DANIEL 7:9 - BUKUIT NE TILIL

⁹ Kiageer kot kinde ng’echerokab laitornatet, ak kitebe ng’echeranato inendet ne bo keny: ak ki leelach ngoroikyik ko u teluchi, ak ki u sumeekyik kororik che tililen che bo kechirek; ko bo ng’echerennyi ne bo laitornatet liblibenosiekab mat, ak ki mat ne lalei cheptirokyik.

Bukuit Ne Tilil

⁹ Ki ageer kindo ng'echerogap laitornatet, ak ki tebee ng'echeranooto Ineendet ne po Keny, ki leelach ngoroikyik ko uu teluji, ki uu suumeekyik koroorik che tiliileen che po keechiirek; ko po ng'echerennyi ne po laitornatet liplibenosyegap maat, ak ki maat ne lalei tirookyik.

DANIEL 7:9 ပူးပေါင်းရင်းမြစ်များ

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

2 ATEPTAP PEETUUSYEK 18:18

Ak kile Mikaia, Ogas anyun ng’olyotab Jehovah: kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

TIENWOGIKAL 45:8

Ng’uu ngoroiguk tugul nyamdutiet ne bo tuguk che u igomoik, ak ahalot ak kasia; Kiibaibain kibugandinik che bo inoik che mi gorikab laitorinik che bo kelekab belek.

TIENWOGIKAL 90:2

Ye kitom kobiit tulonok, Anan ye kitom iyai emet ak ng’onyut, I Kamuktaindet, koboch keny agoi koigeny.

TIENWOGIKAL 93:2

Kigigimit ng’echereng’ung’ ne bo laitornatet koboch keny: Kiimi koboch keny agoi.

ISAIAH 6:1

Eng’ kenyit ne kimee laitoriat Usia, ageer Kiptaiyat kotebe ng’echeretab laitornatet, kotoror ak komi barak, ak kinyi ngoriennyi hekalut.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

JEREMIA 49:38

ak alum ng’echerennyu ne bo laitornatet eng’ Elam, ak ang’em eng’ oloto laitoriat ak bounik, mwaei Jehovah.

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

MIKAH 5:2

Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

HABAKUK 1:12

Tos, mebo koigeny, inye, ee Jehovah Kamuktaindennyu, Inendet ne Tilil ne nenyu? Magibegu. Ee Jehovah, kiichopchi inendet kiruoget; ak ee inye Ruandet, kiigimit inendet si kobiit kitigon.

MATAYO 17:2

ak kiwalak eng’ tainywa: ak kiiluu togennyi ko u asista, ak kileelagitu ngoroikyik ko u lapkeiyet.

MATAYO 28:3

Ki u kalyelet itondanyi, ak ki leelach mising’ ngoroikyik ko u teluji:

MARIKO 9:3

ak kilil bich ngoroikyik mising’, ko u teluchi; mami mwetindet ng’ony ne imuchi komwet koleelagitu ko u choto.

POISYONIGAP CHE KIYOKTOI 2:30

Ak amu kimaotio, ak kiingen kole kiga koyosiechi Jehovah inendet kole, indoi Jehovah ng’echerennyi chito ne tun bunu iyotennyi;

POISYONIGAP CHE KIYOKTOI 2:33

Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase.

PILIPIK 3:9

ak kenyorua eng’ inendet, ko matinye imandanyu, noto ne bo Ng’atutiet, ago noto ne bunu kayanet eng’ Kristo, imanda ne bo Jehovah eng’ kayanet:

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

1 JOHANA 1:5

Ak ni ng’olyot ne kigigas eng’ inendet, ak keamwok, kele lapkeiyet Jehovah, ama mi mesundeito eng’ inendet agot kitigin.

NG'ANG'UTYET 1:14

Ak ki leel metinnyi ak ki leelach sumeekyik ko u kororik che leelachen, ko u teluchi; ak ki u konyekyik liblibenetab mat;

NG'ANG'UTYET 19:18

si kobiit oam borwekab laitorinik, ak borwekab kiptainikab luget, ak borwekab bik che kimen, ak borwekab mbartanyisiek ak che bo che lanyei ichek, ak borwekab bik tugul, che itiagotin ak che ratotin, ak che mengechen ak che eechen.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

NG'ANG'UTYET 4:2

Ak kiami anyun eng’ Tamirmiriet eng’ yoto: ak ogeero, kiginde kipsengwet ng’echeretab laitornatet, ak kimi chito ne kitebe ng’echeranato;