DANIEL 8:16 - BUKUIT NE TILIL

¹⁶ Ak kiagas kutitab chito eng’ kwenutab ainet Ulai, ne kiguurso kole, Gabriel, iborji chichi koguiyo ng’ang’utiet.

Bukuit Ne Tilil

¹⁶ Ki agas kutitap chiito eng' kwenutap aineet ne ki kuuree Ulai, ne ki kuurso kole, “Gabriel, iboorchi chiichi koguiyo ng'ang'utyet.”

DANIEL 8:16 ပူးပေါင်းရင်းမြစ်များ

DANIEL 10:14

Kanyo anyun si kobiit aborun iguiye tuguk che tun bwanjin biguk eng’ betusiek che bo let: amu bo ng’ang’utiet betusiek che chang’.

DANIEL 10:21

Ago amwaun kit ne sirat eng’ sirutik che bo iman: ama mi age ne toreta agirinda tuguchuto, kobate Mikael bounindeng’wong’.

DANIEL 7:16

Kiarikyi age eng’ choto kitonondos eng’ yoto, ak atebe inendet kaguiyetab tuguchuto tugul. Komwawa anyun, ak koborua kaweeksetab tuguchoto.

DANIEL 8:2

Ak kiageer ng’ang’utiet, ak kingageere, ami Susan, nganaset ne o, ne mi emetab Elam; ak kiageer eng’ ng’ang’utionoto ami ole negite ainet Ulai.

SEKARIA 1:9

Kiale anyun, Ee kiptaiyandennyu, nee chu? Ak kilenja malaikaiyat ne king’alalwa, Ta aborun kit ne bo chuto.

SEKARIA 2:4

ak kolenji inendet, Labat, ng’alalji murenoni, ilenji, Kimenyei Jerusalem ko u ye kimenyei nganasok che mengechen che matinyei irimoik, amu chang’indab bik ak tuga che mi.

LUKA 1:19

Ak kiwolji malaikaiyat kolenji, A Gabriel, ne atononi eng’ taitab Jehovah; kagiyokwa ang’alalun, ak aibun logoiywechu miachen.

LUKA 1:26

Kiiyokto Jehovah malaikaiyat Gabriel eng’ arawetab lo kwo nganaset ne bo Galili, ne kiguure Nasaret,

POISYONIGAP CHE KIYOKTOI 10:13

Kinyonji anyun kutit, kolenji, Ng’eet, Petero; eny ak iam.

POISYONIGAP CHE KIYOKTOI 9:7

Ak kitononso ko nam kut bik che kibendi koboto inendet, kogasei twegunet, ama keerei chi.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

NG'ANG'UTYET 1:12

Ak kiawelelge ale ageer kutinato king’alalwa. Ak kingo kaawelelge ageer kelyek tisab che bo taisiek che bo tahabu;

NG'ANG'UTYET 22:16

Ane Jesu ne kaayogu malaikaiyandennyu si kobaorianwok tuguchu eng’ kanisosiek. A tigitiot ak keswotab Daudi, taboiyot ne bo karon ne ikwenyi.