DANIEL 9:2 - BUKUIT NE TILIL

² eng’ kenyit ne bo tai ne bo laitornatennyi, aguiye ane Daniel eng’ bukuisiek koitetab kenyisiek che kinyonjine ng’olyotab Jehovah maotiot Jeremia, agobo kasuldaetab ng’emisiosiekab Jerusalem, choto ko kenyisiek tamanwogik tisab.

Bukuit Ne Tilil

² eng' kenyiit ne po tai ne po laitornatennyi, aguiye anee Daniel eng' bukuisyek koitetap kenyiisyek che kinyonjine ng'olyootap Kamuktaindet ne Toroor maotyot Jeremiah, agobo kasuldaetap ng'emisyosyegap Jerusalem, chooto ko kenyiisyek tamanwogik tisap.

DANIEL 9:2 ပူးပေါင်းရင်းမြစ်များ

2 ATEPTAP PEETUUSYEK 36:21

si kosulda ng’olyotab Jehovah ne kimwa eng’ kutitab Jeremia, agoi kogasegei emet sabatosiekyik: amu kirib sabatosiekyik eng’ betusiechoto kima komenyei chi, kot kosulda kenyisiek tamanwogik tisab.

EZRAH 1:1

Eng’ kenyit ne bo tai ne bo Kirus laitoriatab Persia, si kobiit kosulda ng’olyotab Jehovah ne kimwa eng’ kutitab Jeremia, kochirjir Jehovah tamirmirietab Kirus laitoriatab Persia, si komwaita eng’ bounatennyi tugul, ak kosirta kogeny, kole,

TIENWOGIKAL 119:24

Boiboiyennyu baornatosieguk Ak che ing’omita.

ISAIAH 64:10

Kigoek kong’atet nganasoguk che tililen, koek Sion ong’atet, koek Jerusalem karatia.

JEREMIA 1:1

Chu ng’alekab Jeremia weritab Hilkia, ne ki bo tisiik che kimi Anatot eng’ emetab Benjamin:

JEREMIA 25:18

choto ko Jerusalem, ak nganasokab Juda, ak laitorinikyik, ak bounikyik, si koyai ichek koek karatia, kwong’et, ne kirenyei, ak ne kisasei; ko u eng’ betuni;

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 26:6

ayae anyun goi koigei Silo, ak ayai nganasani koek ne sasei bororiosiek tugul che bo ng’ony.

JEREMIA 27:7

Ak koot bororiosiek tugul inendet ak werinnyi, agoi koit betusiekab emennyi: ak koyae anyun bororiosiek che chang’ ak laitorinik che eechen inendet koek otwogindenywa.

JEREMIA 29:10

Amu mwaei Jehovah ko u ni kole, Ye ibata kenyisiek tamanwogik tisabu omi Babulon, arutochok, ak asuldawok ng’olyondennyu ne mie, amutwok obwa olito.

JEREMIA 7:34

Agochini anyun kosis tugetab boiboiyet ak ne bo kagasetab ge, ne bo sandet ak ne bo mureret, eng’ nganasokab Juda, ak ortinwekab Jerusalem, amu egu emet karatia.

RIREKAB JEREMIA 1:1

Lyon si komi buch nganaset, ne ki nyiitat bik! Lyon si kotebi ko u mosok! Nganaset ne ki o eng’ bororiosiek, ak ko ki cheptab laitoriat eng’ emotinwek, Kagoek anyun otwogindet!

EZEKIEL 29:11

Mabunei chi oloto, ama bunei tiony, ama kimenyei eng’ kenyisiek artam.

DANIEL 9:3

Ak kiatokyige Kiptaiyat Kamuktaindet, ale acheng’ inendet eng’ saet ak somutik, koboto karugutetab ge, ak kalaagetab kuiniok, ak eng’ orek.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

SEKARIA 1:12

Kiwol anyun malaikaiyatab Jehovah, kole, Ee Jehovah ne bo lugosiek, ta iesioi kot kotianit si irire Jerusalem, ak nganasokab Juda, che kiinerekyi kenyisiechu tamanwogik tisab?

SEKARIA 7:5

Ng’alalji bik tugul che bo emet, ak tisiik, ilenji, Ye kigorugutge ak oririe eng’ arawetab mut ak ne bo tisab, eng’ kenyisiechoto tamanwogik tisab, ko tos kiorugutge agobo ane, anendet?

MATAYO 24:15

Ye ogeer anyun kit ne kiwechei ne bo ng’emisiet, ne kimwa maotiot Daniel, kotonone ole tilil (ingoguiyo inendet ne somani),

MARIKO 13:14

Ago ye tun ogeer kit ne kiwechei ne bo ng’emisiet kotonone ole ma nyoljin kotonone (ingoguiyo ne somani), ingomwechi anyun che mi Judea tolonok:

POISYONIGAP CHE KIYOKTOI 8:34

Ak kiwolji chichoto kigimoch, Pilipu, kolenji, Asomin ale, mwaei maotiot ng’olyondoni agobo ng’o? Agobo inendet, anan agobo chito age?

1 TIMOTEO 4:13

Agoi anyo, chuuljige somanet, ak kateitaet, ak konetisiet.

NG'ANG'UTYET 1:3

Baibai inendet ne somani, ak ichek che kasei ng’alekab maoinatoni, ak koribei tuguk che kigisir eng’ maoinatonito: amu kagorik betut.