ olo bo sait ne kigoitoe kagochinetab koskoleny.

Bukuit Ne Tilil

²¹ ye kita ang'alaali eng' saaet, kotwaa chiichooto Gabriel, ne kitirirenu kochogu, ne kiga ageer eng' tai eng' ng'ang'utyet, konyo kotwaa eng' olo po sait ne kigoitoe kagoochinetap koskoleny.

DANIEL 9:21 ပူးပေါင်းရင်းမြစ်များ

1 LAITORINIK 18:29

Ak kingoweek asis komaotenso agoi sait ne kigoitoe kagochinet; ago kima biit tweguno, anan ko chi age tugul ne wolu, anan ko chi age tugul ne kasei.

1 LAITORINIK 18:36

Ak eng’ sait ne kigoitoe kagochinet, konyo maotiot Elija korik, ak kole, Ee Jehovah, Kamuktaindetab Abraham, ak ko bo Isak, ak ko bo Israel, ingonaak rani kele i Kamuktaindet eng’ Israel; ak a otwogindeng’ung’ ak konaak kele kayai tuguchuto tugul eng’ ng’olyondeng’ung’.

TIENWOGIKAL 103:20

Olosu Jehovah, okwek malaikaisiekyik: Okwek che o kimen eng’ kamuktaet, che osuldoi ng’olyondennyi, Che oepchini it tugetab ng’olyondennyi.

TIENWOGIKAL 104:4

Inendet ne yaei usonaik koek chechik che kiyoktoi; Ne yaei kiboitinikyik koek mat ne liblibeni:

TIENWOGIKAL 141:2

Ingotogosta saennyu ko u nyamdutik eng’ taing’ung’; Ingoigei eunekyuk che anamjini barak, korosiot ne bo koskoleny.

KOMONG'U 29:39

Igoite aruet age karon; ak igoite aruet ne bo aeng’ koskoleny:

ISAIAH 6:2

Kitonondos serapik eng’ baragunnyi: kitinyei age tugul kebebaik lo; kituge aeng’ togennyi, kotuge aeng’ kelyekyik, ak kitirirene aeng’.

EZEKIEL 1:11

Ki besiotin togochikwak ak kebebaikwak eng’ ole bo barak; kiga namgei kebebaik aeng’ eng’ age tugul, ak kotuch kebebaik aeng’ borwekwak.

EZEKIEL 1:14

Ak kiruaei tuguchoto soptos ak koweechegei ko u kakweng’etab kalyelet.

EZEKIEL 14:14

agot nganda mi bichu somogu, Noa, Daniel, ak Job emonoto, ko kota soru sobonwekwak ichegei eng’ imandanywa, mwaei Kiptaiyat Jehovah.

DANIEL 10:10

Ak ogeero, kitwaa eunnyi ne kinama agutuny ak atebendoe eunekyuk.

DANIEL 10:16

Ak ogeero, kitwa kutinnyu age ne kergei ak werikab bik: ayat kutinnyu anyun, ang’alal, alenji inendet ne kitonon eng’ tainnyu, Ee kiptaiyandennyu, kagobwanja arogenosiekyuk amu ng’ang’utiet, ama ng’etwa kimnatet.

DANIEL 10:18

Yeityo kotwaa kogeny age ne u chito, ak kiigimita.

DANIEL 8:16

Ak kiagas kutitab chito eng’ kwenutab ainet Ulai, ne kiguurso kole, Gabriel, iborji chichi koguiyo ng’ang’utiet.

DANIEL 8:18

Kingota kong’alalwa, anuuch mising’, asieb mo: ago kitwaa ak kong’eeta.

MATAYO 27:46

Ak ye kingo olo bo sait sogol koguurso Jesu eng’ kutit ne o, kole, Eli, Eli, lama sabaktani? Noto ko, Jehovah nenyu, Jehovah nenyu, kalya si ibagakta?

LUKA 1:19

Ak kiwolji malaikaiyat kolenji, A Gabriel, ne atononi eng’ taitab Jehovah; kagiyokwa ang’alalun, ak aibun logoiywechu miachen.

LUKA 1:26

Kiiyokto Jehovah malaikaiyat Gabriel eng’ arawetab lo kwo nganaset ne bo Galili, ne kiguure Nasaret,

POISYONIGAP CHE KIYOKTOI 10:3

Kigeer eng’ ng’ang’utiet kimni, olo bo sait sogol ne bo bet, malaikaiyatab Jehovah konyonjin inendet, ak kolenji, Kornelio.

POISYONIGAP CHE KIYOKTOI 10:9

Ak eng’ betut ne kiisubi betunoto ye kita kobendi, ko karikta nganaset, kotogosta Petero got barak, eng’ olo bo sait lo, kwo kosa:

POISYONIGAP CHE KIYOKTOI 12:7

Ak ogeero, kitonon malaikaiyatab Kiptaiyat eng’ ye negite inendet, ak kiikweny lapkeiyet got: ak kiirabach karastab Petero, ak kong’eet kolenji, Ng’eet chokyi. Ak kiibutyo sirimwek che kimi eunekyik.

POISYONIGAP CHE KIYOKTOI 3:1

Ak kitogostoi Petero ak Johana hekalut eng’ sait ne bo saet, sait sogol.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

HEBRANIK 1:7

Ak kimwa agobo malaikaisiek kole, Inendet ne yaei malaikaisiekyik koek usonaik, Ak koek kiboitinikyik liblibenetab mat:

NG'ANG'UTYET 9:17

Ak kiageer ko u noto mbartanyisiek eng’ ng’ang’utiet, ak icheget che kilanyei, kotinyei tuguk che kilaakyin tegetik che u mat ak che u huakinto ak che u koik che laldos: ak ki u metowekab mbartanyisiek metowekab ng’etunyik; ak komong’une kutuswekwak mat ak iyeto ak koik che laldos.