DANIEL 7:11 - BUKUIT NE TILIL

¹¹ Kiatang’any eng’ betunoto amu ng’alek che eechen che kimwaei kuinonoto; kiageer agoi kebar tionyoto, ak keng’em bortanyi, ak kigoito kebeel eng’ mat.

Bukuit Ne Tilil

¹¹ Ki atang'any eng' peetuunooto amu ng'aleek che eecheen che ki mwaei kuinonooto. Ki ageer agoi kebar tyonyooto, ak keng'em poortanyi yeityo kigoito kebeel eng' maat.

DANIEL 7:11 ပူးပေါင်းရင်းမြစ်များ

DANIEL 11:45

Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 7:12

Ak kigiistoe tiong’ik che king’et, bounatenywa: ago kigitesyi betusiekab sobenywa ak kenyisiek.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

2 THESSALONIKEK 2:8

Ak yeityo keng’any ngeleliot, ne tun barei Kiptaiyat Jesu eng’ kabusetab kutinnyi, ak kong’em koek buch eng’ ng’ang’etab nyonunennyi;

2 PETERO 2:18

Amu, ye mwaei ng’alek che koromen che bo losetab ge, kochuutu eng’ magutikab borto, ak eng’ maget ne ya, bik che katoi kochililyo eng’ ichek che mi eng’ kenisiet:

JUDA 1:16

Chuto ko che ing’unyng’ung’dos, kiptiyotinik, che isubi magutikwak che yaachen (ak komwaei kutuswekwak ng’alek che koromen che bo menotet), che tiytii bik si konyor kelunet.

NG'ANG'UTYET 18:8

Noto anyun itu korotwekyik eng’ betunak, meet, ak rirek, ak rubet; ak kebeel inendet eng’ mat kogesgei; amu kim Kiptaiyat Jehovah ne kiiruokyi inendet.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.