DANIEL 8:7 - BUKUIT NE TILIL

⁷ Ak kiageer inendet korikyi mengit, ak konerekyi mising’, ak kokwer mengoto, ak koiri kuinoikyik tuwai; ko mata kosich anyun kimnatet kotonon eng’ tainnyi: ago kiwirta kwo ng’ony, ak kotiech; ama biit chi ne kiimuch kosor mengit eng’ eunnyi.

Bukuit Ne Tilil

⁷ Ki ageer ineendet koriikyi mengit, ak konereekyi miising', ak kokwer mengoto, ak koiri kuinoikyik tuwai. Ki mata kosich anyun mengoto kimnateet kotonon eng' tainnyi; ago ki wiirta kwo ng'wony ak kotyech; ama piit chii ne ki imuuch kosar mengit eng' eunnyi.

DANIEL 8:7 ပူးပေါင်းရင်းမြစ်များ

DANIEL 11:11

Ak konerech laitoriatab murot ne bo tai, ak komong’ ak kobargei ak inendet: noto ko laitoriatab murot ne bo katam: ak kochob tuiyet ne o, ak kinde tuiyonoto eunekyik.

DANIEL 7:12

Ak kigiistoe tiong’ik che king’et, bounatenywa: ago kigitesyi betusiekab sobenywa ak kenyisiek.

DANIEL 7:7

Kingobata nito, ageer eng’ ng’ang’utik kemoi, ogeero, tiondo ne bo ang’wan ne imuisei ak ko kim, ak kotinyei kimnatet ne siirtoot; ak kitinyei kelek che eechen che bo karik: kiam, ak kotonaton, ak kotiechatiech che king’et: ak ki ter tionyoto eng’ tiong’ik tugul che kiindoune inendet; ak kitinyei kuinoik taman.

DANIEL 8:10

Ak kieet mising’, kot koit ole mi lugetab kipsengwet; ak kiturur kuinonoto alak che bo luget koboto alak eng’ kecheik, ak kotiech.

DANIEL 8:6

Ak kinyo ole mi mengit ne kitinyei kuinoik aeng’, ne kiageer kotonone ngegutab ainet, ak kilabat kweata kwo korieb mengit eng’ neregekyik che ng’wonen che bo kimnatennyi.

DANIEL 8:8

Ak kieetgei kwesta mising’: ak ye kingo kagogimit, koil kuinet ne o; ak kimong’ kuinoik ang’wanu che toogunotin kotokyigei usonaik ang’wan che bo kipsengwet, kogeer ni ka bo tai.

ATEPTAP LAWIK 26:37

Ak koriichgei ichegei eng’ ichegei, ko u eng’ taitab rotwetab chok, ye mami ne onei: ak monyoru kimnatet ne otononie eng’ taitab bunikwok.

JOSHUA 8:20

Ak kingogusgong’ bikab Ai, kogeer, ak ogeero, kitogostoi iyetab nganaset kowendi barak, ak kimata kosich kimnatet komwechi komosi anan ko komosi: koweek anyun bichu kamwee kobendi ong’atet, koweekyigei bichu kaonu.