DANIEL 9:12 - BUKUIT NE TILIL

¹² Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

Bukuit Ne Tilil

¹² Ki kogimiit ng'aleekyik, che ki mwa agobo acheek ak agobo kirwoogikyok, ye ki irwokwech koibwech yaityet ne oo kiit ne ki kiyachi Jerusalem ne tomo keyai eng' kurereet komugul ne po kipsengwet.

DANIEL 9:12 ပူးပေါင်းရင်းမြစ်များ

1 LAITORINIK 3:9

Igochi anyun otwogindeng’ung’ muguleldo ne tinyei kaguiyet si koruokyi biguk, si kobiit abesio ne mie ak ne ya; amu ng’o anyun ne imuchi koruokyi bororioning’ung’et toogunot?

2 LAITORINIK 22:16

Kamwa Jehovah ko u ni kole, Keero, aibu yaitiet konyo koroni, ak konyonji bik che menyei koronito, ee, ng’alek tugul che bo bukuinoto kasomani laitoriatab Juda:

Kitabuutap JOB 12:17

Imuti kiruogik ko luulenik, Ak yaei inendet kiruogik koek che berber.

TIENWOGIKAL 148:11

Laitorinikab ng’ony ak bororiosiek tugul; Bounik ak kiruogik tugul che bo ng’ony:

TIENWOGIKAL 2:10

Noto anyun ong’omegitu, laitorinichu: Onetge, okwek kiruogikab ng’ony.

KALEWANAIK 8:16

Bounisiei bounik amu ane, Ak bik che toogunotin, kiruogik tugul che bo ng’ony.

ISAIAH 43:28

Amuruoni anyun bounik che bo ole tilil, ak ayae Jakobo koek ne chubot, ak ayae Israel koek ne kisasei.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

JEREMIA 30:7

Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 39:16

Ui, ak ing’alalji Ebed-melek Etiopindet, ilenji, Mwaei Jehovah ne bo lugosiek, Kamuktaindetab Israel, ko u ni kole: Keero, aipchini ng’alekyuk nganasani agobo yaitiet, ma agobo mieindo; ak isuldoi eng’ taing’ung’ eng’ betunoto.

JEREMIA 44:23

Amu kiobeel nyamdutik, ak amu kioyachi Jehovah tengekto, ama ogas it kutitab Jehovah, anan obendate ng’atutikyik, anan kayomisutikyik, anan baornatosiekyik; konyonjok anyun yaitioni ko u ye u rani.

RIREKAB JEREMIA 1:12

Tos ma kiy eng’ okwek, okwek tugul che osiirtoi? Ogeer ak obwat ngo mi arogenet age tugul ne u arogenennyu, ne kigiyaiywa, Ne kiinyalilena Jehovah eng’ betutab neregekyik che ng’wonen.

RIREKAB JEREMIA 2:13

Abaorianun alen nee? Arogenen nee, ee cheptab Jerusalem? Aaechindosin ak nee, si kobiit agaigain, ee bergeiyat, cheptab Sion? Amu o ole kibutok eng’ inye, ko u nyanjet: ng’o ne imuchi konyain?

RIREKAB JEREMIA 2:17

Kigoyai Jehovah noto kigochob; Kagoyai ng’olyondennyi kosulda ne kiga ng’at eng’ betusiek che bo keny; Kagowirta kwo ng’ony, ama rire; Ak kagogochi bunyot koboiboitunenen, Kagotoror kuinetab buniguk.

RIREKAB JEREMIA 4:6

Amu o tengektab cheptab bikyuk kosiir tengektab Sodom, Ne kiging’em kigabui eng’ sait ne matia, ama twa chi.

EZEKIEL 13:6

Kigogeer ichek tangoita ak ng’orset ne bo lembech, che mwaei kole, Kale Jehovah; ama iyokte Jehovah: ak kogochi bik komang’ kole kigimiti ng’olyot.

EZEKIEL 5:9

Ak ayai eng’ inye kit ne tom ayae, ak kit ne matun ayae ne u noto kogeny, amu tuguguk tugul che kiwechei.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

AMOS 3:2

Okwege kityo che angen eng’ ortinwek tugul che bo ng’ony: aiitwok anyun biret amu tengekwogikwok tugul.

SEKARIA 1:6

Ago tos kima ityi kwanisiekwok ng’alekyuk ak ng’atutikyuk che kiang’at otwogikyuk maotik? Ak kiweek ichek ak kole, Kigoyaiywech Jehovah ne bo lugosiek ko u ye kigaibwat kole yaiywech ko u ortinwekyok, ak ko u boisionikyok.

SEKARIA 1:8

Kiageer kemoi, ak ogeero, chito ne kilanyei mbartanyit ne birir ak kotonone kwenutab ketik che kiguure myrtle eng’ ole bo uruet; ak kimi batennyi mbartanyisiek alage, che biriren, che muruonen, ak che leelachen.

SEKARIA 7:12

Ee, kiiuuiit mugulelwekwak koigei kibargoiyet, si magas ng’atutiet, ak ng’alek che kiga koyok Jehovah ne bo lugosiek eng’ Tamirmiriennyi eng’ eunekab maotik che bo tai: kimong’ anyun neregek che eechen kobunu Jehovah ne bo lugosiek, amu noto.

MATAYO 24:21

amu egu anyun nyalilda ne o, ne kitom kobiitu koboch taunetab ng’ony agoi nguno, ama koegu kogeny.

MATAYO 5:18

Amu amwawok iman ale, Agoi kosiirto kipsengwet ak ng’ony, ko masiirtoi agot tisiet anan kiy ne ming’in eng’ Ng’atutiet, agoi kosulda tuguk tugul.

MARIKO 13:19

Amu egu nyalilda eng’ betusiechoto, ne kitom koegu ko u noto koboch taunetab yaetab ng’ony ne kiyai Jehovah, agoi nguno, ama kobiitu ko u noto kogeny agoi.

LUKA 21:22

Amu chuto ko betusiekab mugetut, si kobiit kosulda tuguk tugul che kigisir.

ROMANIK 15:8

Amu amwae anyun ale kigeyai Kristo koek kiboitiotab kamuratanet agobo imanitab Jehovah, si kobiit kogimit arorutik che kigigochi Kwanisiek,