DANIEL 8:21 - BUKUIT NE TILIL

²¹ Ak kwesta ko laitoriatab emetab Yunanik, ak kuinet ne o ne mi kwenutab togennyi ko laitoriat ne bo tai.

Bukuit Ne Tilil

²¹ Ak kwesta ko laitoryatap Greece, ak kuinet ne oo ne mi kwenutap togeennyi ko laitoryat ne po tai.

DANIEL 8:21 ပူးပေါင်းရင်းမြစ်များ

DANIEL 10:20

Yeityo kole, Tos ingen ile amu nee si anyonjin? Kaweege anyun si kebarge ak bounindetab Persia: ak ye awe, keero, konyo bounindetab emetab Yunanik.

DANIEL 11:2

Aborun anyun ne bo iman. Keero, ta kobiitu laitorinik somogu eng’ Persia; ak egu magoriot mising’ ne bo ang’wan kosiir chun tugul: ak ye kagogimit amu magornatosiekyik, kong’eet bik tugul kobargei ak bounatetab emetab Yunanik.

DANIEL 11:3

Ak kobiit laitoriat ne kim mising’, ne tun bounisiei eng’ bounatet ne o, ak koyai ko u ye machei.

DANIEL 2:39

Ak ye tun ma imi, kobiit bounatet age ne matenitu neng’ung’; yeityo kobiit bounatet age, ne bo somok, ne bo sugunwet, ne tun bou ng’ony komugul.

DANIEL 7:6

Kingobata nito, ageer, ak ogeero, tiondo age ne u cheblanget, ne kitinyei eng’ batai kebebaik ang’wan che u che bo taritiet; kitinyei kogeny tionyoto metowek ang’wan; ak kigigochi bounatet.

DANIEL 8:20

Mengit ne kaigeer ne tinyei kuinoik aeng’ ko laitorinikab Media ak Persia.

DANIEL 8:22

Ak kuinonoto kiil, eng’ ole kitononie choto ang’wanu, ko tun biitune yoto bounatosiek ang’wanu che mong’une bororiet, ago ma eng’ kimnatennyi.

SEKARIA 9:13

Amu kiarikyige Juda ko u kwanget, ak agersach Epraim; ak ang’eet weriguk, ee Sion, kobargei ak weriguk, ee, emetab Yunanik, ak ayain iige rotwetab chok ne bo chito ne nyigan.