DANIEL 9:16 - BUKUIT NE TILIL

¹⁶ Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

Bukuit Ne Tilil

¹⁶ Ee Kiptaiyat, asaain ale ko uu eng' imandang'ung' tugul ko ingoistoegei nereegeguk ak nereegeguk che ng'woneen, nganaseng'ung' Jerusalem, tulweeng'ung' ne tiliil; amu tengekwogikyok ak amu yaitwogigap kwanisyekyok ko ki koek Jerusalem kobooto piiguk che kichotei eng' tugul che miitei komoswek tugul.

DANIEL 9:16 ပူးပေါင်းရင်းမြစ်များ

NEEMIA 9:8

ak igeer ile bo iman muguleldanyi eng’ taing’ung’, ak oyomisge ak inendet igochi inendet emetab Kananindet, Hitindet, Amorindet, Perisindet, Jebusindet ak Girgasindet, igochi emonoto iyotennyi ak kaiyai ng’aleguk kosulda; amu i bo iman.

TIENWOGIKAL 143:1

Kas saennyu, ee Jehovah; epchi it somutikyuk: Wolwa eng’ imandang’ung’ ak lititindang’ung’.

TIENWOGIKAL 31:1

Amang’un inye, ee Jehovah; ameng’alilan agoi: Sorua eng’ imandang’ung’.

TIENWOGIKAL 41:13

Ingitoror Jehovah, Kamuktaindetab Israel, Koboch keny agoi koigeny. Amen, ak Amen.

TIENWOGIKAL 71:2

Sorua eng’ imandang’ung’, ak ieta: Epcha it, si isorua.

TIENWOGIKAL 79:4

Kigeegu che itewerotin eng’ bik che negitenech, Sasech ak kororechinech anyun, che mi komoswekyok tugul.

TIENWOGIKAL 85:4

Weekyeige, Kamuktaindetab yetunennyo. Ak ingosisyo neregeguk che tokyineigei.

TIENWOGIKAL 89:51

Noto ne kigogerisie kong’ buniguk, ee Jehovah, Che kigogerate kong’ kakwautikab neng’ung’ ne iilat.

KOMONG'U 20:5

ameng’urukyi anan iot ichek: amu ane Jehovah Kamuktaindeng’ung’, ko a Kamuktaindet ne ama ng’etkong’, ageerjini lagok tengektab kwanisiekwak, agoi ibindab somok ak ne bo ang’wan eng’ ichek che wecha,

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 32:31

Amu kigoek eng’ ane nganasani tagisietab nereknatennyu ak ne bo neregekyuk che ng’wonen koboch betut ne kiteechei ichek agoi rani; kot aiste eng’ tainnyu,

JEREMIA 32:32

amu yaitiet tugul ne bo lagokab Israel ak ne bo lagokab Juda, che kigoyai kotagena anerech, ichek, laitorinikwak, bounikwak, tisiikwak, ak maotikwak, ak bikab Juda, ak bik che menyei Jerusalem.

EZEKIEL 22:4

Kanamin ng’ogisto amu korotiguk che kiitumde, kiging’wanitin eng’ kanamoniguk che kiiyai; ak kiigochi betusieguk korik, ak kaiit ye boch kenyisieguk: kaayain kotewerin bororiosiek, ak ne kichotei eng’ emotinwek tugul.

EZEKIEL 5:14

Kogeny ayain iegu karatia ak ne kiteweri, eng’ bororiosiek che mi komosweguk tugul, eng’ taitab ichek tugul che siirtoi.

DANIEL 11:45

Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 9:20

Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

JOEL 3:17

Onai anyun ole a Jehovah Kamuktaindeng’wong’, amenye Sion tulwennyu ne tilil: tililitu anyun Jerusalem, ama kobunei toek kogeny.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

2 THESSALONIKEK 1:6

si ngo kiy ne bo imanda eng’ Jehovah koyaakyi mugetut ne bo nyalilda icheget che inyalilok,

1 JOHANA 1:9

Ngot keng’anye tengekwogikyok, koyanat ak ko bo imanda konyoiywech kaat tengekwogikyok, ak kotililech eng’ kiy tugul ne ma bo imanda.

1 SAMUEL 2:7

Ibanani Jehovah chi, ak komogornoni: Inyeroti, ak koeeti agine.