DANIEL 8:12 - BUKUIT NE TILIL

¹² Ak kigigochi inendet luget koboto kagochinet ne kibeelei ne bo kotugul amu bistoet; ak kiwirji ng’ony imanda, ak kiyai ko u ye kimach ak konyor borotet.

Bukuit Ne Tilil

¹² Ak ki kigoochi ineendet lugeet kobooto kagoochinet ne kibeelei ne po kotugul amu pistoet. Ki wiirchi ng'wony imanda, ak ki yai ko uu ye ki mach ak konyoor poroteet.

DANIEL 8:12 ပူးပေါင်းရင်းမြစ်များ

Kitabuutap JOB 12:6

Borei emaisiekab ribik, Ak ribotin che tachei Kamuktaindet; Ipchin Kamuktaindet eunekwak tugul che chang’.

TIENWOGIKAL 119:142

Imandang’ung’ ko imanda ne wendi agoi koigeny. Ak imanda ng’atutieng’ung’.

TIENWOGIKAL 119:43

Amereb ng’olyondeng’ung’ ne bo iman eng’ kutinnyu; Amu kiamang’u kiruogutiguk.

TIENWOGIKAL 28:5

Amu mamage kiy boisionikab Jehovah, Anan boisietab eunekyik, Butei Jehovah ichek ama koteechei kogeny.

ISAIAH 59:14

Ak kikwa let kiruoget, ak tononi imanda eng’ ole loo: amu kagobutyi imanda oret, ak maimuchi komong’ lititindo.

JEREMIA 12:1

I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

DANIEL 11:28

Yeityo koweekyigei emennyi koboto tuguk che chang’; ak kowech muguleldanyi kayomiset ne tilil; ak koyai ko u ye machei, ak koweekyigei emennyi.

DANIEL 7:21

Kiageer koyai luget kuinonoto koboto bik che tililen, ak koterter kuinonoto ichek;

DANIEL 8:4

Kiageer mengoto kotoortoisiei kotokyigei cherongo, ak murot ne bo katam, ak murot ne bo tai; ama imuch tiong’ik kotononso eng’ tainnyi, ama biit ne kiimuch kosor eng’ eunnyi; ago kiyai ko u ye machei, ak koeetgei.

NG'ANG'UTYET 13:7

Ak kigigochi inendet kobargei ak bik che tililen, ak koterter ichek; ak kigigochi inendet kimnatet koboi oret age tugul ak bik alak tugul, ak kutit age tugul ak bororiet age tugul.

1 SAMUEL 23:9

Ak kinai Daudi kole, chobei Saul yaitiet agobo inendet; ak kilenji Abiatar tisiindet, Ibu epod konyo yu.