DANIEL 8:4 - BUKUIT NE TILIL

⁴ Kiageer mengoto kotoortoisiei kotokyigei cherongo, ak murot ne bo katam, ak murot ne bo tai; ama imuch tiong’ik kotononso eng’ tainnyi, ama biit ne kiimuch kosor eng’ eunnyi; ago kiyai ko u ye machei, ak koeetgei.

Bukuit Ne Tilil

⁴ Ki ageer mengoto kotoortaisyei kotokyigei cherongo ak murot kaataam ak murot tai. Ama imuuch tyong'ik kotononso eng' tainnyi, ama piit ne ki imuuch kosar eng' eunnyi; ki yai ko uu ye machei ak koeetkei.

DANIEL 8:4 ပူးပေါင်းရင်းမြစ်များ

1 LAITORINIK 22:11

Ak kiyachigei Sedekia weritab Kenaana kuinoikab karik, ak kole, Kamwa Jehovah ko u ni, kole, Itoortoe chuto Suriek, kot kogesgei.

Kitabuutap JOB 10:7

Agot ngingen ile ma a chi ne ya; Ama mi ne imuchi kosor eng’ eung’ung?

TIENWOGIKAL 44:5

Kitoortoi bunikyok eng’ inye: Ak kitieche eng’ kaineng’ung’ che machei kong’eetyech.

TIENWOGIKAL 50:22

Ara anyun obwat chuto, okwek che outie Kamuktaindet, Si matonak, ama biitu chi ne soruok:

TIENWOGIKAL 7:2

Si magerer sobondanyu ko u ng’etundo, Si matonaton, ama mi chi ne sorua.

EZEKIEL 34:21

Amu kiotoortaisie karaswekwok ak tigigoikwok, ak otoore kuinoikwok tugul che kimiandos, kot oseer koba oldo tugul;

DANIEL 11:16

Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 5:19

kibotanso ak koiyweis eng’ tainnyi bik tugul, bororiosiek tugul, ak che bo kutuswek tugul, amu oindo ne kiigochi inendet: kibarei ne kimachei kobar, ak kibagaktoi kosob ne kimakyin kosob; kiieeti ne kimachei koeet, ak kiiming’ini ne kimachei koming’in.

DANIEL 5:30

Kigibar kemounoto Belsasar laitoriatab Kaldeik.

DANIEL 7:5

Ak ogeero, tiondo age, ne bo aeng’ ne u keerit, ak kigiganab kotonone komosak, ak kitinyei karaswek somok eng’ kutinnyi: ak kigimwachi ko u ni, kelenji, Ng’eet, am banyek che chang’.

DANIEL 8:7

Ak kiageer inendet korikyi mengit, ak konerekyi mising’, ak kokwer mengoto, ak koiri kuinoikyik tuwai; ko mata kosich anyun kimnatet kotonon eng’ tainnyi: ago kiwirta kwo ng’ony, ak kotiech; ama biit chi ne kiimuch kosor mengit eng’ eunnyi.

MIKAH 5:8

Ak kotebe bik che king’et che bo Jakobo kwenutab bororiosiek, kwenutab bororiosiek che chang’, ko u ye mi ng’etundo kwenutab tiong’ik che bo osnet, ko u ng’etundo ne neran eng’ kwenutab akwotisiekab kechirek: ne ye bunei kwen kotiegoti ak kotonatoni, ama mi chi ne soru.

NG'ATUTIK 33:17

Twateiyot ne bunu kirginnyi kotinyei torornatet; Ak kuinoikyik ko kuinoikab soet: Toortoe choto bororiosiek tugul agoi tabanwekab ng’ony: Ak choto tamanusiekab elfusiekab Epraim, Ak choto elfusiek che bo Manase.