DANIEL 7:6 - BUKUIT NE TILIL

⁶ Kingobata nito, ageer, ak ogeero, tiondo age ne u cheblanget, ne kitinyei eng’ batai kebebaik ang’wan che u che bo taritiet; kitinyei kogeny tionyoto metowek ang’wan; ak kigigochi bounatet.

Bukuit Ne Tilil

⁶ Kingo pata niito, ageer, ak ogeero, tyondo age ne uu cheplanget. Ki tinyei eng' patai kebebaik ang'wan che uu che po toriityon ak ki tinyei kogeny tyonyooto metowek ang'wan; ak ki kigoochi pounateet.

DANIEL 7:6 ပူးပေါင်းရင်းမြစ်များ

EZEKIEL 17:3

ilenji, Mwaei Kiptaiyat Jehovah ko u ni kole; Kinyonji Lebanon kipsichit ne no ne tinyei kebebaik che eechen ak ko koen, che nyiitat kororik che kitinyei saleiywek che ter, ak koib walitab tarakwet:

DANIEL 10:20

Yeityo kole, Tos ingen ile amu nee si anyonjin? Kaweege anyun si kebarge ak bounindetab Persia: ak ye awe, keero, konyo bounindetab emetab Yunanik.

DANIEL 2:39

Ak ye tun ma imi, kobiit bounatet age ne matenitu neng’ung’; yeityo kobiit bounatet age, ne bo somok, ne bo sugunwet, ne tun bou ng’ony komugul.

DANIEL 7:4

Ki u ne bo tai ng’etundo, ak kitinyei kebebaik che u che bo kipsichit: kiageer agoi kesul kebebaikyik, ak kigiganab eng’ ng’ony, ak keng’at kotonone kelyek aeng’ ko u chito, ak kigigochi naet ne u ne bo chito.

DANIEL 7:5

Ak ogeero, tiondo age, ne bo aeng’ ne u keerit, ak kigiganab kotonone komosak, ak kitinyei karaswek somok eng’ kutinnyi: ak kigimwachi ko u ni, kelenji, Ng’eet, am banyek che chang’.

HOSEA 13:7

A u anyun eng’ icheget ng’etundo: asapchini eng’ oret ko u cheblanget:

NG'ANG'UTYET 13:2

Ak ki u tiondo ne kiageer cheblanget, ak ki u kelyekyik kelyekab tiondo ne u keerit, ak ki u kutinnyi kutitab ng’etundo: ak kiigochi maswetit inendet kamugennyi, ak ng’echerennyi ne bo laitornatet, ak kimnatet ne o.