DANIEL 8:15 - BUKUIT NE TILIL

¹⁵ Ak kingo kaageer ane Daniel ng’ang’utionoto, acheng’ anyun ale aguiyo; ak ogeero, kitonon eng’ tainnyu itonda ne u ne bo chi.

Bukuit Ne Tilil

¹⁵ Kingo kaageer anee Daniel ng'ang'utyonooto, acheeng' anyun ale aguiyo; ak ogeero, ki tonon eng' tainnyu itonda ne uu ne po chii.

DANIEL 8:15 ပူးပေါင်းရင်းမြစ်များ

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

DANIEL 10:16

Ak ogeero, kitwa kutinnyu age ne kergei ak werikab bik: ayat kutinnyu anyun, ang’alal, alenji inendet ne kitonon eng’ tainnyu, Ee kiptaiyandennyu, kagobwanja arogenosiekyuk amu ng’ang’utiet, ama ng’etwa kimnatet.

DANIEL 10:18

Yeityo kotwaa kogeny age ne u chito, ak kiigimita.

DANIEL 10:5

ayot met ak atobende, ageer chito ne ilaachi ngoroikab katanit, ne kiga rategei tahabu ne kararan ne bo Upas;

DANIEL 12:8

Ak kiagas, ago ma aguiye: yeityo amwa ale, Ee kiptaiyandennyu, egu nee kagesunetab tuguchuto?

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

DANIEL 7:28

Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

DANIEL 8:1

Kinyonja ane Daniel, ng’ang’utiet ne u ne kiga ageer eng’ tai, eng’ kenyit ne bo somok ne bo laitoriat Belsasar.

DANIEL 8:19

Ak kile, Keero, aborun inai tuguk che tun biitu let che bo neregek: amu bo ng’ang’utionoto betut ne kiging’at ne bo let.

SEKARIA 1:9

Kiale anyun, Ee kiptaiyandennyu, nee chu? Ak kilenja malaikaiyat ne king’alalwa, Ta aborun kit ne bo chuto.

MATAYO 13:36

Kibagakta anyun tuiyosiek, ak kwo go: ak kibwanji alamalyennyi kolenji, Iboruech kalewenetab chemulbainikab mbaret.

MATAYO 24:15

Ye ogeer anyun kit ne kiwechei ne bo ng’emisiet, ne kimwa maotiot Daniel, kotonone ole tilil (ingoguiyo inendet ne somani),

MATAYO 24:30

ak kotook anyun eng’ kipsengwet kaborunetab Weritab chi: ak koteiyo anyun bororiosiek tugul che bo ng’ony, ak kogeer konyonei Weritab chi eng’ baragutab bolik che bo kipsengwet ak kimnatet ak lilindo ne o.

MARIKO 13:14

Ago ye tun ogeer kit ne kiwechei ne bo ng’emisiet kotonone ole ma nyoljin kotonone (ingoguiyo ne somani), ingomwechi anyun che mi Judea tolonok:

MARIKO 4:12

si eng’ keeret kogeerei, ama ibestos; ak eng’ kaset kogasei, ama iguitos; si maweek, ak kenyochi kaat.

JOSHUA 5:14

Ak kile, Achicha; kanyo nguno aegu kiptaiyatab lugetab Jehovah. Ak kiing’uruk Josua kot koit ng’ony togennyi, ak kolos, ak kolenji, Mwachin nee kiptaiyandennyu otwogindennyi?

NG'ANG'UTYET 1:13

ak eng’ kwenutab kelyechoto bo taisiek, ageer chito ne kergei ak weritab chi, kolaachi ngoriet ne itei kelyek, ak koratategei birenetab tahabu eng’ teget.

NG'ANG'UTYET 13:18

Mi yu ng’omnatet. Inendet ne tinyei kaguiyet, koiit koitetab tiondo; amu noto koitetab chi: ak koitennyi ko Bogol lo ak tamanwogik lo ak lo.