DANIEL 9:14 - BUKUIT NE TILIL

¹⁴ Kirib anyun Jehovah yaitiet agoi betut ne kiibwech: amu bo iman Jehovah Kamuktaindennyo eng’ boisionikyik tugul che yaei, ago ma kigas it kutinnyi.

Bukuit Ne Tilil

¹⁴ Ki riip anyun Kamuktaindet ne Toroor yaityet agoi peetuut ne ki ibwech. Ee po iman Kamuktaindet ne Toroor, Kamuktaindennyo eng' poisyonikyik tugul che yaei, amu ma ki kas iit kutinnyi.

DANIEL 9:14 ပူးပေါင်းရင်းမြစ်များ

2 ATEPTAP PEETUUSYEK 12:6

Koming’ingei anyun bounikab Israel koboto laitoriat; ak kile, Bo iman Jehovah.

EZRAH 9:15

Ee Jehovah, Kamuktaindetab Israel, i bo iman; amu ki bik che kigeng’etu, che kichililso, ko u rani: keero, kimi taing’ung’ eng’ ng’ogistanyo; amu mami ne imuchi kotonon eng’ taing’ung’ amu nito.

NEEMIA 9:33

Ago i bo iman eng’ tuguk tugul che kigobwanjech; amu kiiyai ne bo iman, ago kigeyai ne ya:

TIENWOGIKAL 111:7

Boisionikab eunekyik ko imanda ak kiruoget; Isuldootin konetisiosiekyik tugul.

TIENWOGIKAL 116:5

Bo mieindo Jehovah ak ko bo imanda; Ee, tinyei rirenetab ge Kamuktaindennyo.

TIENWOGIKAL 119:137

I bo iman, inye, ee Jehovah, Ak lititen kiruogutiguk.

TIENWOGIKAL 51:14

Sorua eng’ ng’ogistab korotik, ee Kamuktaindet, inye Kamuktaindetab yetunennyu; Ak kotien kutinnyu imandang’ung’.

KOMONG'U 9:27

Ak kiiyokto Parao keguur Musa ak Aron, kolenji, Kaayai tengekto eng’ nito: bo imanda Jehovah, ago a kiptengekyo koboto bikyuk.

JEREMIA 12:1

I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

JEREMIA 31:28

Ak ko u ye kiarib ichek si kobiit atut ak agabui ak ang’em, ak anyalil, aribe anyun ichek ko u noto si kobiit ateech ak amin, mwaei Jehovah.

JEREMIA 4:17

Kigoyiem ichek ko u ribik che ribei mbaret; amu kigongelelja, mwaei Jehovah.

JEREMIA 44:27

Ogeero, aribe ichek agobo yaitiet, ma agobo ne mie: ak kigesu murenik tugul che bo Juda che mi emetab Misri, eng’ rotwetab chok ak eng’ rubet, agoi kogesgei.

RIREKAB JEREMIA 1:5

Kogoek usikyik kandoik, nyoru borotet bunikyik; Amu kogonyalil Jehovah inendet amu chang’indab bistaosiekyik: Kogimut lagokyik keluul eng’ taitab bunyot.

EZEKIEL 16:43

Amu ma ibwat betusiekab ming’inateng’ung’, ago kiitaacha eng’ tuguchuto tugul; keer anyun, andoi agane ortinweguk baragung’ung’, mwaei Kiptaiyat Jehovah: si ma iyai yaitioni itesyini tuguguk tugul che kiwechei.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 9:7

Ee Kiptaiyat, neng’ung’ imanda, ago nenyo kalilanet, ko u ra; koboto bikab Juda, ak bik che menyei Jerusalem ak Israel tugul, che negit ak che mi ole loo, eng’ emotinwek tugul ole kiionji, amu chalwoktanywa ne kigoyaun.