DANIEL 8:9 - BUKUIT NE TILIL

⁹ Ak kimong’une kuinet ne ming’in age eng’ kuinoichoto, ne kieet mising’, kotokyigei murot ne bo tai, ak kong’asis, ak emet ne kararan mising’.

Bukuit Ne Tilil

⁹ Ak eng' age eng' kuinoichooto ko ki mang'une kuinet ne ming'in age, ne ki eet miising' kotokyigei murot tai, ak kong'asiis, ak emet ne karaaran miising'.

DANIEL 8:9 ပူးပေါင်းရင်းမြစ်များ

TIENWOGIKAL 105:24

Ak kites bikyik mising’. Ak kogimit ichek kosiir bunikwak.

TIENWOGIKAL 48:2

Mi tulwetab Sion ole kararan, ole toogunot, inendet boiboindab ng’ony komugul, Ne tokyingei murot ne bo katam, Nganasetab Laitoriat ne o.

JEREMIA 3:19

Ago kiale, Amuktoi ano andein otebi ak lagok, ak agonin emet ne kararan, borotet ne mie ne bo lugosiekab bororiosiek? Ak kiale, Oguurena Baba; ama omastoi ometa.

EZEKIEL 20:15

Kogeny, kiang’werere ichek eunnyu eng’ ong’atet, ale mamuti ichek koba emet ne kiagochi, ne nyiitat chego ak kumik, ne torornatetab emotinwek tugul;

EZEKIEL 20:6

kiayogochi eunnyu ichek eng’ betunoto, amutu ichek komong’ eng’ emetab Misri kobwa emet ne kiamararji ichek, ne nyiitat chego ak kumik, ne torornatetab emotinwek tugul:

DANIEL 11:16

Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.

DANIEL 11:21

Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

SEKARIA 7:14

ago aiyestoi ichek eng’ kipchurjuriet eng’ bororiosiek tugul che kitomo konai. Kiek anyun emet karatia eng’ let, kot ko mata kobun chi yoto anan koweegegei: amu kiigochi emet ne ki kararan koguber.