DANIEL 8:3 - BUKUIT NE TILIL

³ Yeityo ayot met, ak ageer, ak ogeero, kitonon eng’ ngegutab ainet mengit ne kitinyei kuinoik aeng’: ak ki koen kuinoichoto aeng’u; ago ki koi age kosiir age, ak kimong’u let noto koi.

Bukuit Ne Tilil

³ Ki ayot met ak ageer mengit kotononi eng' ngeguutap aineet. Ki tinyei kuinoik aeng' che ki kooen; ago kigoi age kosiir age, ak ki mong'u let nooto kooi.

DANIEL 8:3 ပူးပေါင်းရင်းမြစ်များ

1 ATEPTAP PEETUUSYEK 21:16

Ak kiyot met Daudi, ak kogeer malaikaiyatab Jehovah kotononi eng’ kwenutab ng’ony ak kipsengwet, kotinyei rotwetab chok ne kaging’us eng’ eunnyi, ak kong’werere Jerusalem. Kobutyi ng’ony anyun Daudi ak boisiek kotoore togochikwak ng’ony, kolaachi kuniok.

EZRAH 1:2

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda.

EZRAH 4:5

Ak kisir ng’omotik che bo melekto, si kogirinda ichek kowal magenywa koek buch, eng’ betusiek tugul che bo Kirus laitoriatab Persia, agoi koit laitornatetab Darius laitoriatab Persia.

ESTA 1:3

eng’ kenyit ne bo somok ne bo laitornatennyi, ko kiyachi igorta bounikyik tugul ak otwogikyik; komi tainnyi bik che toogunotin ak bounikab emotinwek, che ki kimnatetab Persia ak Media:

ISAIAH 13:17

Ogeero, ang’eeti Medik koba kobargei ak ichek, che maiiti feda kole kiy, ama boiboitune ichek tahabu.

ISAIAH 21:2

Kagiborua ng’ang’utiet ne ng’wan; iberberisiei kaberberindet, ak kong’emisiei ng’emindet. Ee Elam, togoste; ee Media, yiemisie; kaawong’u tigenoikyik tugul.

ISAIAH 44:28

ne mwaei agobo Kirus kole, Inendet ko mestowondennyu, ak koyaei inendet tuguk tugul che achame: mwaei kogeny agobo Jerusalem kole, Tun kiteechei, ak komwachin hekalut kolenjin, Tun kilumei lumeiyweguk.

JEREMIA 51:11

Olit kipchabonik; onam long’onik komie: kagong’eet Jehovah tamirmirikab laitorinikab Medik; amu chobennyi ko kogirinda Babulon, kong’em: amu yaaktaetab mugetut ne bo Jehovah, yaaktaetab mugetut ne bo hekalunnyi.

DANIEL 10:5

ayot met ak atobende, ageer chito ne ilaachi ngoroikab katanit, ne kiga rategei tahabu ne kararan ne bo Upas;

DANIEL 2:39

Ak ye tun ma imi, kobiit bounatet age ne matenitu neng’ung’; yeityo kobiit bounatet age, ne bo somok, ne bo sugunwet, ne tun bou ng’ony komugul.

DANIEL 5:31

Ak kinam Darius Medindet laitornatet, ko bo olo bo kenyisiek tamanwogik lo ak aeng’.

DANIEL 6:28

Kinyor anyun Daniel-inito borotet eng’ laitornatetab Darius, ak eng’ laitornatetab Kirus Persiaindet.

DANIEL 7:5

Ak ogeero, tiondo age, ne bo aeng’ ne u keerit, ak kigiganab kotonone komosak, ak kitinyei karaswek somok eng’ kutinnyi: ak kigimwachi ko u ni, kelenji, Ng’eet, am banyek che chang’.

DANIEL 8:2

Ak kiageer ng’ang’utiet, ak kingageere, ami Susan, nganaset ne o, ne mi emetab Elam; ak kiageer eng’ ng’ang’utionoto ami ole negite ainet Ulai.

DANIEL 8:20

Mengit ne kaigeer ne tinyei kuinoik aeng’ ko laitorinikab Media ak Persia.

SEKARIA 1:18

Ak kiayot met, ak ageer, ogeero, kuinoik ang’wan.

SEKARIA 2:1

Ak kiayot met ak ageer, ogeero, chito ne tinyei eng’ eunnyi borowet ne kikwaise.

SEKARIA 5:1

Kiayot met anyun kogeny, ak ageer, ak ogeero, bukuit ne mamanat ne tirireni.

SEKARIA 5:5

Kiwa anyun malaikaiyat ne king’alalwa, ak kolenja, Yot met anyun ak igeer kioto wendi.

SEKARIA 5:9

Kiayot met anyun, ak ageer, oreero, kibwa kwonyik aeng’u ak kimi usonet kebebaikwak; kitinyei kebebaik che u kebebaikab chebokibabaa: ak kinamji barak epahinoto eng’ kwenutab ng’ony ak kipsengwet.

SEKARIA 6:1

Kiayot met kogeny, ak ageer, ogeero, kibwa karisiek ang’wanu che bo luget kobunu kwenutab tulonok aeng’; ak ki bo sugunwet tulonochoto.

KAITOSYEK 24:2

Ak kitobendo Balaam, ak kigeer Israelik komeng’isiei ko katetgei ko u ortinwekwak; ak kinyonji Tamirmirietab Kamuktaindet inendet.

JOSHUA 5:13

Ak ye ki negite Josua Jeriko, kotobendo ak kogeer, ogeero, kitononi chito ko katokyingei inendet kotinyei rotwennyi bo chok eng’ eunnyi ne kaging’us: ak kiwa Josua ole mitei inendet, kwo kolenji, I nenyo, anan i bo bunikyok?

NG'ANG'UTYET 13:11

Ak kiageer tiondo age kotogosu eng’ ng’ony; ak kitinyei kuinoik aeng’ che u che bo aruet, ak king’alal ko u maswetit.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.