DANIEL 7:27 - BUKUIT NE TILIL

²⁷ Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

Bukuit Ne Tilil

²⁷ Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

DANIEL 7:27 ပူးပေါင်းရင်းမြစ်များ

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 86:9

Tun bwanei bororiosiek tugul che kiiyae Ak kogutung’so eng’ taing’ung’, ee Kiptaiyat; Ak kotoror ichek kaineng’ung’.

ISAIAH 14:2

Ak komut bororiosiek ichek agoi oldanywa: ak kobunji gotab Israel bichoto eng’ emetab Jehovah, koek otwogik ak tibik che otwogik: ak koluul Israel ichek che kiga luul ichek; ak koboi usikwak.

ISAIAH 54:3

Amu inaktoi komostab eutab tai ak ne bo katam; ak konyaban iyoteng’ung’ bororiosiek, ak kogochi kemeny kogeny nganasok che kiga kelakta.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

OBADIA 1:21

Ak togosu sorunik tulwetab Sion koruokyi tulwetab Esau; ak kobunji bounatet Jehovah.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

LUKA 1:33

ak tun laitorane gotab Jakobo koigeny; ama tinyei ole igesunegei bounatennyi.

JOHANA 12:34

Kiwolji anyun tuiyet inendet, kolenji, Kigegas eng’ Ng’atutik kele tebyei Kristo koigeny: teptoi ano anyun si imwa ile, Kanyol keuito Weritab chi? Ng’o Weroto bo chi?

1 KORINTOEK 15:24

Ye ibata koit anyun let, ye tun igoito inendet bounatet kogochi Jehovah, inendet Kwanda; ye tun kagowong’ bounatet tugul ak kimnatet tugul ak kamuktaet.

NG'ANG'UTYET 11:1

Ak kigigona tegat ne u kirokto: ak kilenja age, Ng’eet, ak ikwa hekalutab Jehovah, ak kapkorosut, koboto icheget che saei eng’ oloto.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.