DANIEL 7:14 - BUKUIT NE TILIL

¹⁴ Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

Bukuit Ne Tilil

¹⁴ Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:14 ပူးပေါင်းရင်းမြစ်များ

TIENWOGIKAL 102:22

Ye kagoyumgei bik, Ak bororiosiek, si koboisiechi Jehovah.

TIENWOGIKAL 103:19

Kigogimit Jehovah ng’echerennyi ne bo laitornatet eng’ kipsengwetisiek; Ak bou laitornatennyi tugul:

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

TIENWOGIKAL 146:10

Laitorani Jehovah koigeny, Laitorani Kamuktaindeng’ung’ eng’ ibinwek tugul, ee Sion. Olosu Jehovah.

TIENWOGIKAL 45:6

Ee Kamuktaindet, tebyei koigeny ak koigeny ng’echereng’ung’ ne bo laitornatet; Siaritab imanda ko siaritab bounateng’ung’.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

TIENWOGIKAL 8:6

Kiigochi inendet koboi boisionikab euneguk; Kiinde tuguk tugul keldebesaikab kelyekyik kogas it;

ISAIAH 16:5

Ak kigimiti ng’echeretab laitornatet eng’ rirenet, ak tebe chito ng’echeranato eng’ iman eng’ emaitab Daudi; koruoch ak kocheng’ei kiruoget, ak ko chepcheb koyai imanda.

ISAIAH 60:12

Amu lusei bororiet ak bounatet ne maboisieun; ee, king’emei bororiosiechoto kobetyo.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

DANIEL 2:35

Kotonogis anyun tugul; karik, menet, sugunwet, feda, ak tahabu, ak koigei metetek che bo ruanyut ne kiborse; ak koib usonet, kot ko mata kenyorji ui: ak koek tulwet ne o kayato kotuei kanamwet, ak konyi emet komugul.

DANIEL 2:37

Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 3:4

Kimwa anyun ng’alindet ne mwaitoi ng’alek, eng’ kutit ne o, kole, Kaging’atak, ee bichu, bororiosiechu, ak che o bo kutuswek che ter, kele,

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

OBADIA 1:21

Ak togosu sorunik tulwetab Sion koruokyi tulwetab Esau; ak kobunji bounatet Jehovah.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

LUKA 1:33

ak tun laitorane gotab Jakobo koigeny; ama tinyei ole igesunegei bounatennyi.

LUKA 10:22

Kigogona tuguk tugul Baba: ak mami chi ne ingen Werit kole ng’o, kobate Kwanda; ama nai chi Kwanda kole ng’o, kobate Werit, ak chi age tugul ne chamei Werit, kong’ang’jin.

JOHANA 12:34

Kiwolji anyun tuiyet inendet, kolenji, Kigegas eng’ Ng’atutik kele tebyei Kristo koigeny: teptoi ano anyun si imwa ile, Kanyol keuito Weritab chi? Ng’o Weroto bo chi?

JOHANA 3:35

Chamei Kwanda Werit, ak kigonde tuguk tugul eunnyi.

HEBRANIK 12:28

Noto anyun, amu kinyoru bounatet ne magimuchi kitumdum, ko ongeegu che tinyei mieindo, ne kimuchi keyae boisiet ne iboiboi Jehovah mising’, eng’ teegisto ak kaiyweet:

1 PETERO 3:22

ne kikwa kipsengwet ak komi eutab tai ne bo Jehovah; ak kigiyai malaikaisiek ak bounatosiek ak kimnatosiek kogas it inendet.

NG'ANG'UTYET 1:6

ak koyaech keegu bororiet, ak keegu tisiik eng’ Jehovah nenyi, ak ko Kwanda; nenyi torornatet ak kimnatet koigeny ak koigeny. Amen.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.