DANIEL 8:22 - BUKUIT NE TILIL

²² Ak kuinonoto kiil, eng’ ole kitononie choto ang’wanu, ko tun biitune yoto bounatosiek ang’wanu che mong’une bororiet, ago ma eng’ kimnatennyi.

Bukuit Ne Tilil

²² Ak kuinonooto ki il, eng' ole ki tononie chooto ang'wanu, ko tuun pitunee yooto pounatosyek ang'wanu che mang'une pororyet, ago ma eng' kimnateennyi.

DANIEL 8:22 ပူးပေါင်းရင်းမြစ်များ

DANIEL 11:4

Ak ye kagobiit, keng’emei laitornatennyi, ak kopcheigei kotokyigei usonaik ang’wan che bo kipsengwet; ago ma tun bunjin iyotennyi, ama isubi ko u bounatennyi ne kibou; amu kitutu laitornatennyi kobunji alak koboto chuto.

DANIEL 7:6

Kingobata nito, ageer, ak ogeero, tiondo age ne u cheblanget, ne kitinyei eng’ batai kebebaik ang’wan che u che bo taritiet; kitinyei kogeny tionyoto metowek ang’wan; ak kigigochi bounatet.

DANIEL 7:7

Kingobata nito, ageer eng’ ng’ang’utik kemoi, ogeero, tiondo ne bo ang’wan ne imuisei ak ko kim, ak kotinyei kimnatet ne siirtoot; ak kitinyei kelek che eechen che bo karik: kiam, ak kotonaton, ak kotiechatiech che king’et: ak ki ter tionyoto eng’ tiong’ik tugul che kiindoune inendet; ak kitinyei kuinoik taman.

DANIEL 8:21

Ak kwesta ko laitoriatab emetab Yunanik, ak kuinet ne o ne mi kwenutab togennyi ko laitoriat ne bo tai.

DANIEL 8:23

Ak eng’ betusiek che bo let che bo bounatenywa, ye kagoyam bistoetab bistoik, kobiit laitoriat ne tong’ony togoch, ne iguitos ng’alek che ung’otin.

DANIEL 8:3

Yeityo ayot met, ak ageer, ak ogeero, kitonon eng’ ngegutab ainet mengit ne kitinyei kuinoik aeng’: ak ki koen kuinoichoto aeng’u; ago ki koi age kosiir age, ak kimong’u let noto koi.

DANIEL 8:8

Ak kieetgei kwesta mising’: ak ye kingo kagogimit, koil kuinet ne o; ak kimong’ kuinoik ang’wanu che toogunotin kotokyigei usonaik ang’wan che bo kipsengwet, kogeer ni ka bo tai.

SEKARIA 6:1

Kiayot met kogeny, ak ageer, ogeero, kibwa karisiek ang’wanu che bo luget kobunu kwenutab tulonok aeng’; ak ki bo sugunwet tulonochoto.