DANIEL 7:25 - BUKUIT NE TILIL

²⁵ Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

Bukuit Ne Tilil

²⁵ Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 7:25 ပူးပေါင်းရင်းမြစ်များ

ISAIAH 37:23

Ak ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.

DANIEL 11:28

Yeityo koweekyigei emennyi koboto tuguk che chang’; ak kowech muguleldanyi kayomiset ne tilil; ak koyai ko u ye machei, ak koweekyigei emennyi.

DANIEL 12:7

Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 3:26

Korikyi anyun Nebukadnesar ole kibunei kebendi maata o kilalei mising’; ak komwa kole, Sadrak, Mesak, ak Abed-nego, okwek otwogikab Kamuktaindet ne Toror Mising’, omong’u obwa oli. Komong’ anyun Sadrak, Mesak ak Abed-nego eng’ ma.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 4:2

Kiageer ale mie abor kaborunoik ak kwong’utik che kiyaiywa Kamuktaindet ne Toror Mising’.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:20

ak kiamach anai agobo kuinoik taman che kimi metinnyi, koboto kuinet age ne kimong’, koboto kutit ne kimwaei tuguk che eechen, ne kieet itondanyi kosiir ne bo chun alak.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

DANIEL 8:11

Ee, kiieetgei, kot koit ole mi bounindetab luget; ak koistoe inendet kagochinet ne kibeelei ne bo kotugul, ak kigibut oldanyi ne tilil.

DANIEL 8:14

Ak kilenja, kitilili ole tilil ko kagogesgei koskoleng’usiek ak karonusiek elfusiek aeng’ ak bogol somok.

DANIEL 8:9

Ak kimong’une kuinet ne ming’in age eng’ kuinoichoto, ne kieet mising’, kotokyigei murot ne bo tai, ak kong’asis, ak emet ne kararan mising’.

DANIEL 9:27

Ak koyomisgei koboto bik che chang’ eng’ kayomiset ne kim ne bo wigit agenge: ak koges tiseiywot ak kagochinetab busiek eng’ kwenutab wigit; ak konyo age ne ibu ng’emisiet eng’ kebepchetab tuguk che kiwechei; ak kerong’ji ng’emindet neregek che kigeng’at, agoi kagesunet.

HOSEA 7:16

Weechigei, ago maweekyingei inendet ne mi barak; u kwanget ne ma litit: kibarei bounikwak eng’ rotwetab chok amu neregekab ng’elyebwekwak: egu nito chotisienywa eng’ emetab Misri.

2 THESSALONIKEK 2:3

amat kong’alak chi eng’ kiy age tugul; amu maitu betunoto, kobate indou katuituet ak keng’any chito ne bo tengekto, weritab luset,

2 THESSALONIKEK 2:4

inendet ne kirindoi ak kotororegei kogirindoi tugul che kiguure Jehovah anan che kilosu; si koteb anyun eng’ hekalutab Jehovah, koborugei inendet ko u ne Jehovah.

2 THESSALONIKEK 2:8

Ak yeityo keng’any ngeleliot, ne tun barei Kiptaiyat Jesu eng’ kabusetab kutinnyi, ak kong’em koek buch eng’ ng’ang’etab nyonunennyi;

NG'ANG'UTYET 12:14

Ak kigigochi kwonyoto kebebaik aeng’ che bo kipsichit ne o, si kobiit kotirirene kwo ong’atet agoi oldanyi, ole kibae, eng’ betusiek, ak betusiek alak, ak kebebertab betusiek, koistoegei togetab erenet.

NG'ANG'UTYET 12:6

Ak kimwei kwonyoto kwo surkwen, ole kiting’e komosta ne kiga kochopchi Jehovah, si kobiit kobai inendet eng’ oloto betusiek elfut agenge bogol aeng’ ak tamanwogik lo.

NG'ANG'UTYET 14:12

Mi yu muitaetab bik che tililen, icheget che ribei ng’atutikab Jehovah, ak kayanetab Jesu.

NG'ANG'UTYET 16:6

amu kitumda korotikab bik che tililen ak che bo maotik, ak kaigochi ichek korotik koe: amu nyoljin ichek ko u noto.

NG'ANG'UTYET 17:6

Ak kiageer kwonyoto ko kagobogit eng’ korotikab bik che tililen, ak eng’ korotikab baorinikab Jesu. Ak ye kingageer inendet, akwong’ eng’ kwong’et ne o.

NG'ANG'UTYET 18:24

Ak kiginyorji inendet korotikab maotik ak che bo bik che tililen, ak che bo tugul che kigibar eng’ ng’ony.