DANIEL 7:13 - BUKUIT NE TILIL

¹³ Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

Bukuit Ne Tilil

¹³ Ki ageer eng' ng'ang'utigap kemoi, age ne kergei ak weeriitap chii, konyo eng' pooligap kipsengwet. Ki nyo ole mi Ineendet ne po Keny, ak ki kimut ineendet koriik taitap Ineendet ne po Keny.

DANIEL 7:13 ပူးပေါင်းရင်းမြစ်များ

TIENWOGIKAL 110:2

Iyoktoi Jehovah siarit ne bo kimnateng’ung’ eng’ Sion: Bou inye eng’ kwenutab buniguk.

TIENWOGIKAL 2:8

Soma, si agonin bororiosiek koek boroteng’ung’, Ak agonin tabanwekab ng’ony kobunjin.

TIENWOGIKAL 47:5

Kitogosta Kamuktaindet eng’ tulet, Kitogosta Jehovah ak cheetab iriaget.

JEREMIA 49:19

Ogeero, togosu inendet ko u ng’etundo kobunu Jordan ko kanyi beek mising’ kobargei ak meng’otet ne kim: ago achee, aone komwei inendet; ak age tugul ne kileweni, agochini koboi inendet: amu ng’o ne kegerge? Ak ng’o ne ng’atwa betut? Ak ng’o mestowot ne tononi eng’ tainnyu?

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 7:12

Ak kigiistoe tiong’ik che king’et, bounatenywa: ago kigitesyi betusiekab sobenywa ak kenyisiek.

DANIEL 7:2

Kimwa Daniel kole, Kiageer eng’ ng’ang’utiennyu kemoi, ogeero, kiusyi nyanjet ne o usonaik ang’wanu che bo kipsengwet.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

DANIEL 7:9

Kiageer kot kinde ng’echerokab laitornatet, ak kitebe ng’echeranato inendet ne bo keny: ak ki leelach ngoroikyik ko u teluchi, ak ki u sumeekyik kororik che tililen che bo kechirek; ko bo ng’echerennyi ne bo laitornatet liblibenosiekab mat, ak ki mat ne lalei cheptirokyik.

DANIEL 8:15

Ak kingo kaageer ane Daniel ng’ang’utionoto, acheng’ anyun ale aguiyo; ak ogeero, kitonon eng’ tainnyu itonda ne u ne bo chi.

MATAYO 13:41

Iyoktoi Weritab chi malaikaisiekyik, koba koyum komong’une bounatennyi tuguk tugul che inachi bich, ak ichek che yaei tengekto,

MATAYO 24:30

ak kotook anyun eng’ kipsengwet kaborunetab Weritab chi: ak koteiyo anyun bororiosiek tugul che bo ng’ony, ak kogeer konyonei Weritab chi eng’ baragutab bolik che bo kipsengwet ak kimnatet ak lilindo ne o.

MATAYO 25:31

Ago ye nyo Weritab chi eng’ torornatennyi, koboto malaikaisiek tugul, kotebe anyun ng’echeretab torornatennyi:

MATAYO 26:64

Kolenji Jesu, Kaimwa: ago amwawok ale, Koboch nguno kotun ogeere Weritab chi kotebyei eng’ eutab tai ne bo kamuktaet, ak konyonei eng’ baragutab bolik che bo kipsengwet.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

MATAYO 8:20

Ak kilenji Jesu, Tinyei lelwek keringonik, ak tinyei taritik che bo barak kesonok; ago matinyei Weritab chi ole indoi metinnyi.

MARIKO 13:26

Eng’ sainoto kogeer anyun Weritab chi konyonei eng’ bolik koboto kimnatet ne o ak lilindo ne o.

LUKA 21:27

Ak eng’ betunoto kogeer anyun Weritab chi konyonei eng’ boldet koboto kimnatet ak lilindo ne o.

LUKA 21:36

Ago oripge eng’ betut age tugul, ak osae, si kobiit oterterisie, ochilile tuguchuto tugul bwanei, ak otononse eng’ taitab Weritab chi.

LUKA 24:27

Ak kitoi koboch Musa ak maotik tugul, ak kiiarorji ichek eng’ sirutik tugul ng’alek agobo inendet.

JOHANA 12:34

Kiwolji anyun tuiyet inendet, kolenji, Kigegas eng’ Ng’atutik kele tebyei Kristo koigeny: teptoi ano anyun si imwa ile, Kanyol keuito Weritab chi? Ng’o Weroto bo chi?

JOHANA 3:13

Mami chi ne kitogosta kipsengwet, kobate inendet ne kichorgei eng’ kipsengwet, inendet ko Weritab chi ne mi kipsengwet.

JOHANA 5:27

ak kiigochi kimnatet koyai kiruoget, amu Weritab chi inendet.

POISYONIGAP CHE KIYOKTOI 7:56

ak kile, Ogeero, ageere kipsengwetisiek ko kagoyatogis, ak kotononi Weritab chi eng’ eutab tai ne bo Jehovah.

1 THESSALONIKEK 4:17

ak achek anyun che kisoptosi, che ki ng’etunotin, keganabech koboto ichek eng’ bolik, ketuiye ak Kiptaiyat eng’ soet: ak ketebi anyun koboto Kiptaiyat koigeny.

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

HEBRANIK 2:14

Amu yamdoi anyun lagok korotik ak borto, kinam choto inendet agine ko u noto; si kobiit kong’em eng’ oretab meet inendet ne tinyei kimnatetab meet, noto ko oindet;

HEBRANIK 9:24

Amu kima mong’ji Kristo ole tilil ole kigiyae eunek, ne karogutietab tugukab iman; ago kimong’ji kipsengwet inendet, si kotoogu eng’ taitab Jehovah agoi achek:

NG'ANG'UTYET 1:13

ak eng’ kwenutab kelyechoto bo taisiek, ageer chito ne kergei ak weritab chi, kolaachi ngoriet ne itei kelyek, ak koratategei birenetab tahabu eng’ teget.

NG'ANG'UTYET 1:18

ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek.

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

NG'ANG'UTYET 14:14

Ak kiageer, ak ogeero, boldet ne leel; ak kitebe boldanato chito ne u weritab chi, kotinyei eng’ metinnyi narietab tahabu, ak kimi eunnyi chepkeswet ne ng’atib.